انتقام عائلتي

الحلقه 9

#للكاتبه_ژوژو_الطشهه❤‍🔥

#انتقام_عائلتي

#الحلقه_9

#لايك_قبل_ما_تقري_وتعليق_بعد_تكملي❤‍🔥

حبيباتي قبل لا نبدا نبي نقوللكن حبيت تفاعلكن ع الحلقه 8 وتوقعاتكن ماشاءالله اغلبيه تحليلاتهن صحح ♥️نحبكن 🥺♥️نبيكن تتفاعلن ع كل الحلقات هكي وتوقعاتتكن ضروري شن رايكن نديرو مسابقه ع كل حلقه الي توقعاتهها صح نكتب اسمها في الروايه ؟ فكره حلوه 😍♥️
مهم بنات نبي نقوللكن إنه في وحده من المتابعات سألتني 3 أسئله وانا جاوبتها عليهن بس برضو حبيت نجاوبهن هنا لأنه قلت مرات في وحده عندها نفس الاسئله مهم بنات اي وحده عندها سؤال بي خصوص الروايه تسأل وانا نجاوب طبعا زي مثلا شي مش فاهمتيه لأنه أنا نبيكن تكونن مركزات معايا ومانبيش يكون عندكن علامة استفهام نبيكن تقرن بي راحه لاحضت في وحدات مركزات معايا ومشاءالله تحليلاتهن ع الحلقه نار بكل🔥
مهم الأسئلة الي سألتهن ليا
1_اول حاجه مش ع أساس مؤيد ومحمد يبو يجوزو مع بعضهم كيف تما مؤيد بروحاا؟
مؤيد ما كانش يبي يتزوج ولا حاط ه الكلام في باله مؤيد لما فرض جده عليه قرر يتزوج ولأنه ماعنداش اي قبول قال نبي العرس خلال اسبوع وبدون خطوبه وفترة خطوبه وكدا فلذلك عشان هكي بس محمد نرتبط وح نحكي عليه محمد مرتبط بي من المهم با بنات مهم مزال يعني عشان يخطب وفترة خطوبة بعدها زواج عشان هكي ما اتزوجوش مع بعض لأنه مؤيد تزوج إرضاء لي جده بس الي يحبه ✅
2_
وثاني شي كيف يعني العرب اللي جوو لهل مؤيد مستغربوش انه مش نفس العروس ؟
أنا حكيت وقلت اتفقو العيله يقولو ما صارش نصيب ومؤيد قرر ما يأجلش الفرح وخطب وكدا وملاحظات أنه في حلقة أمس قلت كلهن يقولن أنه سجى احلى من ورد يعني عارفات ورد وهكي تقريبا الشي هدي واضح بكل ✅
3_ثالث شي مش علي اساس انه اهل ورده بينتقمو لبنتهم يعني معش عدلو ع الموضوع ولا كيف؟؟
السؤال هدا مش ح نجاوب عليه توا ج نجاوب عليه الحلقات الجايه وزي ما تعرفن ديما نقوللكن ما تسبقنش الأحداث لما تلقي كلمة يتبعع نهاية الحلقه معناها الحلقه الجايه تكمله لها ويوضح كل شي ♥️✅
مهم هدي أسئلة وحده من الفانز وانا جاوبت عليها وكل شي بي إذن الله عندي لاه جواب ♥️

