تألمت فتعلمت

البارت الـرابع والثـلاثـون

#_تألمت_فتعلمت
((بقلم :نبأ السلطان))

ماتدريني آنه شظليت
(جمرية بمطر) عافوها اليسهرون
هفتت ..
وانطفت ..
ماتت ..
خذتني الريح ..
وانطشيت  .

لا تنــسون متـابعـة حـسابـي_تـصـويـتات_تـعليُقات✨❤️

تكـتم:شنو شنو وافقت بابا ماريد ازووج اني

علي':والله بوية خوش ناس وماكدرت اردهم وعلي

وسن:والله موافقه وابصملك بلعشرة هم

علي:بوية انتي فكري زين بلموضوع والله خوش زلمه وشهم وابن اصل وفصل وابن شيوخ

وسن':يا وعلي لو سمعوا عمامج بيج مزوجه شيخ عشيرة ومكه ينجلطون

تكتم:مادري يمة بس ماريد

وسن:روحي نامي والصباح رباح نحجي انا وياج عووود؟

تكتم:تصبحون على خير ،،،طلعت وسديت الضوى وصعدت لغرفتي سبحت ومشطت وكعدت كدام الشباك هم شفت وكاع

زين اني اضووج منه شلون يردوني ازووجه فتحت الشباك الهوى بارد ثلج لفحني ..شتميت ريحة جكاير دنكت راسي من الشباك طلع هو يدخن

أشرلي بايدة بمعنى اسد الشباك عقجت وجهي وسديته حيل ..ضحك هو بقى واكف فترة ومشى للبيت

انا هم طفيت الاضوية وسديت البردة وعطرتها ونمت تعباانه حيل ومالي خلك بس خليت راسي على المخده تذكرتة ابتمست بعدين رديت خمدت وجهي ونمت

ماكعدت غير على الصوت الهلاهل الي صار اسبوع اسمعها ..عطت يبوووو كااافي ماتخلون بشررر ينام رفعت راسي طلعت الساعه ب١١الظهر واني نايمه كمت من مكاني ضهري مبنج جسمي مكسر تكسير من هذا الزين..
كعدت لبست دشداشة ..مال بيت مرتبة كلش لان اكيد يمنا غسلت وجهي ولفيت الشال ونزلت

لكيت يمنا جيرانه الجانو بذيج المنطقه سلمت عليهن ورحت للمطبخ شفت أصاله دتصب عصير ومخلية كيك الهن جاهز لان بقت عدنا كارتونه مافتحناها خليناها للخطار اليجي

تـكـتم:صباح النور حبيبتي ،،بلخير عليج ياروحي ان شاء الله الذرية الصالحه

أصاله:حبيبتي يوم الالج ان شاء الله وافرح بيج واردلج تعبج يعمري

تكتم:تسلمي..شصار لسه متعاركين تراضيتوا؟شي

أصاله:هو انتي مو كلتي صيري ثكيلة صرت طابوكه طن عليه ..وهو رضاني  جا مو البارحه ليلة الدخلة مالتنا خما نبقى زعلانين يمعودة فتهمي انتي من يمج بعد

تـكتم:هااا اي هم صدك البارحه مو عرسكم هاي اني هم مدري شبية يلا المهم حبيبي اريد بنيه لان اني موت على البنات حته امشطلها واصبغلها

أصاله:هههه ان شاء الله يروحي ،،خل اودي هاي الضيافه وارجعلج عندي حجي وياج مهم

تكـتم:راحت توديلهن الضيافه صبيت الي كلاص عصير خوخ وكصيت قطعه من الكيك كعدت اكل