تألمت فتعلمت

البارت الخامس عشر

#تألمت_فتعلمت

بقلم "الكاتبة نبأ السلطان"

((البارت الخامس عشر))

تكتـُم:فتحت الجبس مالت أيدي رجعت طبيعية يعني أكدر احركها لگن أگو وجـع بـس قلـيل مو هواي ؟

غياث:الحـمدلله علـى سـلامـتج

تكـُتم:ألله يسـلمك حبيبي نروح موو؟

غياث:اي چا شنسوي باقين هنا؟

تكتـُم:خابرت امي على سناريا لو لا؟

غياث:اي اتصلت متعاركه هية وسلمان وطالع زعلان؟

تكـُتم':ماعرفت السبب؟

غياث:لا والله نرجع وافتهم منهم بعدهم اسم الله ما تزوجوا شبيهم ذولة مادري المشكلة سلمان كلنة انسان هادئ ومثقف حيل وماعندة هاي ألامور نهائيا

تكتـُم:صـحـيح!..بس شلون مابقى على عرسهم غير ٣ ايام فقط؟

غياث:اذا استوجب ألامر العرس انأجله مو بلازم ؟

تكتـُم:والله مادري الله يحلها !...
رجعنا للبيت ..متكهرب وضع البيت گلـش وسناريا بس تبجي ..

علي :اي بس فهموني هذا شلون يحاجيها هيج زيـن اذا هي طلبت منه هلـ طلب شلون يردها بس كلولي انتم ما تعرفون سناريا ما تحب ينرفض ألها

غياث :خابرته راح يجي ..يگول فد خمس دقايق واني يمكم

وسن :اي فدوة احجوا وياي..حته وان كان ابن اختي اني ما اقبلها البنيه انهارت من البچي روح يمها سناريا ..

تكتـُم:صـار..

فتحت باب ودخلت ..
حبيبـي سـونه..گافي لا تضلين تبچين يروحي ؟.أعـرف مقاهرتج الملابس ..بس قهرج أسلوب سلمان صـح گلامـي؟!

سناريا..ردت بقهر ودمووع منهارة ..
لـج عـيني مشفتي حقـج أشـلون ينتر بية ..هذا ابد مو سلمان ألاعرفه ابد والله مو هو؟!..تصرفاته وياي بشـعه قبيـحه ؟..

تكتـُم:حضنتها وضليت أهدي بيها ما بليد حيله ..أختي مستغربة هذا التصرف..وگلنه مستغربينه ليش هيج يتعامل بحزم وخشونه ونتر وياها ..سـناريا عاطفية أكثر من اللازم
دائما تنجرف ورى عاطفتها بدون تفكير بسرعه تـخاف بسـرعه تبجـي ؟بســرعه تسامح!..

سناريا:أسمعي هورن سيارته هذا شعنده اجـه

تكتـُم:أشش يريد يحجون ويا ابوية وغياث ..

سناريا:وخري خلـي أكوم أطردة من البيت؟

تكتـمُ:لا عيـب هذا زوجج بلشرع عيب انتي جبيرة وواعية أهلي يتصرفون وياه مندخل لا اني ولا انتي ..حته ميكولون لسنتهن طويله واهلهن ميعرفون يربوهن تمام..

سناريا:اي من يمشي نفتهم منهم ..
زيـن سـؤال؟

تكتـُم:أمم جواب