*مرت ثمانية أيام وعاد غيث ونهال من رحلتهم التي قضاها بجزر المالديف سعادة لاتوصف انتابت نهال التي
راودها الشك في بداية الأمر عندما عاد لها غيث من جديد نادماً يعض انامله قهراً ولكنه استطاع ان يثبت لها حسن نيته عندما عرض عليها الرجوع من جديد وبناء حياة هادئة مستقرة...
*لن تنكر بأن قلبها قفز فرحاً وشعرت بالانتصار ولذته لقد عاد إليها نادماً فقد مر بنزوة عابرة وانتهت خاصة عندما اكتشف غيث بأن عشيقته قاتلة حقيرة صائدة ثروات....
*ضحكت نهال وجلست برتياح مقابل صديقتها التي أتت لتهنئتها برجوع غيث من جديد تقل:
_شوفتي ياسلمي الهانم صياده الثروات سابته لما عرفت انه خسر كل فلوسه.
*هزت صديقتها رأسها ترتشف من فنجان قهوتها بعد أن نفثت دخان سيجارتها قائله بحيرة:
_أنا مش مصدقه فعلا يانوني معقول كاميليا زيدان الوش البرئ الهادي ده تبقي بالحقارة والمادية ديه مش ممكن بجد انا فعلا مذهولة بس قوليلي بجد غيث خسر فلوسه كلها ازاي وفي ايه.
*كتمت نهال ضحكتها ودمدمت بنبرة تغمرها الشماته:
-لما سافر بعد موت عمر راح ضيع فلوسه ع القمار وخسر كل حاجه لدرجه انه كان بيكتب شيكات بدون رصيد ولما الهانم عرفت سابته وتقريبا حبت ترجع لجوزها القديم و
لما رفض قتلته عشان مجرمة.
*اطبقت كفيها تأخذ نفساً عميقآ مردده:
_كنت واثقة ان ربنا هيجبلي حقي واهو حبيبي رجع من جديد ومقولكيش على الندم اللي هو فيه عرف طبعا قمتي.
*التزمت صديقتها الصمت قليلا وعادت تسألها من جديد:
_بس ازاي كان هيدفعلك كل مستحقاتك وهو محلتوش اي
حاجه مش غريبة يمكن بيكدب عليكي يانوني خدي بالك.
*ابتسمت بثقة تقل:
_اطمني اتأكدت ان رصيده في البنك زيرو ومالوش اي ارصدة في بنوك تانيه وموضوع مستحقاتي كان بيقصد ياستي تقريبا جزء من أجره في الفيلم والجزء التاني سلفة
من عمتي الغالية.
*وتعالت ضحكتها وملامحها الساخرة تتجلي علي ملامح الجميلة الناعمة متلونة كالحية السامة........اطبقت سلمي جفنيها بألم واضح جعل نهال تلاحظها وتسألها باستفسار:
_مالك فيكي حاجه متغيرة؟
*مسحت صديقتها دمعة خانتها وقالت باستسلام:
_مكنتش عايزه اضيقك بس حقيقي مش قادرة اتحمل يانهال تخيلي بعد الحب ده زاهر بيخوني....
*شهقت والتوت شفتيها بابتسامة عابثة لم تخفي فيها شماتتها من صديقتها المقربة والتي لاحظتها بوضوح:
_معقول زاهر بيخونك ديه قصة حبكم كانت قربت تبقي فيلم رومانسي ده انتم عنتر وعبلة الشلة.
*ضمت صديقتها شفتيها بضيق وتمتمت وهي تعلم جيدا مايدور برأس نهال التي انفرجت ملامحها اكثر بالسعادة طبيبعي فإنها تريد هذا الأمر بشدة وهو التفوق علي الجميع
بالحياة العملية والمنزلية غرورها وغيرتها يجعلان منها انسانه غير ساوية مريضة:
_مفيش حاجه بتفضل علي حالها يانوني المشكلة اني بجد مش عارفه اثبت عليه أي حاجه عشان اقدر أوجه بيها.
