تألمت فتعلمت

البارت التاسع عشر

#_تألمت_فتعلمت
((بقلم الكاتبة :نبأ السلطان))

((البارت التاسع عشر ))

.........................
‏وفي ختامِ يقظتي،
لا جذورَ تضرب بالحياةِ مداداً
ولا قلبي يعي كلَّ هذا الخراب.
.......................
سنـاريا: طردهم سلمان من البيت ووصلهن راس الشارع ورجع مشعوط ..حجيت حبيت الطف الجو
انته شايف توم جيري من يشعوط عصبية من الفارة ..هيج صار وياك
سلمان:عوفيني سـناريا رجاء لو تحجين حجي بية خير لو لا ؟رايح انمطر..
سناريا،:راح ورگع باب الغرفة كل قوته حسيته تفلش من قوة الضربة
محجيت وياه ولا گتلة ليش هيج خلية هو يحس على نفسة احسن ..رجعت طلعت الاكل واگلت من اضوج اطلع ضوجتي گلها بلاكل .؟

طلعت أرش الطارمة والحديقة ولورود الزارعهن هو جمال ومنظر يجنن يفتح النفس ويريح البال حقيقه من صدك الورد يسر الناظرين ضليت أرش وبية طبيعه اي ورقه اشوفها صاير لونها أصفر اشلعها

نظفت الحديقة والورد والاوراق اليابسة شلتهن حطيتهن بسلة الزبالة ..لگن لفت انتباهي ريحة ابد مو طيبه وكريهة جاية من شجرة ألاكاسيا رحت لتفت داير مدايرها ماگوشي بس ريحة مو طبية عبالك بشر ميت ..

لحد اذان المغرب واني كاعدة برى لاهو طلع ولا اني دخلت للبيت مالي نفس ادخله وهو هيج تعامل وياي حته طخت بالي اخابر غياث يجي ياخذني بس لغيت الفگرة وگلت هو يطلع من البيت واني ابقى على شنو اعوف اله البيت ؟..!

لفحني هوى بارد حسيت بشي غريب حيل مو گأنوا هوى بارد لا عبالك شي ودخل برجلي اليسرى ..كل شوية ارفع رجلي وتنمل اضل افرگ بيها وهم ترجع تنمل گمت من مكاني اتوضى اريد أصلي ؟

هـم حسيت بشي ثكيل على أجتافي حسيت نفسي تعبانه وهلكانة تگاسلت گلت بعدين أصلي ،،بس رجعت گلت لا خل اصلي اخلص ابقى أجل بيها ..

صليت وكملت صلاة وجسمي نحلان وتعبان حيل ..طلع سلمان من الحمام شافني هيج اتخبل اجهة علية يرگض لزم ايدي وخرته عني بسرعه؟

سلمان،:شبيج يا بعد روحي انتي شيوجعج گليلي؟
سنـاريا:بس تعوفني أكون بخير والحمداللله عووفني بحالي لا تحاجيني من اشوفك اضوج
سلمان:حجت هيج لو جـن جابت سجينه وضلت دجج بگلبي بحجيها والله لو ضاربتني من صدك ولا كلامها هذا جرحتني وجرحت كياني حيل عفتها وطلعت من البيت كلة
ماعرف وين أولي وين اروح ماشوف غير لگيت نفسي رايح لامي ..
دكيت الباب طلعلي ابن اخوي صغير زين
تعال ادخل عمو
سلمان:بسته من خده مو طفل ينگرط حبيبي
ابوك وين؟
زين،موجود عمي،،شلونك شلون صحه

سلمان':ههه گبران حبيبي ،،الحمدلله ماشية الحال
ميعاد:يا هلا بلجانه يمة هلابيك يبعد روحي
سلمان:حبيبتي من الاخير محتاجج
ميعاد:يبعد امك كولي امر
سلمان:ما يأمر عليج ظالم بس سناريا ماعرف شبيها يمة
ميعاد؛:ياا اسم الله الرحمن شبيها البت لا تفشلنه ولك سلمان ويا اختي شكول الها اني
سلمان:ولج يمة بس اهدي ماكو شي وتعاي وياي للبيت شوفيها شبيها وانتي حكمي اني شمدري ؟ياعيني