تألمت فتعلمت

البارت العاشر

#_تألمت _فتعلمت
((بقلم الكاتبة نبأ السلطان  ))
((البارت العاشر ))

زبيد // نعم، سادس خارجي
لان اني مفوض بلشرطه الاتحادية بس ،اخذ شهادة سادس يشدولي رتبة ظابط

تكتٌم//ودوامك شلون

زبيد//عادي ،مسوي تفريغ للدراسة

تكتٌم//والمدرسة تقبل تكعد وياهم بلصف وهاي

زبيد//اي عادي حته امتحن وياهم .

تكتٌم//يله هسه حروح انام
باي

زبيد//احبج

تكتمٌ.....
طلكت الفون ونمت أفكر بية واني مرتاحه
اول مرة اكون مرتاحة هلكد ..واول مرة شخص يسمعني هيج كلام حلو ويجنن بحياتي مسامعته من سخص غير اهلي وبس

زبيد غير هواي شغلات بحياتي خلاني انتبه على اشياء اني ما منتبه  لها

كعدت على صوت الباب تندك بقوة كمت من مكاني مفززوعه سحبت جهاز قفلته قفل عام وشمرته بلكنتور

اخذت نفس عميق حته ما ينتبهون عليه وفتحت الباب

سناريا//شبيج مو صار ساعه ادك الباب وبعدين ليش قافلتها ؟!

تكتُم//عفتها تحجي بلباب ولميت شعري زين ونزلت جوى طلعت اكل الي بقى من الغدة
سناريا//شبيج مو داحاجيج لا تجاهليني ؟!تكتٌم ترا يصير شي ميعجبج صدكي

تكتٌم//ماكو شي شكو مثلا وبعدين ليش الغرفه مسجليها بأسمج واني مادري ..درت عيوني عنها بطريقة استهزاء

سناريا//ضربتها راشدي وحجيت
عيونج اذا درتيهن عني هيج مرة ثانية اموتج حقيرة منين متعلمه هاي سوالف تعبانه

تكتٌم//وكعت الفه من حلكي من ضربتني اول مرة سناريا تضربني هيج
ما حجيت وياها شي عفتها ورحت ارتب بلمطبخ
هيه هم عافتني وراحت كعدت على التلفزيون

طلعت من المجمدة دجاجه ..
سويت تشريب احمر وكملت طبخ وهيه على كعدتها متحركت ولا اني حجيت وياها

دخل علينه غياث شاف الوجوه مغيمه ..ضحك وكال

غياث.//خير يا ستار شبيجن ؟

تكتٌم//هاي اختك ضربتني لان قافله الباب ونايمه

غياث //ههههه..لج سناريا صدك تحجين تشاقين هاي لان زمخ بيج سلمان معصبه لحد الان وطلعتيها ب تكتم المسكينه

تكتٌم//شبي سلمان فهمنا

غياث //لان تحجي ويا دكاترة هواي كتلها معليج احته نحاجيهم
هيه لا ما تقبل لازم هية تستفر وتبقى تسأل هواي

تكتٌم//وعلى هاي طلعين حركت كلبج بية شمسويتلج اني
حسبنا الله ونعم عليج يا سناريا

غياث.//لا تتحسبين على اختج
وانتي ثانية لا ضربيها بعد خوش ..ما عايشه من جيسج ولا انتي تصرفين عليها