#للكاتبه_ژوژو_الطشهه❤🔥
#انتقام_عائلتي
#الحلقه_13
#لايك_قبل_ما_تقري_وتعليق_بعد_تكملي❤🔥
عند الاء خشت جوا لي دارها انصدمت وفتحت عيونها بي صدمه وقعدت ترجف من الشي الي شافاته كانت ميس تحط في حاجه في كيس اسود ومنظر الحاجه يخوف
الاء بي خوف :شنو هدا
ميس فتحت عيونها بي صدمه وقعدت ترجف من الخوف :ش ش ش شي
الاء بي عصبيه : قتلك شنو هدا وليش خفتي هدي
ميس قعدت تبكي :شي قتلك شي
الاء بي عصبيه :مدي الكيس خير ما نلمهم عليكي
ميس بي خوف :لا الله يربحك يا الاء
الاء خدت منها الكيس بي القوه وشافت حاجه زي الربطه منظرها يخوف جسمها رجف بي خوف
الاء بي صدمه دموعها ينزلن :سحر صح سحر يا ميس سحر حرام عليكي شن دارلك ليث
ميس تبكي :نحبه يا الاء نحبه وكلكم عارفين حتا اعترفتله هزبني وفكرة إنه يكون لي غيري مش راضيتها عشان هكي قررت نلجأ للسحر مالقيتش حل غيره والله نموت فيه مانتخيلش حياتي بدونه 😭😭😭
الاء بي صدمه وعصبيه :حسبي الله ونعم الوكيل فيكي ليث شن دارلك طول عمره يعتبر فيكي زي أخته هكي تعامليه تسحريه في يوم عرسه وصلت بيكي لعند هنا مدام اعترفتيله ورفضك ليشششش هكي اديري ليش بس حرام عليكي
عند سجى قالت لي تالين توا نجيكي نشوف الاء ركبت لي دار الاء وقعدت تسمع ومصدومه خشت فتحت الباب بي قوه وشافتلهن
ميس شافتلها بي خوف
الاء بتوتر :نعم سجى
سجى بي عصبيه قدمت من ميس وعطتها كف يرن رن طبعا سجى الجو هدا شورها قدعه 😂😍
ميس انصدمت وحطت يدها ع خدها
سجى بي عصبيه :ما نسمحلكش بكلللل اضري صاحبتي وتسحريهم وتخليه يكرهها عشان يتزوجك توا تشوفي كان ما فضحتك ما يكون اسمي سجى يا حقيره خافي ربي بعدين لو ما يبيكش مش نهاية الدنيا رآه خافي ربي حسبي الله ونعم الوكيل فيكي كيف تشركي بي ربي وتلجيئي للسحر أنا لعند توا مصدومه فيكي بجد بس وربي وربي لو حاولتي مره اخرى تجي شور ميس تشوفي فاهمه وانا ما نهددش بلاش
الاء ساكته ومتحشمه ع عملة بنت عمها
ميس تبكي :اسفه والله ما عاد نعاودها بس ما تخبرنش حد ارجوكن والله بابا يموت ويرقا عليك الضغط ما يتحملش وماما نفس الشي والله خلاص رديت لي عقلي ارجوكن ما تخبرنش عليا 😭😭ربي يهنيهم ح نحاول ننساه بس ارجوكن خلاص
سجى شافت لي الاء
الاء تنهدت :اسمعي توا تطلعي من الحوش هدا كله ورجلك هنا ماعش نبي نشوفها تنسي إنه عندك بنت عمك وعيلة عم بكلللللللللللل وسحرك تشيليه معاكي خليها تفكه ورررررببي يا ميس نسمع عليكي شي هك ولا هك الا ما نبلغ فيكي حتا الشرطه مش عيله بس توا اطلللللعييي اطللللعي
ميس طلعت تجري لبست عبايتها وقالت لي وحده من بنات عمها توصلها للسحاره قالتلها ما صارش من السحر فكيه ودفعتلها فلوس وقالت لي بنت عمها حطيني في حوشنا تعبانه صدقتها وحطتها خششت دارها منهارة وتعيط وكسرت الدنيا كلها وحمدت ربي أنه ما خبرنش وتوا كيف رجعت لي وعيها وقررت اتوب وتنسا ليث قعدت تصلي وتدعي وتستغفر وتقرا قراءان وعدت عليها ليله صعبه بكل....
