انتقام عائلتي

الحلقه 11

#للكاتبه_ژوژو_الطشهه❤‍🔥

#انتقام_عائلتي

#الحلقه_11

#لايك_قبل_ما_تقري_وتعليق_بعد_تكملي❤‍🔥

بدا العد التنازلي للروايه خلاص مزال 4 حلقات وتكمل 🥺
فلذلك حبيباتي الأحداث ح نقسمهن بين 4 حلقات فهمتن يعني ما نقدرش نطول الحلقه واجد لذلك ما تقولليش قصيره وهك لأنه اهم شي نحكي ع الأحداث المهمه بس لانه لو حكيت حتا ع التفاصيل الممله الروايه مش ح تكمل بكل وانا نبيها 15 حلقه نتمنا تكونن فهمتن عليا بنات ونتمنا منكن تعليقات يعني لايك ما ينفعش بكل لازم تتبتي وجودك بي رأيك وتوقعاتك ع الحلقه 🥺♥️
ونحبكن هاكن بوسه 😍😂
*****
عند كنان بان تالين خش ع بنته ومراته وانصدم لما سمع الكلام الي يقول فيه جن جنونه وطلع رفع السلاح وخش عليهن
استووووب نرجعو لي قبل لا يخش كنان كانت تهاني تحكي لي رسل بنتها
تهاني :أنا خايفه باتك يعلم بس حي لو يعلم أنه بنته ما هربتش عشان ما تبيش تتزوج حي لو يعرف إنه هيا هربت عشان جواد خششناه الحوش لما كانت بروحها ولو يعرف اني انا دزيت واحد عشان يقتلها لأنه لو ما قتلها كانت ح تقول لي باتك اني متفقه مع ولد اختي عليها ودزيت واحد يضربها بالسياره وضربها والله اعلم لو حيه ولا ميت واحتمال تكون ميته وحي لو يعلم كل هدا بس اني عبيت راسه عليها وخليته يفكر أنه يزوجها عشان يفتك منها
رسل بي خوف  :وزيدك لو يعلم اني مشاركتك في كل شي شن ح يدير
نرجعو لي الوقت الحاضر
خش كنان بي عصبيه لعند عروق رقبته باينات ومصدوم :شن ح ندير تبن تعرفن صح ؟ ح نقتللللكن يا حقيرات الله لا يجزيكن الخير ع هدا الشي 😭😭😡😡😡😡
ناضن تهاني ورسل مصدومات وتعابير وجهن يبن يموتن من الخوف خشت رسل وراه أمها
تهاني بي خوف وتلكلك في الكلام :ا ا ا ا خ خ خلي خليني ن ن ن فهمك ك ك كنان ا ا رجوك 😭😭
كنان بي عصبيه : حسبي الله ونعم الوكيل فيكي شن تفهمممممي شن تفففففففهممممي سممممعت كل شي
شاف لي سلاحه وفكر بينه وبين نفسه لو قتلها شن ح يستفاد يخش الحبس ويقعد قاتل ويغضب ربي ف نفس الوقت يبي يصلح غلطه ويدور ع بنته الي كم كلامهن حس انها عايشه لذلك قرر مايقتلهاش
عزق سلاحه وجرا طاح عليها ضرب ضرب ضرب ضرب ضرب ضرب بي شكل مش طبيعي بكل خلاها خلاص تتنفس بي سرعه ووجهه اثار وجروح وتبكي من الالم
ناض يتنفس بي صعوبه وحس روحه هدا وين ارتاح
ومسك بنته عطاها طريحه تمسح الكبد بس اقل من متاعت أمها لأنه عارف هيا ديما أمها مخربه عليهن
المهم خلاهن في حاله تخوف بكل
كنان يحكي وهوا دهشان :توااااا توااااا تطلعي من هنا وتعدي انتي وبنتك لي حوش اختك الي متفقه مع ولدها وتقعدي عندها الليله هدي وبكرا بكراااااا تعدي لي تونس غادي لي هلك يا حقيره يا واطيه الحق مش فيكي الحق في الي تزوجك وطلعك من الخرابه الي كنتي عايشه فيها ومعاملة الذل الي كانو يعاملو بيكي فيها بس ما تفرحيش ح ترجعيلها ليبيا مااااعششش نشوفك بيها وأقسم بالله العلي العظيم يا تهاني كان نسمع بيكي رديتي ليبيا ولا درتي شي  من ورايا ولا فكرتي تتفقي مع الحقير ولد اختك نشرب من دمك وما نترردش في قتلك دقيقه وبنتك شيليها معاكي ما يشرفنيش يكون عندي بنت هك واه نسيت انتي طااالق طااالق طااالق وورقتك ح توصلك وتوا عندك 20 دقيقه تلمي فيها روحك وخلي الشوفير يعزقك عند اختك يلاااااااا
عيط بي أعلى صوت خشن يجرن للدار ومصدومات ومنهارت وتهاني تعيط بي علو حسها
تهاني :وووووك ووووو عليا ووو انخرب بيتي وووو انسودت عيشتي كله مني جبته لي روحي يارب وووو شن بندير في عمري كان رديت لي تونس معناها حياتي ادمرت خلاص ووووو حسبي الله فيك يا جواد وووو
كملتها تعيط وبنتها تعيط وتلوم فيها كله منك المهم لمن حاجتهن بي سرعه وشالهن الشوفير لي اختهن أول ما خشن حكت لي جواد كل شي وهوا أنصدم وطلع هرب عدا لي مزرعته قعد فيها وأما هيا بدت تحكي لي اختها كل شي واختها مصدومه فيها 🔥
(كل ساقي سيسقى بما سقى وربي يمهل ولا يهمل والظلم عمره ما يدوم صدقني خودنها عبره ربي ديما ناصر الحق مهما صار مافيش شي مش ح ينعرف مع الايام ومن يعمل مثقال ذرة خير يراه ومن يعمل مثقال ذرة شر يراه🔥🔥)
نجيبو ع كنان حالته توا مهما وصفتها لكننن مش ح تقدرن تتخايلنها قاعد يبكي يبكي بي عبرته وقهره والم وندم وصدمه 💔💔
كنان :سامحيني يا بنيتي سامحيني سامحيني يا نور (ام تالين)ما قدرتش نصون الامانه الي خليتيها ليا وتزوجت وقلت نجيب ولد يكون سند لها ويحميها ويكون الوريث الي يحافظ ع رزقها بس صار العكسسسس اااه ياريي لو حيه بنيتي دلني ع مكانها عشان نصلح كل شي ونراضيها يارب ولو ميته بعيد السوء ارحمها يارب ارجوك يارب تكون عايشه عندي امل تكون عايشه اااه يا نور لو تعرفي تهاني ما عمرها خشت قلبي ولا حبيتها كانت مجرد زوجه بس وأقسم بالله قلب مافي الا انتي اااه يارب ندمان قد شعر راسي اخ يا تالينتي لو ترجعيلي بس ح نعوضك ع كل شي ووعد نعطيك عيوني اااخ يا بابا اخ يارب يارب اللهم صبرا اللهم جبرا اللهم قوه يارب لا أسألك رد القضاء ولكن أسألك اللطف فيه 😭💔
بعد ما كان منهار مسح دموعه وناده حراسه وقاللهم يدورو البحث ع بنته ومجموعه دزاهم يدورو ع جواد لأنه عارف أنه تهاني ح تخبره وح يهرب وممكن يطلع برا ليبيا بس جواد كان مفكر في شي ثاني ؟!..