انتقام عائلتي

الحلقه 4

#للكاتبه_ژوژو_الطشهه❤‍🔥

#انتقام_عائلتي

#الحلقه_4

#لايك_قبل_ما_تقري_وتعليق_بعد_تكملي❤‍🔥

( في الحلقه 5 ح يكون في عرسين توقعاتكن عرس من ومن وشن ح يصير في الحلقه 5 من تغيرات ❤‍🔥🔥)

ليث :طمني الدكتور شن حالتها وامتى تردلها الداكره
دكتور جاي بيتكلم بس سعمو صوت حاجه طاحت خش ليث يجرم أنصدم لما لقاه البنت طايحه وراسها ينزف بي شكل كبير
ليث بي صدمه : كيف طاحت
دكتور بي خوف :مش عارف ممكن عشان ما تاكلش ونزفت دم واجد
ليث ادكر إنه حتا أمس ما تعشتش ضرب ع جبهته بي اسف عشان مفروض كان يخليها تاكل
ليث بي توتر :نشيلوها المستشفى
دكتور :لازم
ليث :تمام هي
رفعها ليث وطلع يجري بيها دكتور فتحله سيارته وحطوها فيها وطلعو لي اقرب مستشفى من المزرعه لأنه المزرعه جايه بعيده شوي تبعد حوالي ساعه ع حوش ليث
شوي ووصلو بيها ليث كان مش عارف عليش حاس بي قلبه يدق بي القوه وخايف بكل
فتحله الدكتور الباب وخش يجري بيها ومستعجل  بكل
جن الممرضات الاثنين حطله البريلا الي يشيلو  فيها
دكتور شاف للممرضه :وتيلي الحجره فيسع
قعد الدكتور يدف بيها لعند خششها للغرفه وخش وسكر الباب وخشن معاه الممرضات
ليث قعمز ع الكرسي بي توتر ويمسح ع وجهه وفي نفس الوقت موجوع ع بنت بكل
ليث بي ضيق:اووووف
*******
عند 2 مجاهيل يحكو
المجهول الاول :صار عكس ما توقعنا وكل شي انقلب ضدنا 😡
المجهول الثاني بي صدمه :كيييف؟؟؟ شن تحكي انت قصدك الي نبوه ما صارش ؟؟؟؟
المجهول الاول بي خوف :اي وحاليا ### مافيش
المجهول الثاني بي عصبيه :خلال الأيام هدي بس كان ما صارش زي ما نبي ح نكسر الدنيا عليك ككككككيف يصير هك كيفففف دير زي ما قتلك لو كان تشق الأرض تجيبها 🔥🔥اطلع من قدام وجهي توا
المجهول الاول طلع
والمجهول الثاني حط يده ع راسه بي عصبيه كبيره 🔥
(من تتوقعن هدوما وشن تتوقعن في الأحداث الجايه شن ح يصير مافيش وحده فيكن هك عندها دكاء وتربط الأحداث بي بعض؟😂 معانا محاميات هنا؟🔥😂
****
عند سجى رن تيلفونها اول ما ردت انصدمت في الي تسمع فيه
طبعا يا بنات الساعه توا 11:30 الصبح
شاب بي صوت يخوف : لو ما جيتيش بعد ربع ساعه لي ## اعتبرري باتك ميت ولو وصلتيله الرساله هدي ولا ورتيها لي اي مخلوق اعتبري باتك ميت من اللحظه هدي ردبالك تلعبي معايا
وسكر وجهه
سجى نشوف للتيلفون ومصدومه من الي سمعاته دموعها ينزلن بي صدمه قعدت تبكي
سجى :ياربي شن الي قاعد يصير معايا الأيام هدي من داعي عليا معقوله ياربي والله مش قادره نتحمل كلا وراه بعضه موت سندريلا وتهديدات خالد ليا وتوا الرساله هدي ...

