انتقام عائلتي

الحلقه 14 ما قبل الاخيره

#للكاتبه_ژوژو_الطشهه❤‍🔥

#انتقام_عائلتي

#الحلقه_14_ما_قبل_الأخيره

#لايك_قبل_ما_تقري_وتعليق_بعد_تكملي❤‍🔥

(زي ما تعرفن هدي الحلقه ما قبل الاخيره يعني بكرا الحلقه الاخيره تمت الروايه خلاص بس امبدري في وحده ضحكتني قالتلي ديريلنا فيها مشاكل بين زوجين وشك وندم 😂الباين انكن ما تقرنش بي تركيز أنا الروايه من البدايه بكل قلت 10 حلقات لأنه رمضان وبي صراحه ما عنديش وقت نهائيا بس بعدها قلت نديرها 15 حلقه لذلك أنا رتبت الأحداث بي حيث يكونن احداث يناسبن 15 حلقه بس ولو درت مشاكل وزت احداث آخرة روايه مش ح تكمل بكللل وانا نبيها 15 مهم حبيباتي والله متفهمه حبكن لي الروايه وتشوقكن عليها بس اهو كل انسان عنده ظروفه الخاصه هدي حاجه وثاني حاجه يا بنات نعاود ونكرر قروبي الأصلي ع الفيس اسمه (قروب روايات ژوژو الطشهه الاصلي 📝❤️)
هدا قروبي الأصلي والوحيد
أما قروب روايات ليبيه وقروب روايات ليبيه واقعيه هدين مش قروباتي بس أنزل فيهم ويطولو ع بين ما يوافقو ع الحلقه وفي بنات يحسابن أنه التأخير مني انا يشهد الله عليا من لما كتبت الروايه لعند حلقة اليوم انزل يوميا ومش قتلكن موعد التنزيل 10 ونص والله مرات 9 ولا 9 ونص أنزل فيها يعني انضمن كلكن لي قروب الإصلي ثالت شي يا بنات حلقة اليوم ما قبل الاخيره يعني بنحكي الحاجات المهمه بس ما تقولليش قصيره لأنه لو طولتها مش ح تكمل بكل قسمت الأحداث بين حلقة اليوم وحلقة بكرا ❤️وبالنسبه للبنات الي يبن رواياتي القديم حاضر في حلقة بكرا الاخيره ح نزل في نهاية الحلقه اسامي رواياتي كلهن وعدد حلقاتهن وفي عندي روايات طوال 35 حلقه المهم الي تبيهن تدزلي ع الواتس ولا ماعندهاش رقمي نعطيها لها وفي حتا ع الواتباد  كاملات وطبعا رقمي مانعطيش إلا للي متأكده منها أنها بنا وحتا ع الفيس موجودات بس  مش كلهن في القروب هدا الاصلي نصهن في القروب القديم فلذلك انسب حل الواتس أو الواتباد اسفه طولت عليكن ❤️)
نبدو الحلقه ..
****
عند ليث وتالين وصلو قدام حوشهم وتالين ماسكه في يده بي خوف فتحلهم الحارس الباب وخشو جوا ودقو ع باب جواني فتحلهم كنان وانصدم صدمة عمره
تالين يشوفولهم ويحساب روحه يتخايل لعند فأجاءه حضناته تالين بالقوه حضن بعد فراق وشوق ولهفه قعدت تبكي بي عبرتها وليث متأثر بكل
كنان هدا وين استوعب حضنها بي قوه ويبكي :تالين بنتي نحساب روحي نتخايل الحمدالله ربي ردك ليا طيبه 😭😭😭
تالين تبكي :بابا لو تعرف شن الي صار بس 😭😭
كنان يبكي :عرفت يا بنتي عرفت كل شي
تالين وليث شافو لي بعضهم بي صدمه
تالين :كيف عرفت يا بابا
كنان يبكو :خشي توا نحكيلك
وزع نظره ع ليث :من هدا يا بابا
تالين بي خجل وتوتر :هدا راجلي با بابا تزوجنا أمس
ليث ابتسم
كنان نزلن دموعه بي صدمه :تزوجتي كيف وليش
تالين تبكي :خلينا نخشو توا نحكيلك كل شي بالتفصيل
خشو للصاله وقعمزو
تالين تنهدت وبدت تحكي كل شي من لما عرض عليها جواد الزواج ولما تهاني تقنع فيها لعنددددد لحظة توا كانت تحكي وتبكي
كنان يسمع فيها ومصدوم ويبكي مش مصدق هدا كله صار معاها :لا إله إلا الله 😭😭والله لو نعتذر من اليوم لي بكرا مش ح تسامحيني بس وأقسم بالله يا بابا ما كنتش عارف ولو عرفت كنت وقفت في وجهه تهاني ومستحيل نخليها اتدير هدا كله بس والله ما عرفت إلا بعد سمعتها هيا وبنتها. .......وهدا الي صار وتوا ندور في جواد نبي نقتله بي يدي سامحيني يا بنتي لو كنت وقفو في وجهه وقتلها بنتي تتزوج الي هيا تبيه وما ضغطش عليكي كان ما صارش الي صار وقتها بس والله متندم قد شعر راسي  يا بنتي 😭😭