*فرصة علي طبق من فضة أتت إليها وكأنها في أكثر أيامها حظ سلمي و زاهر أيقونة العشق عليهم أن ينفصلان لتبقي هي الفائزة الوحيدة دائما وما اقسي نبذات الشيطان لانسان
يملئ الحقد قلبه ليعمي بصيرته:
_انتي عايزه تطلقي منه.
*اومات صديقتها برأسها موافقه:
_ايوه ومصممه بس لازم يبقي معايا دليل قوي اكشف قذرته بيها مع الحشرة اللي مرافقها ديه بس مش عارفه ازاي هتجنن يانهال.
*قالت دون تفكير:
_أنا عندي الحل اللي ممكن يساعدك في الموضوع ده بس بشرط.
*قالت صديقتها متحمسة:
_بجد يانوني شرط ايه.
*اقتربت منها واشارت لها تحذرها بشدة:
_الموضوع ده بينا انا وانتي وبس فاهمه احنا بس انا عايزه اساعدك طبعا بس....
*ضغطت صديقتها علي كفها وهمست مبتسمة:
_اطمني المهم تساعديني عشان اخلص بسرعه.
_اتفقنا استني مني تليفون الليلة أو بكره بالكتير.
*همست نهال وهي تضحك بهدوء:
********************
_كاميليا زيدان زيارة عشانك.
*زيارة كانت تنتظرها بعدها انتقلت الي سجن النساء بعدما فقدت الأمل في إظهار برائتها من تهمة القتل....
*كان ينتظرها بغرفة الزيارات نهض واقفاً عندما رآها تدلف الي داخل الغرفة ترتدي ثوب السجن جلباب ابيض ووشاح
بنفس اللون شاحبة ضعيفة فاقدة الكثير من وزنها عيناها
ذابلتان من شدة البكاء ولكنها لم تفقد ابتسامتها الجميلة التي انارت حياته وجذبته من الظلمات الي النور:
_معاكم نص ساعه.
*هتفت السجانة وهي تغلق باب الغرفة وتخرج وظلت هي
واقفة في مكانها تنظر له باشتياق:
*بينما هو ارتدي قناع السعادة وحصن نفسه جيدا من البكاء والضعف قبل ان يقترب منها ويجذبها لصدره يعتصرها بكل ما أوتي من قوة يضمها ويتنفس وهي كعصفورة صغيره بين ذراعيه ترتجف:
_سامحيني...سامحيني اني سيبك هنا لوحدك سامحيني عشان مش قادر اعمل اي حاجه عشانك وانقذك من اللي
انتي فيه.
_مش مهم اي حاجه...المهم أنك جيت وشوفتك.
*همست وحاوطت ذراعيها حول خصره تدفن وجهها في صدره تستنشق رائحته وتشبع منها :
*وبعد دقائق من الصمت قضاها كلاهما متعانقان رفع ذقنها باصابعه ينظر لها وهمس:
_هانت كلها ايام وهتكوني معايا صدقيني.
*اومات برأسها نافية والدموع تتساقط من مقلتيها بلا توقف وجسدها يرتعد خوفاً وبردا:
_حاسه اني هفضل هنا علي طول ومش هخرج بس...بس
مش مهم اي حاجه كفايه عليا اشوفك واطمن انك كويس وبخير و.....
*وضع أصابعه فوق فمها وقال وجبهته تتلامس مع جبهتها:
_مش هسيبك هناك اوعدك هخرجك وححط اللي عمل كده
في مكانك بأيدي.
*بكت قائله وهي تتشبث به:
_اتجوزته علشان انقذ أمي وقولت مش مهم حياتي.. قلبي.. عمري كله بس امي تعيش وتبقي بخير وماتت امي اللي
ضحيت بكل حاجه عشانها واستمريت معاه كزوجة مخلصة
وسلمت بالنصيب استحملت خيانته وقذارته وهمجيته كل حاجه وعيشت منتظره طفل يعوضني كل اللي شفته منه وحتي ده حرمني منه ياغيث وآخرت كل ده اترمي في السجن بردو بسببه.
