*توقف على بوابة العوامة يعقد ذراعاه وينظر لهما وعلى شفتاه ابتسامة باردة وقال بصوت ساخر:
_أنا أعرف لما الست تكون تعبانه و عايزه ترتاح أو حزينة وعايزه تعيط يبقي مفيش أحن من صدر جوزها تيجي تحط رأسها عليه...مش صدر راجل غريب ولا أنا غلطان يافنان.
*التفت كلاهما الي صاحب الصوت. شهقت كاميليا وابتعدت عن غيث وهي ترتجف وتهمس:
_راجح.
*بينما تكلم غيث قائلا بهدوء مشددا على كل حرف يقوله وهو يقترب من راجح:
_أنت ايه اللي جابك هنا؟
*فتح راجح ذراعه علي مصراعيهم وأقترب من غيث وهو يضحك ضحكة شديدة الاستفزاز قائلا:
_أظن اللي جابني هنا مراتي اللي كانت من شويه حطه راسها علي صدرك وانت بتوعدها انك مش هتتخلي عنها والله عيني دمعت اصل انا قلبي ضعيف اوي بعيد عنك.
*بتقزز وملامح مستنفره وعينان رمادية مشتعلتين هتف غيث بغضب:
_كويس انك جيت وفرت عليا اني أروحلك اصل انا كنت عايزك عشان...
*قاطعه راجح وهو يسأله بمكر:
_عشان ايه ياتري؟
_عشان اضربك..
*بلمح البصر اجابه غيث وهو يكور قبضته ويلكمه بقوة بجانب فكه...صرخت كاميليا وهي ترتجف و
تمسك بذراع غيث لا اراديا منها وقالت ببكاء:
_غييييييث بلاش.
*أمسك راجح بفكه وظل يحركه يميناً و يساراً وهو يتألم وقال بغضب مخفي:
_بلاش ياغيث... ع الاقل مثلي يانجمة النجوم إنك مفجوعه عليا بس ازاي وانتي في حضن حبيب القلب يا******.
*شهقت من لفظه الخارج الذي اتهمها به وصرخت في وجه:
_أخرس يا واطي انا انضف منك ومن اللي زيك.
*وكأنها استمدت من وجوده القوة والأمان..اقترب خطوتين ووقف ٱمامه يرمقه وبرغم ثورته الشديده
الا أنه احتفظ ببعض الهدوء لأن شخص مثل راجح مستفز يسعي الي خلق الأخطاء:
_الكلمة القذرة اللي انت قولتلها ديه هحسبك عليها بعدين...طلقها وأبعد عنها.
*إنحنا حاجبا راجح بسخرية واقترب من كاميليا التي تقف في أرضها متسمرة وجذبها من خصرها أمام عينان غيث المتوهجة بنيران الغيرة وقد لمح راجح ذلك بهما فازاد من ضمها وهي تحاول ابعاده
بقوتها الضعيفة ولكنها لم تستطع:
_أطلقها بالسهولة ديه...يظهر انت متعرفش انا عملت ايه عشان أعملها كاميليا زيدان اللي وقفه قدامك و
بعدين انا مقدرش استغني عن روح قلبي ولا ايه ياكامي.
_أبعد عني..بكرهك.
*صاحت من بين أسنانها وهي تدفعه وأكملت بصراخ:
_طلقني ياراجح وهتنزلك عن كل حاجه كتبتها باسمي عن المؤخر بتاعي مش عايزاه بس طلقني.
*هز راجح راسه بتلك الابتسامة المستفزة التي تعتلي شفتاه وهو يشعر بتسلية لذيذة تسعده وترضي غروره..دموع كاميليا وهي تترجاه وغضب غيث العاشق جلس علي احدي المقاعد وابتسم وهو يرمق الطعام الذي فوق الطاولة قائلا:
_شكل حماتي كانت بتحبني وكمان مجهزلها الفطار ده شكل الفنان واقع لشوشته ياتري مدام نهال عندها علم هي كمان بقصه الحب العنيفة ديه ده ولا شغل السيما.
*تنهد غيث وضرب الطاولة لتسقط أمام راجح وقال بحزم شديد وهو يضم شفتيه:
_متدخلش في اللي ملكش فيه فاهم وطلقها لو في عندك ذرة كرامة والا انا اللي هقف في وشك ومش
هسيبك الا لم ادخلك السجن بأيدي .
