تألمت فتعلمت

البارت الرابع والعشرون

#_تألمت_فتعلمت
((بقلم ':نبأ السلطان))
((البارت الرابع والعشرون))

يا حِزن ،
ياريت أعرفك وين تسكن..

جنت أسويلك حَديقة ياسمين
و مَمشىٰ من كاشي الفَرح چدام بيتَك..

يا حِزن ياريت أعرفك
جنت أكلك لا تجيني..

و تمشي كُل هاي المَسافة
و أنا وَحدي و جان أجيتَك..

لـ مُظفَر النِواب

سناريا:صار هـدوء مو طبيعي من ضربها سلمان تفاجئنا بية كلنة

تكتم:حيل بعد أيـدي والله

غياث:اش _تكتم عيب

علي: چا بوية من ضربت بنت عمك ما تحشم احنة موجودين ما تحترم ؟

سلمان:اعذروني عمي بس والله هية طاولت علينة حيل واني مليت منها

ردت ميسـون بنتر وغضب ودموعهـا تصب :

ميسون:اي عيني تضربني لخاطر ست الحسن والجمال موو بس والله الا اندمكم بسيطة كلتها من زمان اني

ردتها تكتم بعياط::

تكتم:ولج هو أنتي لو تستحين ما تجين تهجمين هيج على بيوت العالم يا ما تستحين وانتن عود شيبات الله بروسجن جايات تركضن ورى هاي الرعنه الحمارة الي ما تعرف تحجي

ردت حبوبتة؛:
_ابو غياث تقبل بهذا الحجي احنه هيج يعني تقبلها امك تنهان كدام عينك ..وفوكاها ما يحترم وضرب ميسون ليش شبينة احنه وما يعزمنه

سلمان:ولجن شيبتن كلبي بسوالفجن ماريد اعزمجن امهات الطلايب عكارب انتن

علي:أحسبوها علية عمي ولو ادري هيج يصير مااجي ولا اوصل ..اندار على تكتم وخزرها

تكتم: انتفضت من مكاني هاي شداتحجي وابوي يتعذر فوكاها ..جايات وجايبات وياهن هاي الحامية على الاخير وجيتجن مو علي خير انتن وهاي حبوبتة اليشوفها يكول هاي ملعبة على ستين الف حبل ولا جن مراه عجوز
واختي سناريا كل حظ ما بيها بس ساكتة ما نطقت بحرف

علي :شتردون اني حاضر يابة ..امسحوها بوجهي

ميسون،:لا عمو هو سلمان. دائما ميعرف يصرف ولا يعرف يختار

سلمان:اكلي ..خ..وولي منا يلا ماعرف اختار يابة تعاي علميني

علي :من اكلك ما تحترم تكول لا يابة هية مراه راحت وردت وتضل بنت عمك

سلمان:اني دواهن هذن عمي ماعليك

..ضلن يماطلن بلحجي كوه كوة سلمان غلطان يعني بشر مايريد يعزم مايريد يدنالج ليش هيج مادري شبيهن

سناريا: طلعن من البيت بعد ما كلبن الدنيا راسا على عقب المشكلة اهلي ما يعرفون شنو المشاكل الي سببنها ويانة
وهيج سلمان ضايج منهن