تالين حضناته وتبكي :والله يا بابا ما حقدت عليك ولادقيقه ولا كرهتك بالعكس مرايفه عليك وبعدين انت مالكش دنب تهاني ورسل هنا وراه كل شي واهو انت لما عرفت الحقيقه طلقتها عشاني هدا بروحه شي كبير والله نحبك يا بابا ماعش عندي سند في الدنيا غيرك انت وليث ❤️
ليث ابتسم ويشوفلها بي حب
كنان شاف لي ليث :بارك الله فيك وليدي والله مش عارف كيف نشكرك ع الي درته مع بنتي والي مزال قاعد ادير فيه والله لما قالتلي تزوجت اضايقت بس بعد توا عرفت أنها تزوجت راجل وفرحت ربي يهنيكم ويسعدكم
ليث ابتسم بي فرحه :بارك الله فيك يا عمي ❤️🥺
تالين حطت يدها ع يد باتها ووحده ع يد ليث :ربي يخليكم ليا
هما بي ابتسامه : امين
ناض ليث :عمي تعال نبيك شويا
كنان ناص معاه بي استغراب خشو للمربوعه
ليث :عمي أنا جايب الحقير جواد
كنان بي صدمه :وين لقيته
ليث :كنت نراقب فيه شوي بس
هدا ليث تيلفونه ورن ع صاحبه
ليث :نزله وحطه يالا الباب الجواني
صاحبه جايبه ومغمضله عيونه ومربطله يديه وحطه يالا الباب وعدا
هووب طلعو ليث وكنان مسكوه وخششوه مربوعه ليث فتحله عيونه
جواد بي صدمه :عمي كنان
كنان بي عصبيه :سكر فمك عمك عينك
ليث عطاه جواد كف بي كل غل :حقير واطي
جواد بي عصبيه :من انت
ليث كل بي فخر واستفزاز :راجل تالين
جواد فتح عيونه بي صدمه وعيط :ككككيييييف 😳تالين امتى تزوجت
ليث ضربه بوني ع وجهه :ماعشششش تنطق اسمها ع لسانك يا حقير 😡😡
جواد حط يده ع خشمه دمه ويشوفله بي صدمه :امتى تزوجتو وكيف أنا نبيها
ليث بي عصبيه وغيره :سكرررر فمك خير ما نسكره لك بي طريقتي تزوجنا لأنه نحبو بعض وامس كان  عرسنا انت متوقع تالين توافق تتزوج واحد زيك وبعدين ترا قولي شن درت انت
جواد بي عصبيه :اي صح أنا حبيتها وانا مشارك تهاني في كل شي وانا صح نحبها بس نحب حتا فلوسها الي من باتها وأمها ونازي نتزوجها وخشيت في الليل كنت ناوي نغتصبها عشان تتزوجني غصبن عنها هربت وما صارش بعدها تهاني الخبيره تحسابني مش عارف أنه دزتلها واحد بيقتلها
ليث ابتسم بي عصبيه وخبث
وكنان عطاه بوني اكبر من بوني ليث :وتقول فيها بي كل  ثقه والله اندمك ع الساعه الي عرفت فيها بنتي
شوي وخشو 2 من الشرطه جواد أنصدم وليث وكنان ابتسمو بي راحه
شرطي :ارفعه
الشرطي الثاني ربطله يديه وحط عليه السلاح :امشي معايا
جواد :شن درت شن درت
شرطي :نحنا وصلنا معاك وسمعنا كل شي وهدا كافي يخلينا نحبسوك ومن المحكمه ح تتحاكم بس استثناء الشي هدا انت عليك كدا جريمه ومن امتى ندورو فيك
شرطي :شكرا استاذ ليث
ليث : العفو
طلعو بي جواد للحبس وهوا مصدوم ومتعصب بكل
(خلاص تم دوره جواد مانبيش نجيب عليه أخرى بس كل الي نقوله لكن المحكمه ح تحكم عليه 10 سنين مع التعديب 🔥)
كنان بي فرحه :شكرا وليدي والله فضلت عليا
ليث :الفضل فضل الله يا عمي ونحنا توا عيله وحده خلاص انا قعدت نسيبك
كنان حضنه:واعز انت من اليوم زي وليدي ❤️
ليث ابتسم :هيا نخشو نبشرو تالين
خشو الاثنين لقوها سرحانه
تالين توا ما شافتهم جتهم تجري بي خوف :شن صار
ليث ابتسم :خلاص شالوه الشرطه بيحبسوه انسيه بكل 🔥
تالين ابتسمت بي فرحه : الحمدالله ياربي
كنان :ردبالكم تقولو نروحو عشاكم اليوم عندي
تالين ابتسمت :حاضر يا بابا اصلا أنا مرايفه عليك بكل  وح نديرلك الكسكسي الي تحبه من يدي ❤️
كنان ابتسم بي فرحه :ربي يرضا عليكي
ليث ابتسم
تالين ناضت بتخش المطبخ :الله ليا واجد ما حستش في المطبخ وطيبت اليوم بنفتللكم العشاء وتوا نعدي ندير قهوه نكسدو عليها وقتها تعرف يا بابا ع نسيبك 😂