*زمت شفتيها بحزن تهمس:
_ياريت كنت عرفتك من زمان....ياريت ياغيث.
*نظر الي عينيها الممتلئه بالدموع ثم قال بهدوء وهو يمرر أصابعه فوق خدها الناعم:
_هخليكي تنسي الايام ديه وتكوني سعيدة وحعوضك عن الأيام اللي شوفتيها معاه اوعدك ياكاميليا اني هعمل كل حاجه عشانك بس ثقي فيا.
*مدت أصابعها تلمس وجهه وهمست مبتسمة:
_واثقة فيك اكتر من نفسي.
***********************
*ردت ببساطة:
_قولتلك هتكون مبسوط جدا في التعامل معايا صرفت الشيك.
*ابتسم وهو يشم رائحة الشيك المدموغ بمبلغ مالي كبير
قائلا:
_لا لسه هصرفه بس مش دلوقتي عايز اتهني بيه شوية اصل اول مرة اشوف وامسك شيك.
_هاني كنت عايزاك تختفي شويه لحد ماتتقفل قضية البنت
اللي اسمها توته ديه بس محتاجاك في مهمة جديدة يعني تقدر تقول خدمة لصديقة.
*ضحكت تدمدم بنبرة ماكرة:
_يعني خدمة ليها وفي نفس الوقت دليل بالنسبالي.
*فرك هاني راسه يقل بعدم فهم:
_يعني ايه ياريت تقوليلي عشان افهم واعرف انتي
عايزه ايه وبعدين احنا خلاص دوسنا مع بعض في كل حاجه و....
*تهدج صوتها انفعالاً وهي تقاطعه:
_هاني ماتنساش نفسك وماتنساش انت مين فاهم.
_فاهم ياهانم اتفضلي قولي كلي أذان صاغية.
*اردف بهدوء....فقالت نهال وهي تقف أمام النافذة تراقب وصول غيث:
_سلمي صحبتي هتطلب منك تراقب جوزها لأنه علي علاقة بوحدة وهي محتاجه دليل علي خيانته هتراقبه
وتعمل كل اللي بتقولك عليه بالحرف وفي نفس الوقت
كل نسخة صور او تقرير هتسلمه ليها تسلمني انا كمان
نسخه منه فاهم.
*اجابها موافقاً بطاعة:
_تحت امرك بس ممكن افهم ليه حضرتك عايزه نسخه يعني أحب اشتغل على نور .
*زفرت بملل:
_هي حاجه متخصكش بس أنا بكره سلمي ديه لأنها حولت تحاربني في شغلي كتير وتحصل علي منصبي بس
مقدرتش لأنها باختصار بتحارب في جهة خسرانه وغير كده عايزه اكسرها وديه فرصتي هااا فهمت.
*ضحك هاني وقال مازحآ:
_يااااه ده انتي حكايه والله بس بصراحه دماغك حلوة اوي
كفايه أن خطتك نجحت واهو الفنان رجع عشه وكاميليا
المسكينة هي اللي دفعت التمن.
_هااااني قولتلك متدخلش في اللي ملكش فيه واعرف انت بتكلم مع مين عشان انا ليا حدود ماينفعش تخطيها.
*صاحت بغضب مكتوم وهي تكز فوق شفتاها تحذره:
*تنحنح يجلي صوته ليقل بتوتر:
_هتدفع كويس.
*دمدمت بهدوء:
_ايوه....
_وانتي...اقصد حضرتك.
*سألها هاني محاولاً ابتزازها وهو يكمل قائلا:
_اصل مش بعمل خدمات فيري.
*ردت نهال غاضبة منه:
_هدفعلك بس أقل من اللي قبل كده...المهم خد بالك قضية
توته لسه مفتوحه وبيدوروا ع القاتل.