*****
أما عند الاء وسجى
الاء بي تركي :اسفه سجى نيابة ع بنت عمي بس ارجوكي ما تقوليش لي تالين وتخربي عليها ليلتها انسي الموضوع وانا نوعدك ماعش تعاودها لأنه نعرفها ميس كويس نوعيتها خوافه وتوا شفتيها كيف مصدومه وحست بي غلطها لأنه كانت تتصرف بدون عقل وبي حقد بس
سجى تنهدت :تمام ولا يهمك هيا ننزلو لي تولي
نزلن لوطه لقن تالين واتيه
تالين :وين مشيتن خليتني بروحي
سجى :جينا يا قلبي هيا خلاص توا نولع الاغنيه وخشي
ابتسمت تالين شوي والاء عدت ولعت اغنيه حلوه وطلعت تالين وقعدت تمشي وابتسامتها ع وجهه ومشيتها حلوه واثقه من نفسها والكل يشوفولها بي انبهار ❤️
وسجى تقرا في المعوذات في سرها (ونعم الصحبه الصالحه 🥺)
قعدت ع المسرح والكل يشوفولها نص فرحان نص مصدوم نص حاقد وحاسد المهم جنها سجى والاء مصبيات معاها
(طبعا جايبين صاله متحركه يعني في حديقة اهل ليث ❤️)
*****
بدا العد التنازلي مزال حلقتين فقط واتم الروايه تفاعلن خلاص والي ما عمرهاش علقت تعلق ع الأقل في الحلقتين هدينه 🥺❤️..
والله يا بنات من قلبي مش مسامحه أي وحده تقرا وما تتفاعلش لأنه نتعب ونضغط ع نفسي نكتبها بدات في رمضان مافيش وقت نكتب فيها في وقت متأخر بكل وصعبه الكتابه وترتيب الأحداث والأفكار بجد لو تشوفن معاناتي تتفاعلن ميتين مره 😂😍بس عادي عادي مش واجد عليكن مهم تفاعلن حبيت تفاعلكن الأيام هدي وتعليقاتكن الطويله وتحليلاتكن للحلقه بجد نفرح بعد نشوف هكي خودن بوسه 😂😍 وما تنسنش تدعلي معاكن ديما بس اهم شي من قلبكن ايووووه 🔥😂..
*****
عند ليث مصبي مع علاء
ليث :شن منظري تمام
علاء :تي يا راجل قتلك ميه ميه والله طرف ع قولة البنات 😂
ليث :نزيد العطر
علاء يكح :يرا نعرف خناق العرايس يجي للبنات مش الشباب ارخي روحك والله ميه ميه شرقتني بالعطر الشيشه كلها بخيتها والله وطالع منور بكل
ليث ضحك
ليث كان لابس بدلة العرسان نقوللها أنا رآه ما نعرفش كان عندها اسم ولا لا 😂
مهم لونها اسود وقرواطه بيضه وكندره سوده ومخفف من اللحيه وداير شعره بي طريقه تجننن والعطر الي مغرق روحه بيه تغريق المهم أجمل ما تشوف عينك 😭😭😍😍😍😂 طرف بكللل طالع
رنت الاء عليه
الاء :ليث هيا خش
ليث ابتسم :تمام
سكر منها وشاف لي علاء
ليث :باي يا عازب
علاء شافله بي ضحكه :الله الله يا دنيا طريقك بيضه يا سي ولا نقولك ليلتك بيضه 😉
ليث ضربه ع يده :عدي للشباب هي وما نوصيكمش ع الزفه نبيها زفه ما صارت
علاء ضحك :تي من عيوني ما توصيش
ليث ابتسم وخش قرب من الصاله طلعتله الاء
الاء :نجكلي غزاالل😍😍🤤
ليث ضحك :هيا نخش