خشت المطبخ فرحانه وليث فرحان بكل لأنه هدا وين شافها فرحانه صح وردت تالين الفرفوشه زي ما معروف عليها 🥺❤️
كنان ضحك :تالين تحب المطبخ من زمان مع إنه في طباخين وخدم بس مره مره تخش اطيب
ليث ابتسم : ماشاءالله مع إنه قبل بنقوللها ما طيبش عشان اليوم أول يوم لها عروس يعني بس كيف شايفها فرحانه ما حبيتش نخرب عليها
كنان ابتسم :ربي يخليكم لي بعض
ليث ابتسم :يارب ❤️
وبعد يهدرز مع كنان ويحكيله ع روحه وكنان يحكيله وانسجمو بكل ...
*******
عند مؤيد كان مع صاحبه كمل منه وطلع بيركب السياره هووووب تجي طلقه في نص بطنه يطيح والدم يصب منه والتمو الناس عليه وصاحبه اسعفه كان سلاح كاتم الصوت الي ضربه هرب طول ما شافوش صاحبه يبكي ويجري بالسياره وصل بيه خدوه منه وحطوه في بريلا وخشو بيه العمليات طول وكان تيلفون مؤيد عنده
شوي ورن تيلفون مؤيد وكان محمد
صاحبه شاف المتصل (القرعه ولد العم)
صاحبه تنهد بي ضيق ورد عليه : الو محمد
محمد بي استغراب :اهلين وليد شن جوك
وليد بي ضيق :تمام الحمدالله
محمد :وين مؤيد عطيه ليا
وليد بي ضيق :محمد صلي على النبي
محمد بي خوف :عليه افضل الصلاه والسلام شن فيه
وليد دمعته نزلت :مؤيد جاته طلقه في بطنه وتوا اسعفته قاعدين في مستشفى ##  توا شالوه مني وخششوه العمليات
محمد بي صدمه نزلت دمعته :لا حول ولا قوه الا بالله العلي العظيم جاي جاي
سكر منه وخش يجري جوا ك العاده كل عشيه ملتمين جاهم بي هدوء
محمد :جدي عمي علي (بات مؤيد )
شافوله بي استغراب :نعم
محمد تنهد بي ضيق وتوتر نزلت دمعته :مؤيد تصاوب حياته رصاصه وتوا في العنايه قالها ليا وليد صاحبه هوا الي اسعفه
كلهم ناضو بي صدمه : كيففف
فاطمه امه تبكي وتعيط :وووووك عليا ووولدي ووووك وووو مزال ما شاف من الدنيا شي ياربي ما تحرق قلبي عليه 😭😭😭
قعدن يسكتن فيها ونسرين منهاره وحتا ملاك
حواء حنه تبكي :ينعليا يا حنوني  يا بصاري يا ضي ه الحوش ياربي نوضه بي خير
محمد بي عصبيه :بدال ما تدعله تبكن وتندبن عليه قولن لا إله إلا الله وربي يشفيه ووحده فيكن تخبر مراته
فاطمه تبكي :توا نقوللها أنا
حاج مسعود :لالا خلي نسرين تخبرها توا تفجعي المراه بي حالتك هدي استهدي بالله وصلي ع النبي وهيا عشان نعدو يا عويل
فاطمه تبكي:بنعدي أنا
حواء :حتا أنا 😭
نسرين تبكي : بابا نجيب سجى ونجي ارجونا
كلهن :بنعدو حتا نحنا
كلهن يحبن مؤيد لأنه كويس وأكثر واحد فيه جوه في العيله وحنون مع الكل
ملاك كانت منهاره
خشن لبسن عباياتهن وطلعو كلهم وراه بعض وقعدو فاطمه وعلي يبكو ويرجو في نسرين
طبعا مؤيد فيلا يالا هله يعني نفس الصور عدت نسرين تجري بعد ما مسحت دموعها دقت الباب
سجى كانت مكسده ع التلفزيون عدت فتحت تحسابه مؤيد بس انصدمت بي نسرين الي وجهه واضح عليه البكي واحمر
سجى بي خوف : نسرين شن فيه
نسرين دمعتها نزلت : سجى ما تخافيش مؤيد تصاوب وتوا شالوه المستشفى وجيت نقولك عشان تلبسي بابا يرجا فينا برا عشان نمشوله غادي
سجى حطت يدها ع وجهه بي صدمه وقعدت تبكي :لا ياربي لا مزال ما فرحنا بي بعضنا مزال ما عشنا شي مع بعضنا أمس كيف اعترفنا لا بعضنا لا ياربي لا 😭😭😭😭💔
نسرين حضنتها وتبكي : قولي لا إله إلا الله يا سجى ما تتفاوليش عليه بي إذن الله ينوض منها بي خير عدي البسي عبايتك وهيا تعالي معايا
خشت سجى تجري وكرعيها مش شايلتنها لبست عبايات ووشاح وكندرتها وشنطه رنت ع باتها منهاره خبراته وحطت التيلفون في الشنطه وطلعت تجري لي نسرين ركبت مع علي وطلعو للمستشفى وسجى طول الطريق تدعي وتستغفر 💔🥺..