*صمت هاتي للحظات يأخذ نفساً عميقاً مشحوناً بالتوتر ثم زفر يقل:
_في رجالة راحو البيت عندي وسالوا عني بت جارتنا قالت لأمي ان واحد منهم ممثل بيطلع في التلفزيون...
*رددت بهمس متسائله:
_تقصد غيث؟ وغيث بيسأل عنك ليه هو يعرفك.
*اجابها هاني بعد تفكير:
_لا طبعا ولا عمره شافني حتي بس قولت يمكن اكتشف حاجه.
*زمت شفتيها قليلا تلهث وهمست بغضب:
_اوعي تكون بتلعب معايا انت شوفت أخرت اللعب معايا بتكون نتيجتها ايه توته حاولت تلعب وتكدب عليا حاولت
وكانت نهايتها الموت...وزي ما دفعتلك عشان تقتلها هقدر
ألقي اللي يقتلك.
*فرك هاني عنقه وقد شعر بالخوف والقلق من نبرة نهال القاسية التي هددته مباشرة وقال مرتبك:
_نهال هانم انا راجلك ومستحيل اخونك ابدا انا بقول يمكن
عرف عني حاجه بالصدفه من هنا ولا من هنا:
ضغطت باصابعها على الهاتف وبدأت تجول في غرفة المكتب
بخطوات مبعثرة لتشهق متسائله:
_صحبك اللي نزل الخبر فين؟ ايه اخباره؟
*ارتجف صوت هاني وهو، يردف:
_آمين!!! معرفش عنه أي حاجه من بعد الموضوع ده طلبت منه يختفي وقولتله سافر البلد عند اهلك ومن ساعتها ولا
اعرف عنه أي حاجه.
*سحبت نهال نفساً عميقاً وقالت بشك راودها:
_أنت واثق فيه؟ مش ممكن يكون هو اللي قال لغيث بس
غيث متكلمش في الموضوع ده ولا قالي اي حاجه وواضح
انه ميعرفش اي حاجه والا كان واجهني....اسمع دور علي
صحبك ده وشوفه في انهي داهيه واعرف منه اتكلم في اي
حاجه ولا لاء فاهم.
*صاح هاني متوتراً:
_هلاقيه فين انا معرفش عنه أي حاجه وبعدين آمين ده واحد شمام مش عارف حاجه في اي حاجه يعني مفيش
خوف منه.
*صرخت نهال عليه بغضب:
_امال غيث عرف بيتك منين وعرفك انت اساسا ازاي ماهو ياانت الخاين ياما صحبك اسمع انا ماعنديش استعداد اخسر غيث تاني انا عملت عشانه المستحيل ومستعده اعمل اكتر من كده شوف صحبك ده في انه داهيه وخلصنا منه.
*هتف هاني برفض:
_نهال هانم انا مش سفاح انا عملتها مرة عشان كانت بت آخرها زقة من بلكونه بس اقتل تاني انسي اشوفه انا فين واقولك مكانه وانتي خلصي عليه بمعرفتك ماشي.
*دمدمت بضيق وقلق اعتلي ملامحها:
_طيب طيب بطل رغي كتير لاقيه انت بس وانا هتصرف.
*داخل سيارة وحيد التي كان يصفها بالقرب من فيلا غيث ونهال تنفس غيث براحة وناظر وحيد الذي يجلس بجانبه
يبتسم يقل:
_اتسجلت كل كلمة.
*اوما وحيد براسه ينظر الي الهاتف الموصول بشفرة تصنت
تخترق هاتف نهال:
_كل كلمة اتسجلت كانت فكرة عبقرية منك فكرة الشفرة والهكر ديه.
