تألمت فتعلمت

البارت الثاني

#تألمت _فتعلمت
((بقلم نبأ السلطان ))
((البارت الثاني ))
ياروحي
من روحج جزعتي
انه انه وانتي انتي..!

لو اراويج الصبر
لو بيج اجي اعنايه اعله ذلتي
مدري شمضيعه بخلگ بيهم
سبع موتات متي..!!

لـــِ عريان السيد

طلعت امي من البيت ..
وبيتنا صار موحش ومو حلو لان الام هية عامود البيت هيه الحنان والامان لاولادها ..
وفقدنا هالشي .
من بعد ما طلعت امي من البيت للعصر اجويي علينا نسوان عمامي.
.بيبتي ... هااا طلعت جايفةة وعافتجن مو
مرت عمي عباس .. اي لعد شعبالج تروح لهلها ترتاح تاخذ راحتها تضل تكرب
هية لو تريدجن وتفكر بمصلحتجن جان ما عافتجن
سناريا .. عمة احنه ممحتاجين واحد واني موجودة مكفية وموفية
اطبخ وانضف
مرت عمي عباس...اي عيني هنيالها لامج لعد خو ما مثلي محد يعاوني بشغل البيت وكل هذا ضربته امجن عرض الحايط وطلعت
بيبتي .. يعمي نسوان مايحةة دور طلايب بروح
كامت مرت عمي تفتر بيتنا تريد تشوفه وسخ لو نضيف
هناء . اوع هاي شنو مفرشكم قديم متشترون
سناريا ..عمه انتي تعرفين الحال وابوي ما عنده يا دوب مكفي عيشتنة
هناء..اي من جررمن امجن ددور طلايب عمي زلم ما تنحمل
جيبن خل اطبخلجن شي انظف شون بس افتر ابقى
سناريا .. لا راح اخبز وكملت الطبخ مو كتلج ممحتاجين شي والله عمه من اريد شي او مساعدة ادز عليج ما تقصرين
هناء .. هو اني هم مابية حيل اضل انظف بس ملاه جاره اجيت وداعتجج عيوني

بيتبي ..تعالي تكتم احبنج حبوبة
تكتم .. واكفه بعييد عنها ولا رحتلها رغم هواي صاحتني من شفتهم يحجون على امي كرهتهن وحقدت عليهن
طفلة متعلقه بأمها واموت عليها واحبها ..من صغري الشخص الاحبة دائما خط احمر وعندي حب تملك يفوق كلشي
اريد الاحبه الية وبس
بيبتي .. ولجج ياا ما تجين يلعوبة بنت العوبة ..
تكتم.. ماااجي ماا طلعوا من بيتنا
سناريا..ولج تعاي عيبب
اسفه حبوبة طفلة ما تفهم
بيبتي ..لا تفهم هاي تعلووم امها
يلة ولج هناء امشينا نرووح عوفيهن خيولن خووش ومن يجي ابوج احاجي على هاي الفصمه الماعدها تربية واذا ما يربيها اني اربيها
..
طلعوا من البيت من بعد دراما ما بيها داعي ولا شي حقدي زاد اكثر واكثر لان امي خط احمرر ..
ومشت ايامنا كلش عادية
ومشاكل ابوي ويا عمامي الما تخلص نهائيٱ
يومية مشكلة سالفه بس مندخل ابد ..
..........

تكتم ..سناريا علميني مثلجج على شغل البيت حبابة اريد اصير مثلج امي تحبني وتكولي مثلج .بنيتي ام البيت .
سناريا .. حبيبتي اني موجودة ليش اعلمج وبعدين انتي صغيرة ماريدج تتعلمين على الشغل
تكتم ..لاا انتي ما تحبيني لو تحبيني صدك جان علمتيني بس انتي تردين امي تحبج الج وما تحبني مووو
سناريا...ركضت حضتنها يروحي والله ماريد اتعبج
بس تتدللين بلعشا اوكفي يمي واعلمج على المواعين بلبداية متفقين
تكتم ..ماشي
بس اني مشتاقة لامي اريد اروح الها
سناريا..ما تشوفين الوضع ياعيني مو بيتنا مشحون ومتوتر بلطلايب انوب نحاجي ابوي
تكتم .. اني احاجي انتي ما عليج خوافه ..المعلمة تكول لازم تاخذون حقكم بيدكم ولازم ما تخافون من شي
سناريا ... اي صح كلامج .. اني ضعيفه حال واخاف هيج تشوفيني ..بس اكو شي اقرب النه من حبل الوريد والي هو رب العالمين عزوجل
من شخص يضوجني مرات يستوجب ارده
ومرات لا
ومرات افرش مصلايتي واشكي رب العالمين ..ليش ادعي واغلط ..
الدعوة ترجع عليج
والغلط يرجع عليج وعلى اهلج .
وهسه يلا كومي ادرسي ولا ضلين صافنه اريدج الاولى وتأكدي اني واخوج غياث سند الج ومستحيل نقبل تتركين الدراسة ..
تكتم...اني احبج انتي وغياث كد السما واكثر