تألمت فتعلمت

البارت الخامس

#_تألمت _فتعلمت

((بقلم نبأ السلطان ))

((البارت الخامس ))

تكتم ...
رجع ابوية مستبشر وويحجي متلهفف
وجاب وياه علاكة بيها فلووس هواي

علي...اليوم فصلنا واحد وانطوني حصتي
ابن اجاوويد الشيخ

تكتم..ليش تاخذ من الناس مو هذن بيهن الف دعوة ودعوة

علي..ما يدعون علية يدعون على الشخص الاصلي الي اخذهن
وما وصيكم حضروا روحكم يجونه الشيخ نسويلهم غدى زين
ونروح لخوالكم

...............
ثاني يووم
كعد غياث من الصبح
راح للوگفه مال الحيوانات واشترى خرروف علمود الشيخ
ويم الگصاب كملة وكطعه وجابة

تكتم....
االلحم زفرته وريحته لمطبخ صارت تكتل
عزلنا قسم منا
وقسم نطبخه ..

رحنا ورى البيت طلعنا الجدورة الكبار
وطبخنا اني وسناريا
الي فرحتها عابرة قارات لان من ترجع امي راح تنخطب لسلمان
.
سناريا....هسه هذا الطبخ گلة وراح يجون بس ٦ ازلام ليش ربي

تكتم...عادي اليبقى النه اشبيج

سناريا...اوڤ انتي ام بطن ولا تستجنين

تكتم..ليش عليج الله‍ اكو احلى من التشريب والثريد ..

علي...هااللله يساعدهم
كملتووا ان شاء الله

كمزت وكتلة
والله‍ متنا من الجووع ؟
ما يجون هذولة اصدقاءك

علي...هههه عزة بعينج هسه على جية

سناريا..يعني نحضر السفرة والغراض مو ؟

علي..اي اي حضرووهن

تكتم..
ربع ساعه واجوا الخطار الشيخ ووياة ازلام اجاويد حسب تسمية ابوية

غيااث...اجه يرركض وركع كل قوووتة

سناريا..الرحمن اشبيك تسودنت

غياث..لا ولج انطيني السفرة مو ابوي خبصني خبص خرب بلكووا..د

سناريا...دهااك اخذهن وخلصني عبالي شو شبيك

تكتم...
كعدت تربعت وثردت وحطينه الصينينه مال المفحط
وترسناها تشريب ولحم وتمن يرد الرووح..عشگي اللحم والتشريب واللبن
.
سناريا....كوومي حضري الجاي عيني مو انكصم ضهري

تكتم .. اي عيني حاضرر
حضرت الجااي والغراض والشكر يعني بس اصب جاي ؟

شوية واجه غياااث
غسل ايدينه
وراح نقل الغراض كلهن ماشاء الله ماسحين الموواعين كلهة ما مخلين

سناريا ..كولي بلعافية

تكتم..يي عوود
غسلووا وكعدوا شوية يحجون بصوت عالي
بعد شيوخ وكشخه
وراحواا ..توسلنا انروح وياا ابوية مقبل ابد

طلعوا من بيتنا ساعه ٢ الضهر
والساعاات تمر بقهر وبحزن وننتظر بيهم خايفين ..لا خالي هم يطردهم وميخليهم يدخلون وهما شيوخ وميتفاهمون

تكتم..
هذول اتأخروواا

سناريا ... دكومي اسمع صوت سيارة برة اطعلي يمكن اجووي

تكتم...
بس طلعت برة
دخلت امي وبيدها اختي هالة الي طلعت من البيت عمرها شهر واحد
وهسه صار سنتين
وامي شايلة بيدها كوومه علاليك وجنط

تكتم...
رحت ركض الها وحضنتها رغم ماكدر احجي شي بهذاك الموقف
بس ابجي .لان امي مو اي شخص ثاني
واشتياقي الها عبر الحدود

تكتم..
اروح فدوة الج صايرة حلوة يمه

وسن ..ههه ولج يمة منيلي حلوه‍
فراگم هدد حيلي گلش

تكتم..
تعاي دخللي واني اشيل هاله عنج
شلت هاله الي صايرة تخبل وتجنن ..
والغراض
وغياث وابوي واكفين يتشكرون من الشيخ ..
صار عندي فضول حيل اريد اشوف هذا منو ؟الخابصنه بية ابوي

مديت راسي
من الباب جان ابوي منطيني ضهرة ويحجي ويا الشيخ
واكف يمه غياث واكو ولد وياهم
والباقين بسيارة

بصراحه نضراتي وانجذابي صارت كله‍ على الولد الي لابس نفس اللبس هو وابوة

وايدينه شابكهن وواكف بهيبة
ومقدم صدرة ويباوع لابوة

عاطت اختي هالة والتفت علية توهدنت ووكعن الغراض مني كلهن تفشلت كدام صرت هلكدودتني
حته سمعته كال
اسم الله

لميت الغراض وشلت هالة ودخلت للبيت لكيت امي وسناريا متحاضنات

تكتُم ..يعني شلون بلة ميخلص هذا العناق الطويل عيني

سناريا ..وانتي ليش ضايجه وامي واريدها
تكتُم ..
احممم احمم

وسن..ترة ادري كلشي لا تحمحمين

تكتُم....خوووشش

غيااث ..اكلجن هذولة عمامي يردون يجون شلون

وسن ... كوومن شوفن الغراض الجبتها الجن
وانته غياث واذا اجو عمامك عادي
وانتي تكتم كومي طلعي الذهب مالتي خل البسنه

تكتُم.....رحت طلعت مل ذهب امي القديم والجديد
والملابس الزينه لبستهن امي وكعدت تنتظر جية عمامي لينه
ضحكت من كلبي على تصرفها تريد تغيضهم ما تعرف شلون

#_يتبع

(لاتقصرون بلتصويت فدوة دعمكم يسعدني )
#_لنا لقاء قريب

بنات غيرت الغلاف لان القديم جان ابد معاجبني