تألمت فتعلمت

البارت التاسع والعشرون

#_تألمت_فتعلمت
((بقلم :نبأ السلطان))
((البارت التاسع والعشرون))

لاتنسون التصويت ،،ومتابعه حسابي وتعليق مابين الفقرات💞

تكتم:كعدت امي تخابر ام مينا تسأل بيها على سعر المكياج والترتيب اني ماريد هذا الشي بس هيه مصرة عليه كلش صح اريد اروح بس ماريد اتمكيج امي ماعرف بـ شنـو دتفكر كملت المكالمه والتفت الية؛

وسـن:عيني باجر نروح تمكيجج وترتب حواجبج زين

تكتم:يمة ماريد فدوة شعـدي اني ؟

وسن:شنو ما تريدين لا تصيرين عوبـة ولـج احركي اكلوبهن هن الطايحظهن امهات السحورة ،،كفيلج علي اذا ما يطلعن جابنه بلسحورة ولج اتعلميني بيهن هالغبيات هذن اعرف كل سوالفهن

تكتم:بكيفج،ب شكد تاخذ ام الصالون؟

وسن:تاخذ على المكياج ،٢٥ هو خفيف اتفقت وياها

تكتم:تمام ،متفقين بس شنو البس حايرة والله

وسن:بكيفج يمه حبيبتي اليعجبج شتحبين تلبسين لبسي

تكتم: هزيت راسي ...وصعدت لغرفتي نفشـت الغراض والمـلابس الغـرفـة صارت هـوسـة تخـوصـرت ووكـفت
اني صافنة على الملابس لمحت فستان وردي سحبته منهن

اخذته كويتة ،ورتبته وطلعت ويا شال ..رجعت طلعت الماسكات والترطيب ونزلت لامي ضلينه انسوي،ملتهين اني وياها بلماسكات والترطيب ودخل علينه غيـاث كعد بسد امي على القنفه رجع راسة لورى وحجه:

غيـاث:يلا يلا عيني بسرررعه سوويلي عينيي وجهيي بشررتي تعبانة كوولش

تكتم:هاي شبيك تنعوص عيني شبيك انته بنيه قابل عروس ونسويلك

وسن:ولج سوي لاخيج هم عريس خطية

غيـاث:يلا تكتم اريد بشرتي تصير تلمع لمع كون اليشوفني يفك حلكة سبع مترات ،

تكتم:هسة انته ماخذ وضع الاستعداد بس حطولي ،اني مالي علاقة روح لمريتك تسويلك

غيـاث:ولج تومه سوي لا اموتج اريد اصير حلو

تكتم:خليتله ماسك لبشرته بلحليب على وجهة ضل بلربع ساعة وهو مغمض عيونه ميدري بلدنيا وين،،مسحت وجهه اول شي وبعدين ندستة بكتفه

غياث:شبيج ولج هو هيج راح كتفي واللة

تكتم:دكووم ولك هاهيه روح غسل وجهك وهاا اغسلة زين مو كلاوات

غياث:شايفتني جاهل كدامج

تكتم:لا تفهمني غلط ،بس لان هذا يبقى لاطش بلوجهه شوية لا تضوج خياي عزيزي

راح ووكف كدام المراية ضل يجلف بوجهه انووب صاار احمر رفع راسة صارر يصووفر بصووت عالي

غياث:لك هاي شنوو اووي طلعت اخبل احلى من تكتم

تكتم:منيلك طلعت جنك طماطمه من كد ما تجلف بوجهك كاافي