سكتت شويا بعدين قالت :خاااالد ؟؟! اكيد هوا وراه الشي هدا مدام يهدد فيا؟ بس لالا الحقير هدا مش رقمه ولو هوا كان رن  بي رقمه وهدا مش صوته بعدين ياربي شن ح يصير مزال تعبت والله 😭😭💔
فتحت دولابها وناضت لبست جاكة سوده ومعاها سروال ازرق ووشاح ازرق خدت تيلفونها ولبست كندرتها وطلعت تمشي بالشوي بدون ما يحسو بيها باتها وامها لأنه عارفتهم راقدين أمس طولو وهما يهدو فيها عشان موت صاحبتها 💔
نزلت لوطه لقت مفتاح السياره متاع باتها ع الطاوله خداته وطلعت برا تجري بالشوي ولعتها وقعدت تراقب في الغفير كان قاعد في داره شوي وسخنت السياره وطلعت بيها وبعد ربع ساعه وصلت للمكان الي قاللها عليه الولد نزلت من الساره وتشوف  للمكان بي خوف كان حديقه بس من جيهه متطرفه بعيده ع أنظار الناس
شوي وشافت واحد يتبسم وراها
التفتت عليه بي خوف ووخرت  ومابينتش خوفها قالت بي عصبيه :من انت ؟!!! وشن تبي مني
الولد ضحك :أنا معجب بيكي ونبي نتزوجك
سجى ضحكت بي هزوه :هههه شنن تحق فيا  نتزوج في العويل الي كيفك
شاب قرب منها بي عصبيه بعدين ضحك :ههه حلوه وعصبيه
سجى دفاته وخر مني
بينما هيا ادف فيا هوا قعد يقرب منها مسك ايديها ويشوف وراه وهيا ادف فيه بالقوه
بعدها وخر وقال بي ضحكه نتلاقوا اليوم
طلع يجري
سجى انصدمت وقعدن دموعها ينزلن ما فهمتش شي 💔 خشت سيارتها وحطت راسها ع الدومان وقعدت تبكي بي قهر ووجع شوي وولعت سيارتها وروحت لي حوشهم بعد حوالي 20 دقيقه عشان تمشي بالشوي وتبكي
خشت حست بي صوت وحركه في الصاله خشت لقت باتها وأمها قاعدين ومعاهم ولد عمهم وواضح عليهم متعصبين
سجى بي خوف :صباح الخير
باتها بي عصبيه :اي صباح الخير خليتها فيها صباح يا حقيره يا واطيه
سجى كلام باتها أحمد ينزل عليها زي الصاعقه اول مره باتها يحكي معاها بالطريقه هدي قعدت تبكي :شن فيه يا بابا 😭😭😭
باتتها قرب منها ووراها الصور
سجى شافتهن وقريب يغما عليها تشوف فيه صورتها هيا والي توا كانت معاه والصوره باينه كأنه كانت تحضن فيه واضح مديورلها فوتشوب انصدمت وقعدت تبكي :بابا والله ....
قبل لا تكمل كلمتها جاها كف من باتهها :هدا بي سبب دلعي الزايد لكي وعشان عاطيكي حريتك بس ح تشوفي من اليوم كيف ح تكون المعامله والحقير هدا ح يقرا فاتحتك صار تطلعي معاه من قبل
سجى وقتها لو طعنتيها بي موس مش ح تطلع منها قطرة دم حالة سجى مش قادره نوصفها شعور الظلم والخذلان من اعز الناس شعور صعبببببب ومصدومه في كلام باتها ومش فاهمه شن الي صار بالضبط الي خلا باتها يتغير للدرجه هدي ويتعصب وفي نفس الوقت تحشمت من الكلام الي انقال وقدام ولد عمها
انهارت تبكي وهيا مش فاهمه شي :شن تقول قاعد انت يا بابا 😭😭😭
باتها عزق عليها تيلفونه :شوفي
