تألمت فتعلمت

البارت الثالث والعشرون

#_تألمت_فتعلمت
((بقلم : نبأ السلطان ))
((البارت الثالث والعشرون ))

- ‏غيّرتنا الظروف وأعادت تكويننا، لم نعد نتكبد عناء ردات الفعل، أرخينا أيدينا التي كانت تتمسَّك، فلا نُحسِن الآن سوى التلويح للمغادرين.

تـكتـم:شمرتهن برى بس ماركزت على اكو شخص برة او لا ماعرف بـ سرعه دخلت للبيت رديت الباب رد ..

رجعت خليت الهتفون بأذني ـ!واني الملم بلغراض تقريبا كملـتة گلة صار گلـش حلو من الاغراض مال العمال ومسحته

جريت الصونده وضليت ارش وامسح بلماسحة والتلفون بجيبي مشغلة قصـيدة لـ  علي الدلفي .،اسمها"انا وياك" ،

شكد جان صوت القصـيدة عالي بأذني انهبطت وجفلت حيل يبست عروكي من الخرعه من فتح الباب ..وركعها متعمد .

-_!!!!اطلع ابوي مو اهنا ..حجيت بصوت عالي حيل يمكن الجيران سمعتني
-تقرب لعندي وأشر بأيدة
_....ادررري ولجج ادرري حسج عالي انصمي

.__,.هاي عوود انته الشيخ التهابك الوادم تجفت على بيوت الوادم هيج !ً

_,'"تقرب علية
وضربني راشدي بكل قوته
مره ثانية افتهمي من الشخص الي يريد يحجي وياج ياله تحجيننننن فااااااههمممههه

وگـاع:مو انه الجفت على بيوت الوادم مثل ما حجتي انه تربات شيوخ والدلة والديوان ..عدل الغترة رفع العكال ورجع نزلة على راسة ..وكمل كلامة

-_نزلتوا يمنه واشتريتوا مننا بيت ..يعني حريم هاللبيت صار عرضي وابوج مثل ابوي واخوج مثل اخوي فهمتي زين ؛!؟

تكـتم:ما اريد منك شي او افهم شي اطلع من البيت خرعتني ما تستحي ؟
يحجي بثقة وبشموخ ..خفت منـة ومن صوته بية بحـة قوية وخشنه حسيت العالم سمعته

وگـاع:انـه ،ما ميت عليج ولا على شوفت خلكتچ بس،ماسمح ومااقبل تطلعين بهالشكل عيب عليج انتي استحي انتي يا بنت الناس ..

تكتم:انقهرت وانعصر گلبي من كلامه مارديت وهو هم مارد خلو وطلع من البيت ،،باوعت على نفسي _صحيح كلامه اني لبسي مـو حلو التراگ ضيق مبين انوثتي  ولو شافوني الناس

راح يحسبوني على بنات الشيخ عسگر ،لان مو كلها تعرف أحنه الي اشترينا البيت مال عمهم (الله يرحمه)

طفيت الصوندة والماطور لان الماي غركگ الشارع والطارمة رجعت هم كذلك مسحتها ..

لبست الصاية مالتي ورتبت الشال عدل،،والهتفون وتلفون ضميتهم بلجنطه كعدت انتظر ابوي شوگت يرجع ونروح كافي أول يوم الي بهذ البيت وبقيت مو هواي بية فد ٣ ساعات وحصلت رزالة معدلة

وسمعت كلام جارح يسمم البدن ،،لحد أذان المغرب صاح المؤذن (ألله اكبر) دخل ابوية

علي:كون تأخرت عليج بنيتي ؛!؟