*هز راجح اكتافه ونهض من مكانه بهدوء وهو يقول ببساطة:
_تدخلني السجن ليه هتعمل ايه؟
*وبنظرة من عينيه يقتنصها كادت ان ترده قتيلاً هتف غيث بخفوت شديد:
_أنت فاكر اني ماعنديش علم بشغلك القذر التاني تبقي عبيط ياراجح سلطان انا برود غيث السالم وعندي مصادري الخاصه.
*انحسرت ابتسامته وبصعوبة نطق راجح بنبرة متحشرجة:
_أنت بتقول ايه..ايه الكلام الفارغ ده.
*بعينين مغشيتين بأغلال من العبرات لم يسمح لها بالهطول مهما كلفه الثمن نظرت له باستغراب فأوما له براسه حتي تطمن..ابتعلت ريقها ورمشت بعينيها وكأنها تستفيق من سبات عميق:
_هاااا قولت ايه ياراجح بيه هطلق بالتي هي أحسن ولا هتخليني ألجئ لأساليبك القذره ونلعب مع بعض
لعب انت مش هتقدر عليه.
*فرك راجح جبهته ثم ارتشف من كوب الماء الذي أمامه وقال بتلجلج:
_أنا مش عارف انت بتتكلم علي ايه؟ بس انا بردو راجح سلطان ومش بتهدد ياغيث.
*وقال لكاميليا بنبرة حازمه وهو، يجذبها من ذراعها:
_امشي قدامي.
*هتف غيث مجدداً بجزع وغضب وهو يبعد يده عن يدها:
_كاميليا مش هتخرج من هنا غير وانت مطلقها.
*بدا عاجزاً عن الكلام وهو يزم شفتيه بقسوة لأول مرة في حياته يكن هو المغصوب وليس الغاصب و
يقف في موقف الضعيف المتخاذل...ولكنه أبى عن
الاستسلام وقال بغل:
_اخرج منها وانا هتفاهم مع كاميليا علي كل حاجه وبعدها هتبقي عندك اشبع بيها.
*رفع إليها عينين غاضبتين وهو يشدد باسنانه على شفتيه يحذرها...عادت عيناها تتجولان علي راجح الذي بدأ متوتر بشدة ثم عادت إليه من جديد وساد الصمت بينهما للحظات لتهز رأسها موافقه ببطئ:
_أنا هاجي معاك وهنتفاهم زي مابتقول بس مش هسمحلك تضحك عليا زي كل مرة يا راجح فاهم.
_هستناكي بره.
*هتف راجح وخرج مسرعا وكل مابه يرتجف غضبا:
*قال غيث بقلق وهو يقبض علي راحتيها:
_كاميليا بلاش تروحي معاه خليكي هنا وغصب عنه هخليه يطلقك.
*هزت راسها له تبتسم وهمست واناملها تطبق علي كفيه:
_متقلقش أنت عرفت ازاي تكسر راجح وتخوفه بس الكلام اللي بتقوله ده عرفته ازاي.
*التفت ينظر خلفه ليلمح راجح يتحدث بهاتفه وبدا علي ملامحه التوتر والغضب الشديد فقال بعنف:
_للأسف عرفت متأخر اوي وصدفة ومعنديش اي دليل عليه بس كان لازم امسكه من ايده اللي ممكن
توجعه.
*لم ترد عليه..بل التوت شفتاها في شبه ابتسامة ساخره حزينة مما جعله يقترب منها اكثر ويهمس بحرارة وغضب:
_كاميليا انا خايف عليكي منه ده واحد حيوان مالوش امان وممكن يغدر بيكي.
*غامت عيناها وهي تلامس وجنته وتقول بصوت متأثر بالعشق:
_متخفش عليا وأطمن انا حاسه ان المرادي غير كل مره.
*تنفس و ذابت عيناه عشقا وهو يتطلع إليها ثم شاب نظراته بعض الاحباط وهو يقول:
_خدي بالك من نفسك.
**********************
_برافو ياهاني صور هايلة.
*قالت نهال بلهجة سعيدة واخرجت من حقيبتها مبلغ مالي ووضعته أمام المصور المستأجر فقال الشاب بابتسامة واسعة:
_تؤمريني بحاجه تانيه يانهال هانم كاميراتي تحت أمرك.
*هزت رأسها وهي تميل بجذعها وتسند ظهرها الي الوراء قائله بتفاخر وكأنها قامت باحدي انجازاتها العملية:
_لا انت كده خلاص دورك أنتهي جه دور صحبك الصحفي اللي قولتلي عليه.