مسكت تيلفون وقرت الرساله الي مع الصوره
(احمد أو مدير احمد ؟؟ ههه رافع خشمك علينا في الشركه لو تعرف عار بنتك بس ما كنتش رفعت حتا راسك بنتك يوميا تطلع مع الولد هدا وانا ك فاعل خير حبيت نبلغك عشان تشوف شن ادير
سجى تقرا ومصدومه وتبكي
ولد عمها بي عصبيه :كييييف أنا لعند توا مش مصدق ديما نقول سجى احسن وحده في بنات العائله وعاقله وفاهمه كويس ومحترمه تطلعي في النهايه هك والله لو نلقاه نشرب من دمه شن قصر معاكي عمي اخ بس كنت نعتبر فيكي كيف اختي الصغيره
سجى تسمع فيه ومصدومه حتا الدموع وقفت ماعش عندها ما تحكي اصلا مش فاهمه كيف صار الشي هدا خلال 10 دقائق
سوسن تبكي :الله يربحك يا احمد ما تتسرعش افهم منها قبل😭😭😭
احمد بي عصبيه :شوفيها ساكته ما عندهاش كلام تقوله معناها الكلام صح يا خسارة تربايتي بس
قعد احمد يبكي وسجى لما شافت منظر باتها هكي خلاص حاسه روحها بتطلع 💔
شوي ودق الباب الجواي ناض فتح ولد عمها وينصدم لما يلقاه الولد نفسه الي في الصوره
ولد عمها بي عصبيه وصدمه :عممي
احمد ناض بي خوف ولما شافه زاد أنصدم وفتح عيونه بي حقد
الولد بي خوف مصطنع :قبل لا تقولو شي عارف عارف اكيد عرفتو بي الي صار وحكتلكم سجى بس أنا قتلها نصلح غلطي ونتزوجو انا جاي نطلبها منك ع سنة الله ورسوله
احمد عطاه كف بي قوه :تعرف الله انت
ولد عمها طاح في ضرب
وسجى واقفه مع أمها وتبكي بي قهر وصدمه وامها تشوفلها ومش فاهمه شي
سجى بعد سمعت الي قاله انصدمت من هدا شن يبي مني شن درتله عشان يتبلى عليا
طبعا قالت كل هدا في سرها لأنه حست الكلام راح مش قادره تحكي ولا حرف 💔💔😭😭
وقفه احمد وقال:خششه للمربوعه
خششوه للمربوعه اصلا ولد عمها ما خلا في شي حي
الولد ضاغط ع وجهه وينزف ومجروح :اااه معاكم حق في كل شي وانا معترف بي غلطي شيطان الله يلعنه
احمد بي عصبيه :ويلعنك ويلعنها معاك توااااااا يجي شيخ يقرا فاتحتك عليها وبعد 4 ايام تجي تشيلها أنا متبري منها لا يوم الدين 😭😭😭😡 حسبي الله فيها نزلت راسي قهرتني 😭😭
قعد يبكي
ولد :حاضر كيف ما تبي
قال باتها لي ولد عمها يجيب شيخ ينهي المهزله هدي
طلع ولد عمها
طبعا ولد عمها هدا متزوج وعنده عيلين كويس بكل وديما معاهم بي سبب شغله مع عمه وهك ويعتبر في سجى زي أخته الصغيره 💔
سجى تسمع فيهم ومنهاره مسكت يدين امها وتبكي :وحق الله يا ماما كدب كدب انتي تصدقي أنا سجى ندير هكي والله كدب ااااه ياربي ااااه 😭😭😭😭😭😭💔💔💔💔💔💔💔
خشت تجري لي دارها سكرتها عليها وانهارت تبكي لعند داخت من البكاء وامها ارتفع عليها الضغط
قعدت في الصاله ومنهاره
باتها بعد حوالي ساعه تمم كل شي مع الشيخ وقال للولد بكرا يجيب اهله يتفاهمو معاهم وبعد 4 ايام العرس عشان يكدبو ع الناس ويقولو صار كل شي ع السريع وفي نفس الوقت عشان لما يعلموها أهل صاحبة سجى يقولو صار كل شي بي سرعه مادرناش فرح عشان صاحبتها ماتت وهك
