انتقام عائلتي

الحلقه 2

#للكاتبه_ژوژو_الطشهه❤‍🔥

#انتقام_عائلتي

#الحلقه_2

#لايك_قبل_ما_تقري_وتعليق_بعد_تكملي❤‍🔥

نبدو الروايه ونتمنا تكونن حفظتن الشخصيات كويس في الحلقه 1 مزال في شخصيات أخرى ح يطلعن مع الاحداث ♥️..

نجو لي الكويت الساعه 1 الظهر عند ليث بعد وصل هوا وهيثم صاحبه للجامعه عشان يناقش مشروعه خشو للقاعه وكانوا معاه 2 صحابه اليي بيناقشو معاه وكانو موجودين دكاتره الي يقرو فيهم ورئيس القسم  والعميد مهم كانت قاعه تعتبر زحمه غير باقي اصحابهم الي جايين
كان ليث واتق من روحه ومش متوتر ومبتسم بي راحه قدم اول واحد هوا وحط اللابتوب وقعد يشرح ع موضوعه بي كل حماس وكانت طريقة سرده حلوه وتشجع الطرف الثاني يسمعها مستمر يشررح ويوري في الصور لعند كمل وشاف للككل وهوا مبتسم بي راحه وثقه
قعدو يصفقوله الدكاتره ما كانوا اغلبهم من خليجيين وفي منهم ليبييت صحابه يشوفوله مفتخرين بيه
دكتور بي اعجاب كبير : ماشاءالله مووضوعج جميل وايد
ليث ابتسم
قعد كل مره حد يقوله حاجه بعدها ناقشو صحابه الإثنين وعطوهم النتيجه النهائيه
ليث :99٪
صاحبه :95٪
صاحبه الثاني :92٪
ليث من الفرحه لعند عيونه ددمعن طبعن هدا كله هيثم داير فيديو يسجل فيه عشان ليث يبي يوريه لي هله
حضنوه أصحابه بي فرحه ويهنو في بعضهم وهيثثم أكثر حد فرحله لأنه صديقه المقرب
ليث بي فرحه كبيره:عقبالك يا بو صاحب نفرح بيك ♥️
هيثم ابتسم :يارب
طلعو برا عزقو طاقيات التخرج وصوروهم اصحابهم وخدو شهادة التقدير وطلعو برا ماشييين يحتفلو طبعا اصحابه الي معاه كلهم ليبيين مافيش واحد من الكويت 😂
نزلوا للمكان الي جايين يحتفلو فيه وليث قاللهم توا نجيكم رن مكالمة فيديو ع معتصم رد عليه طول
معتصم بي فرحه كبيره عيونه دموع : حقيت البث المباشر الي دايره هيثم ودزلي هيثم الفيديو ماشاءالله الف مبروك فرحنالك بكل وأمك دايره عزوات ماعش عرفتها أمك هدي فرحانه تبكي زعلانه تبكي خزان هدا مش دموع 😂😂
ليث يضحك ويهز في راسه :عطيها ليا
كلم امه واخته وباته ومعاهم كانت بنت عمه ميس وباركتله سكر منهم وعدا لي أصحابه
(ميس هدي لها دور كبير في الروايه )
________
في حوش ليث زغاريط فوزيه أمه واخته الاء وبنت عمه ميس قلبن الحوش ❤️❤️
شعور التخرج اجمل شعور ممكن يحس بيه الشخص بعد معاناة وتعب وسهر ليالي يتخرج وبالنسبه الي يبيها تقريبا مافيش شي يفرح أكثر من هكي ❤️
فوزيه دموعها ينزلن :الحمدالله ياربي جاء اليوم الي تمنيته وليدي تخرج وبيقعد دكتور زي ما كان يحلم وهوا صغير ❤️
الاء بي فرحه :عقبالي
ميس بي فرحه :مرت عمو توا بيجي ليث صح امتى بيجي
معتصم قال :بكرا
ميس بي صدمه وفرحه : الحمدالله توقعته يطول أكثر من هكي تعالي الاؤ نوتوله داره
الاء شافت لي معتصم بي غيض وعدت معاها
معتصم ضحك وقال في سره "ربي يعينك يا ليث "
ركبن لي دار ليث
ميس بي ابتسامه :الاء جيبي مكنسه كهربائيه
طلعت الاء
ميس شافت لي دولاب ليث فتحاته لقت فيه قميص متاعه مسكاته وقعدت تشم فيه :واخيرا بترجع يا عيوني ماتعرفش كيف رايفت عليكي راجيتك السنين هدي كلها 😍عشان نحبك
الاء خششت تسمع فيها قالت في سرها "يارب والله بنت عمي نحبها ما نكرهاش بس مش ماشيه مع خويا ليث ما نبيهاش لاه 😏
خشت معاها وقعدن يلمن في الدار ....