*هز غيث راسه براحه وشعر انه الان مثل غريق تعلق بقشه
سوف تنجيه من الغرق وقال وهو يسند راسه فوق زجاج نافذة السيارة:
_ديه فكرة مجدي صحبي انت عارف انه كل شغله في نظام المراقبات والامن هو اللي جبلي لينك الشفرة وشرحلي ازاي اقدر بلينك ده من تليفوني اخترق تليفون
نهال واسمع كل حاجه...واهو الحمد لله وصلنا لجزء كبير
هاني هو اللي حدف توته من بلكونه شقتها وده طبعا بطلب من نهال....
توته ساعدتها علشان تدخل القاتل فيلا راجح وطلبت منها تختفي وتسافر اي مكان بس يظهر ان البنت رفضت طبعا
نهال حست انها ممكن تتكشف عشان كده طلبت من هاني يقتلها.
*ظل وحيد يستمع اليه بتركيز يفكر ويحلل براسه الأحداث التي بدت تتسلل وقال بهدوء:
_تفتكر ان نهال أجرت قاتل علشان يقتل راجح.
*ضغط غيث علي أصابعه قائلا:
_أكيد....ولا ايه رايك؟!
*هز وحيد راسه رافضا يقل:
_نهال طلبت من هاني يقتل توته ليه مطلبتش منه يقتل راجح.
_اكيد مكنتش واثقة فيه علشان كده.....
*قطع غيث حديثه وضيق عيناه يفكر وقال بفم متسع من الدهشة:
_أنت بتفكر في اللي انا بفكر فيه!!!
*اوما وحيد براسه موافقا....ليهدر غيث بغيظ شديد:
_نهال هي اللي قتلت راجح؟
*نظر له وحيد بملامح قاتمة يردد:
_ده الاحتمال الأكيد نهال قتلت راجح بمساعدة توته اللي دخلتها فيلا راجح بعد ما عطلت الكاميرات بعد كده توته
أصبحت مصدر إزعاج لنهال اللي عشان كده طلبت من هاني يتخلص منها لأنها محبتش تظهر في الصورة لان توته ساكنه في عمارة كبيرة فيها أمن وبواب وممكن اي حد منهم يتعرف
عليها عشان كده طلبت من هاني ينفذ المهمة.
_نهااااال....
*دمدم غيث من بين أسنانه بغل وهو يقبض راحه يده:
*ربت وحيد فوق كتفه يشجعه بقوله:
_ديه بقا مهمتك ازاي تخلي نهال تتكلم والفرصة جت لحد عندك نهال عرفت انك بتدور علي هاني وطبعا الاتهامات لبست امين اللي مات وشبع موت ومن حسن حظنا ان هاني و نهال معندهمش علم بموته انت هتلعب علي الحته ديه بطريقتك وتخلي نهال تتكلم المهم بسرعه باقي اقل من اسبوع وكاميليا تتحول لمحكمة الجنايات....
*تنهد غيث وقال بصوت اجش خافت:
_أنا هعرف اخليها تتكلم المهم ان هاني يتقبض عليه وده قرب جدا.
**************************
*بعد مرور يومان*
*انهارت هند باكية تهتف بقلق:
_وبعدين الوقت بيمر ولسه لحد دلوقتي مش عارفين اي حاجه تخص الزفته اللي اسمها نهال انا خايفه علي كاميليا
ده باقي يومين وتتحول للجنايات يعني ممكن يتحكم عليها......
*قطعت حديثها تبكي بأنهزام وضعف وهي تغطي وجهها تحرك عاطف وجلس بجانبها يمسك كفيها ويضغط عليهم
وهو يحاول تهدئتها من نوبة بكائها:
_متقلقيش غيث هيتصرف مش هيسمح ان كاميليا تروح منه انا واثق فيه.
*غمغمت بغضب باكي:
_مش عارفه ومش واثقه كل اللي شاغلني هو كاميليا اللي ممكن تعمل في نفسها حاجه كاميليا مش هتتحمل ياعاطف ديه اضعف مما تتخيل.