*نظر هاني إليها وهز راسه موافقاً:
_تحت امرك هو جاهز لكل اللي هتقولي عليه.
*تكتفت نهال وهي تقول بحاجبين معقودين:
_فضيحة كبيرة للنجمين غيث السالم و كاميليا زيدان وعلاقة مشبوهة ومحرمة تنتهي باليالي حمراء بعوامة نيلية بالمنيل..
*تنهدت بابتسامة هادئة تكمل:
_والصور ايه خير دليل علي كلامنا عايزه الاخبار ديه تنتشر في كل مكان مجلات جرايد تويتر فيس
بوك انستجرام علي كل مواقع التواصل الاجتماعي عايزه فضيحة كبيرة قبل عرض الفيلم وخصوصا في المهرجانات لازم ينتهوا فاهم.
*اتسعت عين هاني في ذهول وهو يقول:
_بس حاجه زي ديه مش هضر بس كاميليا زيدان دي هضر كمان الاستاذ غيث وممكن تنهي مشواره
الفني كله ده جو......
*التفتت برأسها وصاحت بحزم:
_ديه حاجه متخصكش اعمل اللي قولتلك عليه من غير كلام كتير مش المهم تقبض انت وصحبك في الاخر.
*تنحنح الشاب وقال بخفوت:
_عندك حق...عايزه الكلام ده يتم امتي.
*اخذت تدق فوق الطاولة بأظافرها المقلمة بعنايه دقائق من التفكير لترفع حاجبها وتقل:
_يومين والأخبار ديه تغرق الدنيا كلها.
*ونظرت له وهتفت بملامح متوعدة مخيفة:
_إياك..إياك حرف من اسمي يجي في الموضوع ده هدمرك أنت وصحبك فاهم.
_فاهم متقلقيش كل حاجه هتم زي ماحضرتك عايزه.
*دمدم الشاب الذي ارتجفت اطرافه من تهديد نهال المخيف انها سيدة مخيفة شريرة تتسبب بأذي أقرب الناس إليها زوجها التي تزعم عشقها له وهي من الد اعدائه:
*عادت الي الفيلا وهي سعيدة بانجازها الشيطاني الذي سيدمر كاميليا زيدان وينهي مشوار غيث الي
الأبد ولكن فرحتها لم تكتمل عندما اخبرتها الخادمة قائلة:
_نهال هانم أستاذ مدحت المحامي مستني حضرتك في المكتب.
*قبضت كفها بغل ثم همست:
_لا ياغيث لا.
*ودلفت الي غرفة المكتب لتجد محامي غيث الخاص ينتظرها:
_أهلا يامدام نهال.
_أهلا...خير استاذ مدحت في حاجه؟
*تسائلت بقلق وابتسامه مترددة فوق شفتاها:
*تنحنح الرجل ووقف أمامها يحيها ثم قال بصراحه غير قابلة لأي تجميل:
_مدام نهال انا جاي بتكليف من أستاذ غيث عشان نتكلم في حقوقك القانونية...
*قاطعته بغضب:
_حقوق قانونية ايه اللي بيني وبين غيث.
*ضم المحامي شفتاه قليلا وانتظرها حتي تهدأ من ثورتها الهائجة ليقل بعدها بهدوء:
_مدام نهال...غيث بيه قرر ينفصل عن حضرتك وانا هنا بناءاً علي طلب منه علشان اسلم حضرتك كل حقوقك الماليه قبل الانفصال.
*صمتت قليلا وهي تشرد بعيدا.....لتقول بصوت خطير:
_أنا مش محتاجه حاجه منه وبلغه انه هيندم قوله انه هيدفع تمن اللي عمله فيا ده غالي...
*نهض المحامي من مكانه حينما شعر بحالتها الغير مستقرة فقال سريعا قبل ان يبتلي فيها:
_مدام نهال ارجوكي قدري موقف أستاذ غيث هو أتراجع اكتر من مره عن موضوع الطلاق بسبب انه
خايف عليكي بس انا شايفه المرادي مصمم بدليل انه جهز كل حقوقك ياريت حضرتك تقبلي بالأمر الواقع....
_أنا صديق للعيله قبل ماكون المحامي الخاص ليهم ورايي ان الانفصال احسن قرار ليكم انتم الاتنين خصوصا بعد اللي حصل ياريت تاخدي بالك
من نفسك وتسلمي بالنصيب اولا واخيرا.