طلع الولد ومش معروف وين عدا الي معروف إنه فرحان عشان الخطه نجحت
أما باتها قعد منهار ومصدوم كيف بنته ادير هك وولد عمها يهدي فيها وقررو ما يحكوش الموضوع لي حد ويدفنوه بيناتهم
(طبعا اكيد تقولن كيف صدق طول الصور كانن دقيقات ميه في الميه وغير الرساله الي جاته وشن يطلع بنتته في الصبح هدا هدا كله خلاه ما يشكش ولا واحد في الميه 💔💔
******
قاعده نحاول نطول في الحلقات مع إنه رمضان ومافيشش وقت تفاعلن بس ♥️
*****
عند ليث طلع الدكتور
ليث شافله بي خوف :طمني دكتور
دكتور :وقفت النزيف والحمدلله مافيش شي خطير من جوا بس واضح إنه كل شي جاها ع الرأس والراس شي حساس بكل مما أدى إلى فقدان داكره بس الواضح أنه فقدان مؤقت وتوا تقدر تروح بيها بس محتاجه تاكل عشان تمسك روحها ويتنشطن خلايا الدماغ ولازم تغيرلها ع الجرح كل يوم وتوا نكتبلك دواه اشريه لها والأهم من هكي لازم ما تغطش ع روحها عشان تتدكرر الشي هدا مش لي صالحها ولازم النفسيه تكون تمام عشان تتهياآ للهدوء ويرتاح الرأس
ليث بي تفهم :تمام شكرا دكتور
كمل مع الدكتور خش عليها لقاها دموعها ينزلن وحاطه يدها ع وجهه
ليث اضايق :احم
رفعت راسها وشافتله بي ضيق :هل ح ندكر
ليث بي ابتسامه يطمن فيها : ما على الله صعيب
ابتسمت :ونعم بالله
ليث حك راسه بي توتر :هيا
بنت ناضت وجت شوره وقعدت تمشي بي صعوبه
ليث بي توتر أكثر :انسندي عليا مش ح تقدري تمشي بروحك
هزت راسها وليث سندها عليه مسكت في كتفه وقعد يمشي بيها لعند برا وكان في تاكسي يرجا فيهم ركبوه بيه وروحو للمزرعه
خشو
قعمزت ع الصالون بي تعب
ليث رفع كمام قميصه :توا ح ندير شربه ح تاكلي صوابع يديك وراها
بنت ضحكت :بس ما خاطريش
ليث فنص فيها : ح تاكلي غصبن عنك ولا ح اطيحي زي اليوم مش تبي تتدكري لو ما كليتيش مش ح تتدكري بكل
بنت هزت راسها :تمام بس أنا نديرها عادي
ليث :انتي يالا تشيلي روحك وبعدين شن عرفك بيها طريقة شربه
بنت :لا عادي نجرب
ليث بي رفعة حاجب :أنا ح نديرها خليك هنا بس
كان ماشي المطبخ بعدين رد عليها وقال بي ضحكه :مش معقوله ضروري يكون عندك اسم اناديك بيه ع الأقل اسم مزيف
بنت بي ضحكه وجع : باهي سميني انتي
ليث قعد يفكر يفكر بعدين قال : اميره
بنت انجرحت وقعد وحهه احمر وابتسمت بي احراج :تمام عادي
ليث ضحك ودارلها بي خشمه معناها متفقين تخش للمطبخ
أما هيا مستغربه إنه مزال في ناس فيها خير زي ليث لو تعرف بس أنه دوبه كيف مروح بعد شهور ومتلهف يشوف اهله وماحلش يفرح بي تخرجه بس ليث راجل بي معنى الكلمه ومزال ح تعرفن شخصيته مع الحلقات ♥️...
*********
فات باقي الوقت ....