#للكاتبه_ژوژو_الطشهه❤🔥
#انتقام_عائلتي
#الحلقه_7
#لايك_قبل_ما_تقري_وتعليق_بعد_تكملي❤🔥
الساعه 5 العشيه ناضت سجى لقت مؤيد راقد ع الصالون الي مقابلها شافتله وناضت ع حيلها وهيا مضايقه
هوا فتح عيونه ع حركتها شافلها وناض من مكانه وشافلها بي جديه :توا نبيك تحكيلي كل شي كل شي سبب زواجك ومن شاكه فيه دار هك لأنه ضروري نعرف عشان نعرف كيف نتصرف
سجى تنهدت وبدت تحكي ومؤيد يسمع ومصدوم ومش قادر يصدق نهائيا
سجى حكتله كل شي من بداية أول ما اعترفلها خالد لعننند اخر مكالمه بينهم الي هددها فيها
سجى تحاول تمسك دموعها وما تبكيش يالاه لأنه ما تحبش تبين لي حد ضعفها
مركز بي صدمه :كيف هكي معقوله يدير هدا كله عشان بس رفضتيه
سجى هزت راسها :حقير بكل ويدير أكبر من هكي ولد خالتي ونعرفه
مؤيد :وانتي عليش رفضتيه
سجى بي تكشيخ (تكشير): ما دخلكش 😒
مؤيد طارتله :رآه ماسك روحي عليكي بالغصب
سجى ناضت تشوفله بي غل:عساس أنا ميته عليك يعني اقعد فيها هي
ركبت فوق للدور الثاني لقت دار فتحتها طلعت فعلا هيا دار النوم خشت فيها وقعدت ع السرير وهيا تهز في كراعها بي غل
سجى بي رفع حواجب : مستفز هدا كان قعدت معاه أكثر من يومين يا يقتلني يا نقتله 😡
(طبعا زي ما قتلكن في الحلقه الأولى سجى لسانها طويل بكلللللللللللل وجوها سمحح وشخصيتها قويه وعصبيه نوعا ما يعني فرفوشه بكل بس بي حكم كل الحلقات الي فاتن ما كانش في مجال نبين ع شخصيتها الحقيقيه وهك لأنه بي الظروف الي مرت فيها ما قدرتش نسرد شخصيتها الحقيقيه من تهديد ولد خالتها لي موتة صاحبتها لي خذلان اهلها لي زواجها هدا كله ما خلانيش نعرف ع شخصيتها الحقيقيه ومن حلقة اليوم ح تبدن تفهمن شخصيتها وشخصيتها حلوه بكل واحلى حاجه لسان طويل 😂🔥)
مؤيد بي صدمه :وانا الي أول ما شفتها نحسابها هاديه وخوافه 😳 لاكن ماشي مش ع مؤيد الكلام هدا
طلع برا الفيلا وهوا طايرتله ركب سيارته وقعد يلف يلف يلف اخر شي نزل ع كافي طلب قهوه وقعد يشرب فيها ويدخن وروق شوي وقرر يقهرها اليوم جت في باله فكره يديرها 🔥😂
******
طبعا يا بنات زي ما اتفقو اسامه وخالد ع الساعه 4 قبل ساعه جاء اسامه لي خالد عطاه فلوسه واسامه طلع من المنطقه الي قاعدين فيها وقعد في فندق لأنه بكرا طيارته بيسافر ...
وخالد قاعد في حوشهم بي كل برود وفرحان أنه الي تمناه صار ومش متوقع أنه سجى عارفه إنه هوا وراه الشي هدا ...
*******
الحاج مسعود وعويله عدو لي حوش أهل ورد وقالو نطلبو ورد من جديد عشان ممكن يلطفو الي صار بس صدموهم هل ورد لما قالو نحنا ماعش نبو نسبكم ومستحيل نعطوكم بنتنا وماعش نبو يصير بينا اي كلام واقطعو الجيرا الي بينا روحو هل مؤيد مضايقين مؤيد ما دخلاش حتا هوا كيفه كيف ورد بس أهل مؤيد قالو هيا بنت ووضعها حساس وهك لاكن خلاص هدا الي طلبو هك ف هما احترمو رايهم وروحو خبرو الصبايا اضايقن لأنه كانو جيران مع بعض وهك المهم يا بنات ورد خلاص مش ح نجيب عليها لأنه يعتبر دورها في الروايه تم بس في شي ح يصير مع الحلقات لاه علاقه بي عيلتهم **...