*ضحكت بتهكم والتفتت الي الرجل الخمسيني وقالت بسخرية لاذعة:
_ااه ده انت مش محامي وبس انت كمان المتحدث الرسمي للعيله هو بقا بعتك عشان تقول الكلمتين دول...
_نهال هانم لو سمحتي..
*حاول المحامي ان يشرح لها أن غيث غير مسئول عما قاله...ولكنها استوقفته بصرخه غاضبة:
_اسمحلي انت اكمل كلامي قول لموكلك غيث بيه أن نهال خلاص مش عايزاك زي ماانت مش عايزها
وانت عندك حق انا هاخد حقوقي منه علي داير مليم ورغم كده مش هسيب حقي وسنين عمري اللي قضتها معاه تروح هدر ابدا....
*قال المحامي بهدوء:
_نهال هانم مفيش داعي للكلام ده انتم في الأول والآخر قرايب.
*تبسمت بسخرية وتحركت لتجلس خلف مكتبها وامسكت بقلمها الذهبي وهتفت ببرود:
_استاذ مدحت فين الورق اللي محتاج توقيعي عليه بسرعه لو سمحت.
*قال راجح بخشونه وهو يستدير عنها:
_بتحبيه ياكاميليا.
*همست بعينين تدمعان من فرط ماعاشت به من عذاب:
_أنت كرهتني في الحب وفي كل حاجه حلوة حاولت أحبك وابقي ام منك بس أنت حتي استخسرت فيا الاحساس ده ياراجح.
*أستدار إليها وقال بقوة غاضبة:
_عايزه تفهميني ان كل اللي بيعملوا عشانك مجرد شفقة عليكي مساعدة لوجه الله انطقي قوليلي انك
بتحبيه.
*صرخت في وجه بغضب:
_طلقني ياراجح وابعد عني كفايه اللي شوفته منك حرام عليك انت عندك بنات خاف عليهم.
*امسكها بقسوة وهتف بقسوة اكبر:
_ولو قولتلك مفيش طلاق عايزاني اطلقك عشان تبقي معاه وانا اللي عملتك وخليتك نجمة كبيره الناس كلها بتتكلم عنها تسبيني عشان راجل متجوز مش هيسيب مراته عارفه ليه عشان بيحبها مش هيتجوزك....نقبك هيطلع علي شونة يانجمة.
*هتفت كاميليا بسخرية دون أن تخاف منه لأول مرة:
_متقلقش انا عارفه كل الكلام اللي بتقوله ومش عايزه غيث ولا غيره انا عايزه حريتي عايزه ارجع كاميليا بتاعت زمان وبس حتي النجومية اللي انت زللني بيها مش عايزها تغور في ستين داهيه لو انت السبب فيها.
*تطلعت فيه بعينان امرأة شرسة تشربت من قسوة الدنيا:
_طلقني ياراجح لو عندك ذرة كرامه وحده زهقت منك ومش عايزه اعيش معاك مش طايقه حتي النفس اللي بقيت بتتنفسه بعد ماكنت مستعدة ادفع عمري كله عشانك.
*فرك راجح جبهته بتوتر وكأنه لأول مرة يشعر انه علي حافة الانهيار لأول مره يشعر انه المغلوب علي
أمره وليس الغالب بالأمر:
_ولو قولتلك مش هطلق هتعملي ايه؟
*قالت بقوة يراها تشع من عينيها البريئتين بلا رحمة:
_يبقي انا بنفسي اللي هفضحك وافضح شغلك القذر هتشوف قدام منك كاميليا تانيه غير الغبية اللي حبيتك ومشيت وراك.. كاميليا انت اللي عملتها وعلمتها القسوة تبقي ازاي.
*صمت ينظر إليها بعينين تقدحان شررا ثم استدار قليلا يفكر...ليلتفت إليها بعد وقت من التفكير وقال
بضيق وهو يكز علي أسنانه:
_هتتنزلي عن كل حاجه الفيلا والعربية والمؤخر كل حاجه حتي رصيدك في البنك انا كنت السبب فيه
هتتنزلي عنه مش هتاخدي مني قرش واحد زي مادخلتك البيت بشنطه هدوم واحده هتطلعي منه بنفس الشنطه.
*كتفت ذراعيها وظلت تنظر له وهي تبتسم بسعادة
سعادة ثمنها الحرية والخلاص منه لتقل اخيرا بخفوت:
_حتي شنطة هدومي خدها مش عايزاها لو ده تمن حريتي مستعده اطلع من هنا بالفستان اللي عليا بس اخرج من قفص راجح سلطان.
