انتقام عائلتي

الحلقه 8

#للكاتبه_ژوژو_الطشهه❤‍🔥

#انتقام_عائلتي

#الحلقه_8

#لايك_قبل_ما_تقري_وتعليق_بعد_تكملي❤‍🔥

نزلت سجى خشت ومؤيد عدا مع شباب العيله سجى أول ما خشت قابلتها ملاك وكانت مصبيه مقابلتها يالا الباب وتشوفلها بي حقد
سجى استغربت في نظرتها رفعت لي ملاك حواجبها شوي وجتها نسرين
نسرين ابتسمت لي انبهار : ماشاءالله طالعه تجننني محلاكي والله تحفه 😍😍🤤
سجى ابتسمت :عيونك الحلوه
نسرين :نكلم ماما
شوي وجت ام مؤيد شافت لي سجى وابتسمت بي اعجاب كبير ودهشه كانت تهبل بكل طبعا لما جت أمس ماحد ركز عليها عشان مصدومين وهك  بس توا كيف ركزن
ام مؤيد  :اللهم صلي على سيدنا محمد تبارك الله عليكي بنتي ❤️
سجى ابتسمت بي خجل وراحه :شكرا عميمه كلك ذوق
ام مؤيد  : نسرين دخليها لي كرسيها
نسرين خشت مع سجى الي قعدتت ع الكرسي متاعها بي كل ثقه وتشوف لي وجوهن الي يشوفلها نصهن بي اعجاب ونصهن بي حسد وحقد ونصهن بي استغراب
وبدن عيت حنه يوشوشن لي بعضهن 😂
نسرين قاعده في جنب سجى :ماشيه مع مؤيد واجد
سجى :ما تنسيش أنه زواج مؤقت
نسرين ضحكت :نعطيكي الي تبيه كان تطلقتو وقوولي نسرين قالتها 😈 أنا عندي وجهة نظر رآه بعيده 😈
سجى ضحكت :مواليد الكم انتي
نسرين :2005
سجى ضحكت بي دهشه : يبان عليكي اكبر من كلامك وحركاتك ربي يحفظك
نسرين ضحكت :ويحفظك خليكي معايا كويسه عشان نكون حماه كويسه معاكي
سجى ضحكت
نسرين :توا بيبدن يسلمن عليكي يتعرفن