*همس مستمتع بنطقها لاسمه برغم مايمران به إلا أنه شعر بشئ ما نحوها:
_عارف ان كاميليا هشه ضعيفة بس هي اكتر وحده واثقة ومتأكده ان غيث مش هيسمح بكده صدقيني ياهند كل حاجه هتتصلح وكاميليا هتبقي معانا قريب.
*ظلت تنظر له وهي لاتزال تبكي برتجاف خائفه من ان تظلم صديقتها التي لا تستحق كل هذا الظلم ضعفت و
شعرت انها تحتاج الي صدر ترتمي فوقه وتبكي وهو أيضا شعر بذلك....
فمد يده لها وبعد ثوان أمسكت هند بكفه الممدود لها ليجذبها عاطف اليه لتجد نفسها تنام فوق صدره تحتمي به من خوفها صدره اللاهث بعنف ابتسم وهمس:
_بكره نفتكر الايام ديه ونضحك ونفرح...تعرفي ياهند أنا حاسس بأيه .
*تسائلت بخفوت وهي تغمض عيناها:
_حاسس بأيه؟
*احني راسه ليشم رائحه شعرها العطر يدمدم برقة:
_حاسس ان ربنا جمع غيث و كاميليا مع بعض ورغم المشاكل اللي احنا فيها ديه كلها الا ان ربنا جمع قلبين تانين.
_قلبين تانين تقصد مين؟
*تسائلت وهي ترفع رأسها من فوق صدره بعد أن شعرت بالاخراج مما فعلته كيف تسمح لنفسها ان تبكي فوق صدر رجلاً غريب عنها وضعت خصلات تائهه من شعرها خلف اذانيها وهي تحمر خجلاً:
*رفع ذقنها وتمعن النظر في عينيها الواسعتان وأكمل وهو
يهيم بها عشقاً شاعراً انه الوقت الأنسب للاعتراف برغم أنه ليس المثالي ولكن احيانا يحصل المرء علي شجاعته في
أصعب الأوقات ضيقاً:
_أنا عارف انه مش الوقت المناسب ولا المكان المناسب بس
لازم تعرفي.
*حاولت الهروب وهي تبعد رأسها عنه مردده بخجل:
أعرف ايه؟
_أنا بحبك ياهند.
*هتف عاطف معترف لها بمشاعره وهم واقفاً يخرج من منزل كاميليا ليتركها وحدها غارقه في مشاعر عاهدت نفسها أن لن تعيشها من جديد:
**************************
*بالمساء دق جرس باب الفيلا وفتح غيث يستقبل عامل الدليفري:
*نزلت نهال فوق الدرج الداخلي تنظر الي القادم لتقل باستغراب:
_فين الشغالة حبي انت بتفتح الباب بنفسك.
*ابتسم غيث ووضع الشنطه الورقيه فوق الطاولة قائلا وهو ينظر لها بأعجاب مغوي:
_طلبت منها تمشي مفيش غيرنا انا وانتي وبس.
_ليه!!. اقصد مشيتهم ليه؟
*تسائلت نهال وهي تنظر له باهتمام...ثم حولت نظرها الي
الصندوق الكرتوني وقالت:
_واااو سي فود.
*هز راسه ضاحكاً وخلع كنزته ليلقيها باهمال وبقا بسرواله القطني المنزلي حافي القدمين مبعثر الشعر وسيم الهيئة:
_نالي بلاش تحقيقات وخليني اكمل الليلة بمزاج.
*عقدت ذراعيها تنظر له مستغربة وداخلها يردد هل عاد غيثها من جديد أنه غيث الذي احبها واحبته منذ سنوات
توهجت عاطفتها لتذهب خلفه نحو المطبخ لتجده يحمل
الشموع وكاسين فارغين....مر من جانبها يغمز لها:
_نالي هاتي الازازه ديه من فضلك حبي.