(صلن ع سيدنا محمد ♥️)
*****
نبدو الحلقه

بعد نص ساعه طلع عليهم الدكتور
دكتور : المريضه واضح عليها كانت فاقده الداكره وتوا رجعتلها الداكره وقاعده تعيط جوا وحالتها تعبانه وتقول في كلام مش واضح ياريت تشوفوها
الاء وليث شافو لي بعضهم بي صدمه ؟😳😳😳😳😳😳
ليث بي صدمه :رجعتلها الداكره كيف يا دكتور ؟
دكتور :الخبطه الي محصلتها ع راسها سببت توقف في خلايا الداكره مما أدى إلى نسيان كل شي حتا اسمها لاكن الحادث هدا الي صار معاها سبحان الله قدرة ربي جتها الخبطه ع راسها من جديد بس ه المره اشتغلن خلايا الرأس ورجعتلها الداكره ياريت ما تخلوهاش تهلك روحها واجد ولو حسيتوها منهاره عطوها حبة منوم لأنه مش كويس الإجهاد لي راسها جرحها مزال جديد وراس شي خطير بكل والحمدالله ع سلامتها
ليث مصدوم :الله يسلمك بارك الله فيك
كان ليث فرحان لي اميره عشان ادكرت وعارف أنه هيا ترجا في اليوم الي تدكر فيه بس في نفس الوقت خايف ع حياتها شن طبيعتها وخايف خلاص يعني بتعدي لي اهلها ؟💔
الاء تبكي بي فرحه :مسكينه الحمدالله نخشو نشوفوها
خشو عليها وانصدمو بي منظرها كانت تبكي بالعبره وتعيط وتقول :لااااا يا بابا ارجوك مانبيش نتزوجه ارجوك يا تهاني ارحميني 💔😭
الاء وليث شافو لي بعضهم بي صدمه
ليث ضضغط ع يده بالقوه لعند عروق رقبته بانن مضايق ومش قادر يشوفلها بالحاله هدي ومتوتر وع متعصب بكل
الاء جرت حضنتها وتبكي واطبطب ع ظهرها بي حنيه :اميره حبيبتي اهدي الله يخليك انتي توا قاعده تتخايلي عشان دوبه كيف رجعتلك الداكره كنتي فاقده الداكره بس فقدان مؤقت ♥️
اميره تبكي بالعبره في حضنها :الاء ادكرت كل شي كل شي وياريتني ما ادكرت ااااه 😭😭😭😭
ليث والاء يشوفو لي بعضهم بي صدمه
الاء لي هدوء :اهدي حبيبتي اهدي توا نروحو لي الحوش وترتاحي بعدين نحكو وبي إذن  نلقو حل لي كل شي هيا صبي معايا وامسحي دموعك وصلي ع النبي واستغفري لعند نخشو الحوش
اميره هدت وشافت لي الاء بي نظرات شكر بعدها شافت لي ليث لقاته يشوفلها بي ضيق كبير ونظرة لهفه وخوف عليها ❤️
اميره ابتسمت بين دموعها ناضت وقعدت تستغفر وهيا منسنده ع الاء لعند طلعو ركبو السياره وروحو اول ما وصلو الاء خششتها الدار طول رقدت اميره طول لأنه تعب تعب كبير وبذات راسها واميره نزلت حكت لي أمها وباتها ومعتصم هيا وليث القصه وفرحولها بس مضايقين من الي سمعو ويفكرو شن الي ممكن يكون صار معاها أما هوا انسحب لي داره ويفكر ويفكر بي تعب
ليث بي ضيق :ياربي نبيها طالبها منك مش عارف كيف وامتى بالضبط بس خشت خاطري هيا البنت الوحيده الي قدرت تأثر فيا وتخليني نحس بي مشاعر ونحس قلبي يدق لما يشوفها شن ممكن تكون حياتها اااه ياربي مش قادر ما نفكرش فيها هيا أقل من أسبوعين دارت فيا هك ف كيف لو اكثر والله وطحت يا ليث 😂
*****
******
في أوروبا ناض مؤيد وانصدم لما لقاه سجى مش قاعده ؟؟؟
مؤيد ناض دق ع باب الحمام بي خوف :, سجى
مافيش رد أنصدم وما عنداش كيف يرن عليها مزال ما ركبو شفررات
مؤيد ع وجهه بي عصبيه : وين ممكن تكون عدت بس
قعد يلف في مكانه شوي وانفتح الباب خشت سجى وهيا تضحك وجوها سمحح
مؤيد بي صدمه وعصبيه وخوف جاها يجري :وين  كنتي
سجى بي استغراب. :كنت ندهور وجيت
مؤيد بي صدمه وعصبيه :نعم نعمم يا ماما وبي إذن من طالعه وشن عرفك بيها أوروبا تدهوري كان رحتي
سجى بي عصبيه :أول حاجه مافيش داعي ناخد ادنك لأنه زواجنا ع ورق فقط وواتفاق ثاني حاجه أوروبا هدي خامس مره نجيها وحافظتها كويس بابا رجل أعمال وديما يسافر نسافر معاه بعدين أنا ما بابعدتش درت برمه وورديت 😒
مؤيد بي عصبيه ما يشوفش دفها بي قوه لي درجة طاحت ع الكنبه يعيط بي صوت عالي :فاااااهم الزح فااااهم أنه اتفاق بس قصددددديييي أنا راااااجلك حتا لو اتفااااق والأصل أنه تاخدي ادني قبل لا. تطلعي لي اي مكاااااان ثاني حااااااجه شن يطلعك ونحنا توا كيف وصلنا ليش ما نوضتيني اسمعي حاولي ما تعصبينيش منك لأنه أنا بعد نتعصب نتحول لي شخص ثاني 😡
طلع وقربع باب دار ونزل وهوا مضايق عشان دفها وهزبها بس بجد هوا خاف عليها بذات في دوله زي هدي كيف تطلع بروحها والي قهراته طلعت بدون أذنه
أما هيا كانت ماسكه دموعها قدامه ما تبيش تبكي ومصدومه من ردة فعله بعد طلع انهارت تبكي وتتلمس في يدها الي طاحت عليها لأنه توجع فيها 💔💔
سجى بي عصبيه وتبكي :حقير توا تشوف يخوف بعد يتعصب بس واطي وحقير ويهبل شخصيه بكل 😭😭😂😍
( نحنا البنات نحبو الي يهزبنا وعصبي مش عارفات كيف مخلوقات 😍😂 بس مؤيد كان شخصيه وهوا متعصب تبان رجولته نعلللي حتا عصبيته سمحه 😍😂❤️)
******
طبعا الساعه في ليبيا توا 6:30 فات باقي الوقت عادي