قعدت كل مره تجي وحده تسلم عليها ويعرفن فيها  ع رواحهن  خالات مؤيد وعماته وبناتهن وبنات خالاته وبعدها صبايا عمامه والجيران وكانو كلهم كويسين وتعاملو معاها معامله حلوه وكل وحده تجي تشوفلها بي اعجاب كبير وجيرانهم مهم ناس واجد اخر شي جاها ملاك
ملاك بي ابتسامه وشوشتلها :مؤيد ليا وما تفكريش إنك تاخديه بكل 🔥
سجى وجهه تغير وقعدت تشوفلها بي برود :الله يبارك فيك حبيبتي
ابتسمتلها بي استفزاز
ملاك رقتلها بكل وحست سجى استفزتها 🔥
عدت وسيبتها
جتها نسرين بي خوف :شن قالتلك
سجى ابتسمت :لاباركتلي بس
نسرين :تمام
عدت نسرين عشان تمد معاهن التقديم للمعازيم وخلت سجى حايره ومضايقه من كلام ملاك بس ما دورتش واجد
*****
عند مؤيد مع الشباب
محمد غمزله :وشن تضحك وجوك سمحح شكله ما صارش من ال 3 شهور 😉
مؤيد ضربه ع كتفه وفنص فيه :اس رآه يسمعوك الشباب وبعدين اي ضحك واي شهور أنا اليوم أول يوم رآه وماشيين ع الاتفاق
محمد :لاكن البنت صاروخ ما تنكرش 🔥
مؤيد بي عصبيه :محمد افطن لي روحك وما تدويش عليها مهما كان توا مراتي وع اسمي
محمد ضحك قال هك عشان سششوف ردة فعل مؤيد
محمد ابتسم :حاضر حاضر 😉
مؤيد شافله بي ربع عين
شوي وجاهم عم مؤيد
عمه :مؤيد تعال نبيك شوي
عدا مؤيد معاه :نعم
عمه مدله تدكرتين :هدي هديه بسيطه مني ع زواجك
مؤيد فتحها لقاها تدكرتين لي اوروبا بكرا لاه ولي سجى
مؤيد بي استغراب :صحيت عمي بس يعني انت عارف أنه زواجنا ع ...
قبل ما يكمل
عمه طبطب ع كتفه بي هدوء :ما تسبقش الأحداث يا ولدي ولا تتسرع  وبعدين مش انتم ماشيين ع الاتفاق لازم تسافرو عشان حتا قدام الناس وهك
مؤيد تنهد :حاضر وصحيت يا عمي
عمه غمزله :ولو المهم تستمتع بي السفره
عدا ومؤيد ضحك ع تدويس عمه وعدا رد للشباب ويضحك وجوه حلو معاهم ....
******
أما في حوش ليث
عند الاء واميره قاعدات يهدرزن برا في الحديقه
اميره :لولي انتي ما عديتيش للجامعه
الاء :لا توا باديين دوبنا يعني تسجيل وهك فهمتي مش قرايه رسميه جددت القيد ونرجا لعند تبدا رسمي بعدين نعدي
اميره :امم كويس
الاء :عارفه بكرا فاتحين مول يهبل بكل في ## ودايرين نظام احتفال كبير شن رأيك نقولو لي معتصم ولا ليث يشيلونا
اميره :ماعنديش نيه عدي انتي يا لولي
الاء ضربتها ع يدي :عينك نعدو نحنا ال 2 نغيرو جو ونروحو تقولي لا نضربك 😒
اميره ضحكت :حاضر
شوي وخش ليث من برا لابس زبون تهبل لونها ازرق ملكي وخاش مبتسم لما شافهن زاد مبتسم
ليث تنحنح :احم السلام عليكم
اميره طبست راسها منحرجه
اميره الاء :وعليكم السلام
الاء ناضت :اهو خويا السمح الطرف جاء
ليث ضحك ورفع حاجبه: شن في يا مصلحه انتي
الاء تلسن فيه :بكرا فاتحيت مول في ## ودايرين احتفال ف يعني أنا واميره مكسدات بروحنا عادي تشيلنا حرام رآه اميره مكسده بكل
اميره تفنص في الاء بي صدمه
ليث شافها وضحك :بي شوي ع عيونك
اميره وجهه احمر ضحكت
ليث ابتسم :حاضر بكرا نعدو
الاء  بي فرحه :هيييي 😍
اميره ابتسمت
ليث خش وخلاهن يهدرزن عارف أنه اميره منحرجه منه بذات ليلة أمس💛
*******
عند بات سجى مصبي برا قدام شقة اسامه يدق يدق بدون فايده شوي وطلع الغفير متاع العماره كلها
الغفير : تفضل مش قاعد
أحمد :وين عدا
الغفير :الشقه هدي اجرها يوم واحد بس
احمد بي صدمه :كيف عساس بيسكنو فيها هوت وبنتي وباته ضمنها ليا
الغفير ضحك :شكلك ملخبط الي اجر الشقه اهله ميتين وحيد والي توسطله واحد صاحبه اجرها لاه يوم
احمد بي صدمه اكبر :أنا نحكي ع اسامه ##
الغفير :هوا نفسه بس اسمه اسامه ## باته وامه متوفيين وعايش بروحه
احمد حط يده ع راسه بي صدمه وهنا عرف قد ايش هوا غبييي الي صدق كلام واحد زي هدا وكدب بنته الوحيده بس مصدوم شن السبب الي يخليه يدير هكي ؟ وطلع من العماره وقرر يبحت عليه لعند يلقاه ويعرف الحقيقه بعدها يتصرف بس واضح وضوع الشمس أنه كلام بنته صح بس قال لازم نوصل للحقيقه كامله بعدها نتصرف روح لي القصر وخبر مراته وهيا انهارت تبكي
سوسن :مش قتلك بنتي ونعرفها سجى أنا مربيتها وامها وقريبه مني نعرفها ما عمرها ادير العرب وتخاف ربي وتتحشم ع قد طول لسانها وشخصيتها القويه الا وانها عاقله بكل الله يسامحك يا احمد لو طلع كلامها صح مش ح تسامحنا قالتلها ليا😭
احمد يبكي:يارب عفوك يارب 😭😭😭
*****
حاسه روحي تعبانه ونكتب في الحلقه بدون تركيز 😓💔
*****
بنقول حاجتين بنات
اول حاجه الروايه ح تكون 15 حلقه لأنه ملاحظه كلكن تسألن كم حلقه يعني مزال 7 حلقات وتكمل ♥️..