*وفي اليوم التالي جلست أمام راجح توقع علي أوراق تنازلها عن كل شئ يخص حقوقها المالية لدي راجح الذي وقع هو الاخر علي قسيمة حريتها بكل
غضب....قائلا:
_بكره تندمي وترجعي زحفة تتمني يوم واحد من ايامي ياكاميليا زيدان.
*وبنفس الليلة كان غيث يوقع علي قسيمة طلاقه من نهال التي لم تذرف دمعة واحدة وكانت تجلس
باستقامة في هيئة المنتصرة علي اعدائها....
*الليلة سوف تقضي علي غيث السالم وكاميليا زيدان بعد تلك الليلة التي زارها فيها محامي غيث
سريعا ودون تردد هاتفت المصور وطلبت منه أن يسرع صديقه الصحفي في نشر ما امرته به وإضافت اليه عنوان اخر سوف يتصدر الصحف والمجلات ومواقع التواصل الإجتماعي....
_طلاق الموسم السيدة نهال فكري تكتشف خيانة زوجها النجم السينمائي غيث السالم مع نجمة فيلمه الجديد في علاقة غير شرعية.
****************************
*دق جرس الباب فابتسمت وهي تشعر بالفخر من نفسها جميلة أنيقة ناعمة كانت كذلك وهي تنتظر وصوله بفارغ الصبر...اخذت نفساً عميقاً وهي تضع
كفها فوق قلبها الذي يدق بجنون:
_أهدي يا كاميليا...اهدي.
*وما أن رمقته يقف أمامها تجمدت وهي تراه يقف أمامها مهيب الشخصية..مكتمل الوسامه رجل
في حله رائعة بعطره المميز وذقنه الملتحية.....
*اما هو فكانت ردة فعله تفوقها اضعافاً و اضعافاً انباهراً بجمالها الإخاذ ونعومتها المبهرة وانوثتها
الطاغية علي كل أنش من وجهها وجسدها الملتف برغم فستانها المحتشم الا انها كانت متفجرة الانوثة آية من الجمال...
*تنحنح بخشونة يجلي صوته الذي تحشجر داخل حنجرته وهمس وهو يقدم لها باقة من الزهور:
_مبروك الحرية.
*اخذت الورود وتبسمت بجمال مثير احرقه:
_الله يبارك فيك اتفضل.
*وتقدم ليدخل واغلقت باب شقتها الصغيره التي اشترتها من فترة طويلة في احدي الأحياء الراقية
لتتوقف فجأة عندما وجدته يتوقف هو يقل بخشونه بنبرة صوته الاجش:
_كاميليا.
_نعم.
*اجابته برقة اذابته واشعلت ماتبقي له من صبر حتي لايحتضنها ويضمها الي، صدره وكان له ما أراد فقد جذبها بذراعاه القويان بقوة لصدره العريض المريح...فتشبثت به بكل قوتها لتشعر
انه هو من إخراجها من هوتها السحيقة لترفع وجهها اليه شاكرة برقة:
_شكرا انك جنبي.
*تعالت ضربات قلبها وهي تراه يخفض وجه إليها وسرعان ماوجدت نفسها تضيع بين قبلاته الشغوفة
يخبرها بأن جوعه لها ماهو الا حالة من خطر تدق له أجراس الانذار بعشق واشتياق أليها..
***********************
*جن جنون عاطف الذي استقبل بعض المكالمات الهاتفية من بعض النقاد و الصحفيين بصفته صديق غيث السالم الوحيد وكاتم أسراره.......
*ظل يدقق بكل مواقع التواصل الاجتماعي التي تنشر الصور والفيديوهات المصوره والأخبار التي
تتصدر الصحف والمجلات والمدونات الفنية وهو يقرأ بعينان متسعة...
_نجوم الصف الأول في علاقة غير مشروعة...
_المنتج راجح سلطان يكشف زوجته وهي باحضان غيث السالم...
_السيدة نهال فكري تنهي زواجها من النجم غيث السالم بعد اكتشفها خيانته...
_ماذا تفعل كاميليا زيدان بعوامة المنيل التي تخص النجم غيث السالم...
_هل تحولت قصة الحب التمثيليه الي حقيقه وواقعة تنتهي بخيانة المنتج الكبير و السيدة الدبلوماسية.