*****
عند أحمد لما خبراته سجى كان قاعد مع خالد واسامه يشوف فيهم ولما سكر شاف خالد يضحك
احمد بي عصبيه :شن الي يضحك فيك يا وسخ
خالد بي ضحكه استفزاز:نسيبك تصاوب صح ؟
احمد بي صدمه :كيف عرفت
خالد :عيب عاد أنا الي مخطط بس للأسف مش أنا الي منفد عارف من الي منفد خو البنت الي كان خاطبها مؤيد الي صار  تبديل بينها وبين اسامه خطه بسيطه وانشاء الله يموت وتترمل بنتك هكي بس ح نقعد مرتاح حتا كان مش متزوجها أنا بس هك مش ح تكون لي غيري
احمد مصدوم وحتا اسامه
احمد بي عصبيه عطاه كف قوي :والله كان ما خليتك تعفن في الحبوس ما يبقاش اسمي احمد ## وبعدين شن اسمه خوه البنت
خالد بي برود :رواد
احمد :تمام تمام فرااااس
خش فراس يجري :نعم
احمد :تووواا توااا تشيلههم للمركز خلاص لازم يتسلمو هدوما وشيل معاك الكمبيوتر الي في تسجيلات المراقبه متاعت المكان وسمعهم لي الشرطه خليهم يتعاقبو بالقانون مانبيش نوسخ يدي وقول لي الشرطه ع هدا جار عيت الحاج مسعود رواد ## ياخدوه قبل لا يهرب وانا كان روحت من المستشفى ح نجي للمركز ونتفاهم معاهم أكثر
فراس :تمام
كلم فراش الشباب الي معاه وشالوهم وطلعو بيهم للمركز اسامه ندمان ويعيط ويبكي أما خالد مش ندمان ولو رجع بيه الوقت يدير نفس ما دار وكان مطمن أنه مؤيد مات وهكي هوا يبي ...
*****
نرجعو لي مكالمة الي لما قلت خالد رن ع شاب شاب هدا يكون رواد خو ورد
خالد :ايوه
رواد:من معايا
خالد :أنا خالد نبقا ولد خال البنت الي تزوجها مؤيد
رواد بي حقد :نعم شن تبي
خالد :أنا وياك هدفنا واحد هوا مؤيد
رواد بي استغراب :كيف
خالد :شن حال اختك بعد طلقها الحقير مؤيد قولي بس
رواد بي حقد وحزن : حالها حال العدو خشت في حالة اكتئاب ولا تاكل ولا تشرب زي الناس وقعدت انطوائيه وتعقدت بكل وحتا لما يجيبو سيرة الزواج تنقهر وما تبيش تتزوج قالت أنا حاقد ع الحقير مؤيد بكل
خالد ابتسم بي خبث :لا حول ولا قوه الا بالله العلي العظيم حتا أنا الحقير تزوح البنت الي يحبها وانا لما عرفت أنه دار هك في اختك رنيت عليك نقولك نحطو يدينا في يدين بعضنا
رواد بي حقد :وانا موافق بس شن نديرو
خالد :انت الي ادير مش أنا تضربه بي كاتم الصوت في قلبه وانهيه هكي نكونو خدينه حق اختك وحقي أنا شن رأيك
رواد:وانا موافق التنفيد امتى
خالد :بعد يروحو من أوروبا خليك مراقب حوشهم
رواد :تمام متفقين
سكر منه خالد وابتسم بي خبث وقال لو يعلم بس اني انا وراه كل شي حتا طلاق أخته مش مؤيد بس يلا خلي النار تحرقهم الزوز وصلت للي نبيه ...