انتقام عائلتي

الحلقه 5

#للكاتبه_ژوژو_الطشهه❤‍🔥

#انتقام_عائلتي

#الحلقه_5

#لايك_قبل_ما_تقري_وتعليق_بعد_تكملي❤‍🔥

(لو تفاعل يقعد نازل ح نطرا إني أنزل الحلقات يوم بعد يوم مش عشان إنه التفاعل ضعيف لا لأنه لو التفاعل الحلقه الي قبلها كان قوي والي بعدها يكون ضعيف معناها إنه الحلقه ما وصلتش للكل فهمتن عليا ؟ عشان هكي لازم تعلقن وتتفاعلن كلكن عشان توصل للكل وانزل فيها يوميا أنا من حلقه 1 لعند حلقة اليوم الي هيا 5 أنزل في الحلقات يوميا بس نبيكن تتفاعلن عشان تتطلع للكل مطلوب منك تعطي رأيك وتوقعاتك ع الحلقه وتعلقي ع قد ما تقدري من ملصقات عشان تطلع للكل اسفه طولت عليكن بس التفاعل مهم جدا وبي خاصة قروبي الاول سكروه ليا لأنه كان متفاعل بكل وهدا قروبي الثاني وعليه ابلاغاات والحلقه بي صعوبه تتطلع للكل فلذلك نبيكن تساعدني عشان يقوا مش تقري وتعدي بليز يا بنات  طلب وليس أمر وبالنسبه للحلقات ح نحاول نطول أكثر لأنه رمضان وصعب مافيش وقت أما قبل حلقات رواياتي طوال بكل 💛..
****
نبدو الحلقه في الحلقه 4 قلت بعد مرور 5 ايام ووقفت
توا بنحكيلكن شن صار في ال 5 ايام هدي ...

"سجى اليوم الي عساس قروه في فاتحتها ما صارش وما انقرتش الفاتحه ؟ ليش لانه في نفس اليوم في العشيه جاب اسامه الي هوا نفسه الي كدب ع سجى ودار روحه مصوره معاه جاب امه وباته وحكالهم كل شي وهما عدو خطبوها من بات سجى الي أنصدم في أسلوب واحترام أهل اسامه وقررو يقرو الفاتحه في نفس يوم العرس عشان توا اسامه بان كيف أنه ندم وجاب أهله وقرر يصلح غلطه طبعا لو في غلطه من الأساس اصلا 💔 كله ظلم وكدب بس اهو باتها مصدق المهم سجى بعد عرفت حست بي راحه شوي وقالت ممكن خلال ال 5 ايام هدي نقنع اهلي ونقوللهم الحقيقه بس الي صار خلال ه ال 5 ايام باتهت رافض يشوفها نهائيا وامها تجيبلها تاكل في دارها ومرات يدزولها مع الخدامه وامها كل يوم تطلع تشريلها في دبشها وحاجاتها عساس الي هنا متاعات الفرح وهكي مرن ال 5 ايام ع سجى تبكي ومقهوره ومصدومه ومش مصدقه تشوف في دبشها وكل يوم تنهار أكثر من الي قبله 💔💔"

****
"أما عند ليث واميره خلال ال 5 ايام هدي قدرت اميره تعرف كل شي ع ليث وكان معاها راجل وشخص يخاف ربي صح ليث مش ملتزم بس يعرف حدوده كويس وهيا نفس الشي ما سلحتش وشاحها قدامه نهائيا خاطي المره الي شاف شعرها في الليل بس وهوا كان يطلع مره مره يلف بالسياره مرات يجي العشيه ومرات يطلع شوي ويرد يقعد في الصاله وهيا تقعد في الدار مهم ما احكتوش بي بعض واجد بس ليث كان حاسس بي اعجاب كبير اتجاهها احترامها وخجلها وكل شي لها عفوي بس يمنع في الشعور هدا لأنه يقول هدي خلاص ح تتدكر وتمشي لي أهلها عشان هكي يحاول بي قدر الإمكان يبعد وما يفكرش فيها وهيا كان كل همها تدكر بس وتبكي كل ليله 🥺💔"

******
"تعالن نجو لي مؤيد خلال ال 5 ايام هدي كانت الفيلا مقلوبه قلب بي الأقارب من خواله وخالاته وعويلهم وبناتهم وجيران واقارب من بعيد طبعا وعماته بي استثناء عمامه الي طبعا ساكنين معاهم نفس الفيلا المهم نفس اليوم الي خطب فيه ثاني يوم ردو عليهم بالموافقه ومؤيد قال لا يبي خطوبه لا شي عشان هكي حددو العرس بعد 5 ايام وكانت هيا تشري وتجري توتي في روحها وطبعا مؤيد عنده فيلا صغيره في نفس الفيلا متاعت عائلتهم الحاج مسعود شارط ع احفاده كلهم يسكنو معاهم بس كل واحد بي فيلا متاعه وكان مؤيد موتيها من قبل سنتين بس ناقصها حاجات كملهن مهم الاذاعه والعه وجو بنات العيله وأجواء الفرح قائمه عندهم والكل فرحان ما عاده ملاك الي حست إنه خلاص ح تعيش جسد بلا روح الشخص الوحيد الي حباته بيزف غيره وفي نفس الوقت الشيطان يوسوسلها ما تستسلمش وتسيبه لها والشخص الثاني هوا مؤيد كل ما يقرب موعد الفرح يحس بي توتر وخايف يظلم بنت الناس معاه وهوا قلبه مزال مجروح ومش قادر يخشش انسانه جديده لي قلبه ويحب بس قال هدا انسب حل عشان ننساها 🔥"
*******'
"اما عند عيلة ليث قاعدين يستنو في ليث ع نار وحسو إنه في شي غريب بس ما اهتموش واجد لأنه يكلم فيهم كل يوم وميس ترجا فيه امتى يجي عشان تعترفله بي حبها 😒