انتقام عائلتي

الحلقه 15 والاخيره

#للكاتبه_ژوژو_الطشهه❤‍🔥

#انتقام_عائلتي

#الحلقه_15_والأخيره

#لايك_قبل_ما_تقري_وتعليق_بعد_تكملي❤‍🔥

ثاني يوم الساعه 11 جت الاء لي حوش ليث خوها فتحتلها تالين
تالين بي ابتسامه :اهلين لولي
الاء :اهلين يا قلبي تولي بنقولك رآه رنت عليا سجى وقالت مؤيد أمس تصاوب جاته طلقه في بطنه وتوا اليوم بيطلعوه من المستشفى بي حكم ما عندكش تيلفون قالتلي نخبرك
تالين انصدمت وشافت لي الاء بي حزن :يا روحي عليهم ربي ينوضه ع خير شكرا لولي يا قلبي توا نقول لي مؤيد يشيلني لها
الاء ابتسمت :تمام يا قلبي ولو خطرها امتى ناويين تسافرو 😂
تالين ضحكت :عارفه ليث بيشيلني الهند عشان خاطري نعديلها من قبل
الاء ابتسمت وعيونها قلوب :الله حي حي من قدك ربي يخليكم لي بعض يا احلى من شافت عيني والله ماشيين مع بعض بكل 🥺❤️
تالين ابتسمت :يا عمري نجكليا 💓 اسمعي لولي خطرها
الاء :نعموش
تالين :شن رأيك تعدي معايا لي سجى حسيتك مكسده وهك وخصوصا أنه كلهم روحو متاعين الفرح نكسدو غادي بعدين سجى حباتك بكل رآه
الاء ابتسمت بي فرحه :الله ياربي يا تولي والله مكسده بروحي يا ع التلفزيون يا ع النت يا مع ماما مليتت
تالين ابتسمت :خلاص تم توا نقول لي مؤيد يشيلنا ع الساعه 5 العشيه تمام وتي روحك بس
الاء حضنتها :احلى مرت خو
جاء ليث من وراهن :هدا كله مع الاء ع الباب نحسابك غير طلعتي 😂
الاء وتالين ضحكن
تالين بي ضيق :الاء رنت عليها سجى وقالتلها....
ليث بي حزن :لا حول ولا قوه الا بالله العلي العظيم تمام حاضر بعدين نشيلكن
تالين بي ابتسامه :تمام خشي لولي كنك مصبيه
الاء :والله مزال بندير الفطور بعد حكيت مع سكر قلت نقولك بس
تالين :تمام باي يا روحي
عدت الاء
ليث حضنها :يا فرخه ماعش تقولي يا روحي لي غيري نغار رآه 😒
تالين ضحكت :يا عمري عادي شن بتغار من اختك
ليث بي رفعة حاجب :نغار حتا من باتك
تالين بي صدمه :بابا 😳
ليث ضحك :اها والله أمس بعد تحضني فيه وتدلعي فيه غرت وربي نبيكي ليا أنا بس انتي مرات ليث وكل شي في حياته
تالين ضرباته ع راسه :نحبك يا مجنون والله
ليث ضحك :والله كنت عاقل انتي الي جننتيني يا فرخه
تالين بي تكشيخ :شن قصتها فرخه الي ماسكها ليا هدي 😒😒
ليث حضنها وقعد ماشي بيها للصاله :تعالي يا كشوره نبصر
تالين ضحكت :امم باهي حبيبي
ليث :عيونه
تالين :عادي بعدين بعد تشيلنا تخش ع مؤيد تسلم عليه نبيك تتعرفو ع بعض لأنه أنا وسجى صداقتنا قويه وما نبيهاش تقل فلذلك يعني ياريت ادير حتا أنت صحبه لأنه باين عليه كويس بكل ع كلام سجى واكيد ح تنسجمو لأنه أنا وسجى ح يكون في بينا مشي وجي وااجد زي قبل مانبيش شي يتغير علينا لأنه هيا اختي الوحيده 🥺💓
ليث شير ع عيونه :حاضر يا روحي من عيوني والله توا كنت جاي بنقولك عيب نسلم عليه ونتحمدله بالسلامه بس مدام تبينا حتا نتقربو من بعض حاضر ندير كل شي عشانك
تالين عيونها دموع:ربي يخليك ليا 🫂💓