_نقيب الفنانين يأمر بتحقيق عاجل مع النجمين ووقفهم لفترة مؤقته حتي تنتهي التحقيقات....
*ضرب عاطف فوق رأسه وهو يردد مذهولاً:
_ياخبر اسود ايه ده؟ ايه اللي بيحصل ده مين اللي عمل كده ميييين؟ غيث فين؟ لازم الاقيه حالا...
*وظل يدق علي هاتف غيث الذي كان علي الوضع الصامت اما هاتف كاميليا فكان مغلق بعد مشاجرة كبيرة حدثت بينها وبين شقيقتها الكبري بسبب قرار الطلاق المفاجئ ...
*وبمكان آخر صاح راجح بضيق وهو يقف أمام نهال الجالسة ببرود أعصاب لامنتهي:
_أنا طلقت كاميليا وخلصت ليه تدخلي اسمي في مشاكل مع غيث وكاميليا.
*اجابته نهال بهدوء وهي تمرر اناملها فوق كأس المشروب:
_أنا نفسي افهم انت زعلان اوي ليه كده انا ردتلك اعتبارك اللي الهانم مراتك بهدلته بخيانتها ليك.
*قال راجح بغضب وهو يضرب فوق الطاولة:
_انتي واثقه زي ماانا واثق كويس اوي ان كاميليا مخنتنيش مع غيث مش هنكر واقول ان في حاجه
بينهم بس موصلتيش لدرجه الخيانة...
*التفتت برأسها وبرقت له بعيناها الواسعة بشراسه:
_أنت بتقول ايه بقولك ناموا مع بعض انا متأكده من كده.
_لو عندك دليل كنتي ظهرتيه بس معندكيش عشان كده انا مش مصدقك.
*صاح فيها راجح بتأكيد...فقالت متلجلجه:
_ماينفعش أفضح الراجل اللي كان جوزي وابو ابني وفي الأول والآخر هو ابن عمتي وانا ست مسئوله
وليا الكرير بتاعي.
*ضحك راجح بسخريه ثم أشعل سيجاره وقال بدهاء شديد:
_ميغركيش اللي انا فيه ده يابت الأصول انا ابن بلد ومدقدق وافهمها وهي لسه هطير اللي كان في ايدك
فردتيه كله فوق طربيزه اللعب وفضحتي بيه ابو ابنك اقصد اللي كان أبو ابنك لو كان عندك اللي
بتقولي عليه مكنتش هتترددي لحظة انك تطلعيه علي طربيزه اللعب وتقشي الدور كله...
*اقترب منها وهمس:
_الناس في مصر بتنسي بسرعه مفيش اسرع من الأخبار عندنا يمكن بكره رانيا يوسف تطلع في صوره بفستان مكشوف ولا حادثة قطر ولا قضية
اغتصاب ولا ولا ولا....
وهوب يتقفل موضوع غيث السالم وكاميليا زيدان والناس تنسي وتحبهم من جديد ونقيب ويطلعوا الفانز بتاعهم يدافعوا عنهم ويقولوا حرية شخصية ويرجعوا تاني اقوي من الاول اصل الفضايح في بلدنا بتطلع مش بتنزل...وانتي الخسرانه بس خدي
بالك بعد كل ده مايحصل بردك غيث هيدور ويعرف ومتنسيش انه غيث السالم...
*ظلت علي وضعها مذهولة لاترد ولا تصد وكأنها تلجمت بلجام من حديد ونظرت لراجح وهمست بشك:
_غيث و كاميليا هددوك بأيه عشان تشيل ايدك بشكل ده.
*غمز لها بغير اهتمام قائلا:
_انا اتجوزت من كاميليا وكسبت من وراها كتير واخدت منها كل حاجه وخلاص انا راجل صاحب مزاج ومبحبش العكننه وقولنا وقالوا وكلام التشويش ع الشغل...بكره هعمل مؤتمر صحفي واكذب كل اللي اتقال عني واقول انك انتي السبب فيه لامؤاخذه ياهانم ياروح مابعدك روح عن اذنك.
*تسمرت نهال في مكانها وصرخت من خلفه وهو يسير في طريقه دون أن يعيرها اي اهتمام:
_راجح سلطان احنا لعبنا اللعبة مع بعض ولازم نستمر مع بعض....راجح لو عملت كده هدمرك استني عندك....
*صرخت والقت بكأس المشروب وهي تضغط فوق أسنانها وتهمس بفحيح الحية:
_هقتلك.
يتبع