الاء :اها خش
خش ليث والاء وراه والكل يشوفوله كان يمشي في مشيه تهبل وكتوفه ينهزن معاه نعليا نحبها المشيه هدي😍😂
وصل فيها وشافها جبهته بي توتر لما شافها كانت واو طالعه تحفه ليث يشوفلها ومبتسم بي انبهار
ليث قرب منها وهيا ناضت باس راسها بي حب
كلهم يشوفولهم مبتسمين
تالين وجهه احمر ابتسمت
ليث : مبروك علينا
تالين :الله يبارك فيك
ليث :طالعه دمار
تالين وجهه احمر :امم وانت حلو
ليث ابتسم وعرفها منحرجه قعد يالاها شافها متوتره وترجف حط يده ع يدها لقاها ثلجه :اوف ليش هدا ارخي روحك ما تخافيش
تالين ابتسمت بي امان وراحه : حاضر
ليث ابتسم
جتهم الاء :هيا نصوركم
ناضو وقعدت الاء اديرلهم في لقطات حلوه
سجى كانت قاعده ع اول طاوله جيهة المسرح لابسه عبايتها ووشاحها عشان ليث قاعد وماسكه روحها بالغصب ماتبيش تبكي واخيرا شافت صاحبتها فرحانه واختارت الشخص الي تبيه والي يناسبها ❤️
بعد صورتهم ليث مسك يد تالين :خلاص هيا
الاء ابتسمت :هي
جتهم ام ليث حضنت ليث بي فرحه ودموعها نزلن :ربي يسعدكم ويهنيكم يا وليدي ليث ابتسم: إنشاءالله
حضنت تالين :ربي يهنيكم بنيتي
تالين ابتسمت :يارب عميمه
ام ليث :دير بالك منها ليث حطها في عيونك
ليث ضحك وابتسم:ما توصيش يا امي بس مفروض توصيها عليا أنا ولدك
تالين ضحكت
ام ليث :حتا تالين بنيتي
تالين ابتسمت ودمعتها نزلت كانت تتمنا امها عايشه وعاشت معاها اللحظه هدي
ليث حس عليها ضغط ع يدها بي حنيه وحب بي معنى أنا معاكي
تالين ابتسمت بي راحه
طلعو مع بعض وهما ماسكين في ايدين بعض والاء اديرلهم في فيديو وطلعت سجى وراهم وصلو يالا مكان العروسه الي ع الاستقبال
جت سجى وقعدت تبكي حضنت تالين:ربي يهنيكم يا عيوني توا نجيكم وتجيني وكان درتي تيلفون رني عليا 😭❤️
تالين دموعها ينزلن : حاضر يا قلبي اكيد هدا مستحيل نخليكي 🥺
ليث مبتسم
الاء :دموعك يا بنت خربتي المكياج
تالين ضحكت
سجى :باي
سجى حطتلها الكاب غطتها بيه
طلعو وهوا ماسك في يدها بي حب وخوف كأنه خايف اضيع منه وفرحان بكللل وهيا نفس الشي مافيش انظف واطهر من حبهم الي انتها بي حلال وكان نظيف ونيه صافيه وقلوب متشابهه ❤️🥺
ركبها الشارع وركبو صحابه وشباب العيله السيارات ووراهم يبيبو ويفرغو والعاب ناريه وتمتيع بي السياره فعلا كان كيف ما يبي زفه تجننننن بكللللل ❤️😍🔥🔥
وهوا مولع اغنية ه المره قليبي طاح وماسك في يد تالين الي لابسه الكاب ومبتسمه بي فرح
أنت تقرأ
انتقام عائلتي
Mystery / Thrillerشن ممكن يديرو عائلة عشان ينتقمو وهل الانتقام يفيد أو لا تابعن الروايه وح تفهمن كل شي ♥️