*****
اما في فيلا ليث طلع ليث عشان يشوف مستشفى كويس يبدا فيه شغله وهك ك بدايه بعدها مقرر يأسس مستشفى بروحها وهك لأنه توا يعتبر طالب دوبه متخرج مزال في تدريبات وحاجات هك قبل لا يبدا في مجاله لذلك قرر يشوف مستشفى كبير يبدا فيه وبالشوي بالشوي يطور من نفسه ويدير مستشفى خاص بيه وبي اسمه ♥️
أما في حوشهم قاعدات اميره ومعتصم وامه والاء أخته يهدرزن الاء وأمه واميره ومعتصم بعيد عليهن شوي يحضر في مباراه
امه تشرب في القهوه :بكل ليث يحب مجاله جدا ندكر فيها ايام الشهادة الثانويه ما يطلعش من الدار بكل إلا مثلا عشاء ولا غداء نطلعوه بالغصب ولا لما يصلي بس كان هدا ديما يقرا لعند جاب نسبه عاليا وخش لي مجاله
اميره ابتسمت وقلبها يدق مجرد ما يجيبو سيرته وكل يوم إعجابها بيه يزيد أكثر واكثر : ماشاءالله
معتصم بي ضحكه :كان سوس متاع قرايه 😂
كلهم ضحكو
فجاء خشت عليهم ميس تتمايل لابسه سروال ضابط اسود ومعاه قميص احمر ومكياج فاقع وروج دمي ووشاح اسود وعطر وتمضغ في مستكه 😒
ميس :هااااي
معتصم في سره "جت الدبانه😏"
الاء ابتسمت مجامله :هايات
فوزيه أمه :اهلين بنيتي تفضلي
اميره ابتسمت :اهلين بيكي
ميس شافتلها وشقلبت عيونها ع اميره تقول ماش فيها جن😂
اميره استغربت بس ما دورتش
ميس :تشربو قهوه بدوني
معتصم داير روحه يبصر :شن نرجوكي لعند تجي نحلمو بيكي مثلا
ميس تتجعون:ههههه والله يا عصومي جوك حلو بكل
معتصم يقلد في ضحكتها :هههه سلمك
الاء ميته ضحك هيا وامها وميس انحرجت طبعا اميره ماسكه ضحكتها 😂
ميس :😒😒 وين ليث
الاء شافت لي معتصم بي نرفزه
فوزيه :عدا عشان يشوف مستشفى
ميس بي فرحه :واو ح يقعد دكتور ح نرفع راسي ونقول ولد عمي دكتور
معتصم:سوووبحان الله 😒
الاء تضحك
وكملو هدرزه ومعتصم شادها ع ميس
*****
عند سجى كسدت بروحها في الدار وعارفه أنه مؤيد طالع طلعت من الدار وقعدت تتفحص في الفيلا عجبتها كانت مريحه واثاتها مريح طبعا مش احلى من القصر متاعهم بس سجى ما كانتش ماديه ابدا تحب البساطه ♥️
كانت لابسه قميص جابه لها مؤيد لونه اسود ومعاه سروال ازرق بوي فريند ولابسه وشاح اسود بس محطوط حط ومنظرها كيوت بكل قاعده تشوف في الفيلا لعند نزلت لوطه واخر شي خشت للمطبخ فتحت الثلاجه وعيونها قلوب
سجى :من قبل خاطري نتزوج عشان ثلاجة العرسان بس 😍😂
طلعت الشوكلاطات وحطتهن في صحن وصبت عصير وعدت للصاله حطتهن ع الطاوله وجابت الريموت ولعت التلفزيون وطلعتلها اول قناه دبي لقت فيها مسلسل قعدت مكسده تحضر فيه طبعا هيا لعند توا مزال ما فتحت تيلفونها
******
هكي فات باقي الوقت عادي ع الكل لا جديد يدكر...
مؤيد مزال ما روح وسجى مكسده بروحها ..
أنت تقرأ
انتقام عائلتي
Misterio / Suspensoشن ممكن يديرو عائلة عشان ينتقمو وهل الانتقام يفيد أو لا تابعن الروايه وح تفهمن كل شي ♥️
