انتقام عائلتي

الحلقه 6

#للكاتبه_ژوژو_الطشهه❤‍🔥

#انتقام_عائلتي

#الحلقه_6

#لايك_قبل_ما_تقري_وتعليق_بعد_تكملي❤‍🔥

(ديري متابعه لي ايميلي عشان يطلعلك كل شي اول بي أول 💜)

قبل لا نبدو الحلقه بنات نبي نحكيلكن ع الإخطاء الاملائيه نتأسف لأنه لو فيه اخطاء إملائيه زي ما عارفات مافيش وقت ونكتب بي سرعه مافيش وقت نصلح فيه ف لو فيه كلمات هك ولا هك اعذرني واحيانا الكيبورد نكتب كلمه يغيرها أو نكتب كلمه يحدفها بي حكم إني نكتب في كلام واجد ما نركزش لذلك نقوللكن إنه مش بي إرادتي 💜"
****
نبدو الحلقه 6 وما تخافنش ح نوضح كل شي ♥️

مؤيد ادكر كلمتي إني مغصوبه وعرف إنه الي صار مش لخبطه ملعوب :تمام بارك الله فيك يا شيخ
سكر منه وشافلي بي صدمه لقاني مصدومه كيفه أنا سمعت كل شي لانه التيلفون كان مايك
انا قدمت من مؤيد وقتله :ارجوك ما اطلقنيش ↗️
مؤيد أنصدم :كيففف ما فهمتش شن تقولي انتي كيف ما نطلقكش
سجى نزلن دموعها :أنا حاليا مش قادره نحكيلك شي بس ياريت يعني ما اطلقنيش ما نحكيش أنا للأبد بس خلال اليومين هدينه ارجوك
مؤيد بي توتر وضيق : إنشاءالله خير توا أنا مش عارف شن ح يصير بالضبط انتي بنت احمد ## ولاه ؟!
سجى شافتله بي صدمه : اي كيف عرفت
مؤيد :عائلتنا وعائلتكم في بينهن عداوه قديمه بي سبب اجدادنا وانا اليوم لما كنا نقرو في الفاتحه قالها ليا عمي لما شفت هدا الي عساس بيقرا فاتحتك ومعاه باتك قالي عمي بس مش ملاحظه أنه شي غريب إنه نتزوجو في نفس اليوم ونفس الوقت ونفس الجامع ونفس الوقت الي قرينا في الفاتحه ونفس الكوافيره طلعتن منها هل هدا الشي تشوفي فيه عادي
سجى دموعها ينزلن :ابدا وتقريبا عارفه من دار هكي وتوا من كلامك فهمت اكثر
مؤيد بي صدمه وعصبيه :عااارفه وليش ما تقوليييي ليششش من السبب هدي جريمه كبيره مش زواج 🔥😡
سجى بي توتر :مش ح نقدر نحكي توا لعند نتأكد ارجوك ما تضغطش عليا
مؤيد بي عصبيه :ماشي ماشي
طلع وقربع باب الفندق بي القوه وسجى خايفه وبتموت بس بي داخلها مطمنه أنه ح تتطلق من مؤيد المهم عندها افتكت من اسامه
...
شوي شوي لحظه لحظه نفهمكن كل شي عارفه إنكن تلخبطن في الحلقه 5 وماعش فهمتن شي بس ح نشرحلكن كل شي ركزن معايا بس
أول شي انتن كل الي عارفتنه أنه خالد ولد خال سجى يحبها ودزلها كم مره ما وافقتش وهددها وكدا صح هدا الي عارفتنه تعالن نحكيلكن ع خالد مواليد ال 91 موقف لعند ثالته ثانوي ويشتغل حاليا في مصنع كبير مع عمه المهم خالد هدا يحبببببب سجىى بكل من قبل لما تجيهم وحبه مش حب صافي ونقي كان حقير ونظراته لها حقيرات المهم ديما يحاول يفهمها أنه يبيها بس كانت تتهرب منه عشان تكرهه وفي نفس الوقت خالد فلوس سجى وحالتهم الماديه لها دور كبير يعني بالعربي طامع في فلوسهم قعد يدزلها ويحكيلها أنه يحبها ويسعدها وكدا بس سجى عارفته كويس كانت ترفض لعند بدا يرن كل يوم تتعارك معاه وهنا هوا بان وجهه الحقيقي قعد يهدد فيها وهيا ما دورتش بس في الأخير قرر يدير خطه طبعا هوا في البدايه كانت خطته عباره عن يتفق مع واحد وهو الواحد هوا اسامه يقوله إنه يدز رساله كدا كدا لي سجى وفعلا صار هكي وحقيتن الحوار الي صار بين سجى واسامه ولما روحت الحوش الي صار بينها وبين اهلها هدا كله عارفتنه صح تمام تعالن نجو لي خالد دفع لي اسامه طبعا هوا يعرفه من قبل وخطط معاه في كل شي وحكا خالد مع واحدين يعرفهم راجل ومراه يديرو رواحهم هل اسامه وأجر شقه عساس يسكنو فيها ومتاعتهم وهيا اجار ومن ضمن الخطه طبعا واضح مافيش أهل يرضو بي ولدهم يدير هك لذلك الي جاباهم اسامه مزيفين وحكالهم خالد كيف يحكو بي احترام هدي برضو خطوه بس لما خالد عرف إنه عرس مؤيد هنا قرر يستخدم خطه جديده بي حكم إنه عارف من قبل في عداوه بين جد سجى وجد مؤيد قرر يدخل العيلتين في بعض وقرر يقول لي اسامه يحدد الفرح في نفس يوم فرح مؤيد نفس الساعه نفس الكوافيره الي بتعديلها نفس كل شي وقرر وقاله ما تقراش فاتحه وصار زي ما خطط بالضبط لعند صار الي صار قدام عينكن هدي كلها خطة خالد عشان ينتقم من سجى ع رفضها لاه وهكي يخلي عيلة سجى يحسابو إنه عيلة مؤيد هما مخططين هك عشان العداوه الي بينهم وفي نفس الوقت يخلي عيلة مؤيد يفكرو نفس الشي في عيلة سجى وفي نفس الوقت اتفق مع اسامه يطلق ورد طول بس قاله ثاني يوم الصبح عشان يحطو اللوم ع مؤيد ويصير اشتباكات وحسس وعرايك كبيره هدي كانت خطه خببببيثه من خالد وطبعا هدا كله من قهره ع سجى والي عارف أنه مش ح تكون لاه لذلك حب يقرها اول شي خسرها عيلتها وتقتهم فيها ثاني شي زوجها من واحد طائش متاع بنات هوا هك شايف مؤيد في نظره ثالت شي حقده ع باتها وحسده عشان فلوسه خلاهم يخشو في حرب مع عيلة مؤيد هدا كله تخطيط خالد نتمنا تكونن فهمتن عليا...