تكملة البارت الاخير
تگتـم : قررنا بعد ١٨ يوم يكون زواجي من وكاع مستعجل يكول ما عندي شي حته نتأخر
انطاني مليون بس للملابس والذهب هما مشتري
قسمت ٥٠٠ للمكياج ومنظفات البشرة ، والـ ٥٠٠ بيهن ملابس
كملت كل مشترياتي وشكد اخذ نصائح من صديقاتي من أصاله ناريمان محاسن نصحوني هواية واخذت بنصائحهن
شفت اصاله عروس بعدهي مو مال تشتغل وتتعب قررت انسوي مثل مسوينا بعرس غيـاث يوم واحد هو حنه هو زفـه
امي وابوي ماقبلوا يكون عرسي هيج بس اني اصريت عليه
اما وگاع هو سوى حنـه ،، اجت ناس يمهم كومه انكلبت الدنيا كلاب عدهم من الغربية اصدقاء اجوي لعبوا جوبي اله
واصدقاء صارو يدبجون ويهوسون اله تجنن الحنه مالته صارت لـ ١١ بليل يلا خلصت ،
بليـلة الحبـه خابرني وكاع ما توقعته حيخابر الية
وكاع:شلون ماحاجيج هو انا ردت بس يخلصون حته اروي عطشي لج بابا مشتاق جدٱ
تكتم: وانا بعد مشتاقه أكثر منك
وكاع:باجر طلعي شوكج الي
تكتم:لتحجي هيج استحي
وكاع:اموت عليـج ولكعبـه
تكتم:هاي انته وين وتحجي هيج
وكاع:شارد من الناس يمج احاجيج فوك السطح
تكتم:يا خطية الجو بارد ادخل جوة
وكاع:صوتج يدفيني!
تكتم،: احم ..انيي نعسست اريد انام باجر عدنا روحه للصالون ولازم شوية من وقت
وكاع: احبج
تكتم:اويي ،شبيك فهمت على حجيك نعست كافي
حسيت بية كتـم ضحكتـه وجـر حـسرة طويـلة :نامي يروحي باجر هيج وقت انتي بحضني تصبحين على احلام سعيدة
سد الخط وراح ..
انا ضليت اتكلب بفراشي ما نمت كلامـه حلو وماعرف شبيه لو باقية احجي ويا مو احسن هسه راح لزمت شعري جريته ..كضيت عمري ماعرف اصرف زين مو خابرج ملهوف عليج شكو هيج تسوين بية ...لزمت تلفون ودزيت رساله على الواتساب ..انتظرته يجاوب ماكو حتة النت مطفي ..
جريت المخده خمدت راسي بيها كلش ..ضليت اردد صلوات محمدية نمت مادري شوكت ما كعدت غير على صوت المنبه والاغاني بيتنه تصدح
كمت من فراشي لميت شعري نزلت تيشيرت مرفوع ليفوك وليش مادري هاي دائما من اكعد من النوم مبهذلة يربي عبالك جنت بحرب دامية شكد غبية اني
نزلت بخطوات على الدرج وصلت ليمهم مستحية كلش خليت ايدي على وجهي صحت أصاله
اجتني اصاله تركض ..جرت ايديه من وجهي وكالت:
أصاله:ولج شنو طفلة انتي وخري ايديج حتزوجين مابقى شي ؟
وخرت ايدية اهلي كلهم كاعدين صفنوا علية ..غيـاث حجه اني عندي شغل هسه ارجعلكم
امي ما رفعت راسها تباوع علية ..وابوية مركز على الجاي كل قوته حسيت الستكان راح يطك بأيده
أنت تقرأ
تألمت فتعلمت
Любовные романыقصـة حقـيقـيه 🌹 محوتكَ من خاطري فأنمحى خاطري وبقيت كما أنت محتدم الخط صعب الجبين .. نسيت نسيتُ ونسيان روحي تذكّر وجهك كيف أُنسيه مولاي ؟؟ كبرنا ومازال كذبك يلعبِ مازال يرمي رسائله لا أتذكر أين نسيتك لـ مظفر النواب . قصة حقيقة : !!اطلع ابوي مو...