*ووضع قبلة فوق وجنتها:
*تسمرت للمرة الثانية يناديها باسمها الذي أطلقه عليها وكان يدللها به...شموع وكاسات وزجاجه شمبانيا فرنسية وطعام
سي فود يبدو أن غيث عاد لها من جديد:
*همست وهي تنظر له من خلف الزجاج وهو يجهز الطاولة بالحديقة تقل:
_اخيرا ياغيث.
*بعد العشاء وعلي نغمات موسيقي هادئة راقصها وضمها بين أحضانه يملس فوق بشرتها ويلثم عنقها بشفتيه يقبل راحه يدها ويغمرها بعاطفته المتوهجة:
_ثانك يو علي العشاء الرومانسي ده والليلة الجميلة ديه روحي.
_أنا اللي بشكرك انك رجعتيني لعقلي ولحياتي ولبيتي لولا تصميمك بالاستمرار معايا مكنتش هبقي معاكي دلوقتي نالي.
*دمدم غيث وهو يحاوط خصرها بشدة يقبلها بشفتاه الساخنة التي تحرقها وتزيد نشوتها....تبسمت وضمت وجهه بين كفيها:
_مستحيل افرط فيك لغيري انت حبيبي أنا وبس.
*مال براسه وهمس بجانب اذنها:
_عايز بيبي يكون منك يربطني بيكي.
*هزت رأسها وقالت بعينان دامعة متأثرة:
_بجد ياغيث...
*تنهد وقبل جبهتها وهو يبعد غرتها بشفتاه:
_بعد اللي عملتيه عشاني بيقت عايز ارتبط بيكي اكتر واكتر ساعدتني أقف علي رجلي تاني بعد مااعتقدت اني
لاقيت الطريق الصح....سامحتني وانتي عارفه اني كنت مع
ست غيرك...ادتيني فلوسك ومالك عشان أقف علي رجلي من جديد عملتي معايا اللي امي معملوتش اثبتي انك الست
اللي بتحفر في الصخر عشان حبيبها.
*ضحكت لاتصدق ما تسمعه انها ليلة حظها وضعت رأسها
التي ثقلت قليلا من المشروب وظلت تتمايل معه علي انغام
الموسيقي:
_أنا مش مصدقه نفسي كنت فقدت الأمل انك ترجعلي من جديد بعد ما روحت واترميت في حضن كاميليا زيدان اللي فكرت بغبائها انها ممكن تاخدك مني.
*رفع رأسها وقبلت شفتيه ثم ابتعدت تردد مبتسمة:
_غبية متعرفش مين هي نهال وممكن تعمل ايه عشان حبيبها.
*حملها...لتشهق وتحرك ساقيها بالهواء...ليتحرك بها نحو الارجوحة ويجلس وهو يضعها فوق ساقيه لتتعلق بعنقه تنظر له وتحدق في وسامته:
_جالي شخص في يوم حاول يساومني علي فلاشة فيها صوري وفيديوهات ليا مع كاميليا واحنا......
*اغلقت فمه باصابعها مذهولة برغم شعورها بالغيرة:
_متكملش الجزء ده....مين الشخص ده.
*حدق في وجهها طويلاً ثم تنهد تنهيدة طويلة ليقل بعدها
بابتسامة هادئة:
_آمين الواد الصحفي اللي مفصول من النقابة وعايشها نصب وتحايل علي خلق الله...آمين صاحب هاني اللي
طلبتي منه يصورني مع كاميليا في أوضاع.....
*وغمز لها....ارتجفت وحولت النهوض ولكنه منعها وضمها
اكثر هتفت نافيه:
_أنا معرفش مين دول؟ غيث انا.....
*قال بلهفة:
_انتي انقذتني من كاميليا زيدان وحقرتها وطماعها مش متخيل ان البراءة ديه يخرج من وراها شيطانه حقيرة صايدة أموال....
*ليغمغم من بين أسنانه:
_الواطية بنت****لما عرفت اني خسرت كل حاجه ومعنديش اللي يكفيها رجعت للمسكين راجح ولما رفضها قتلته قد ايه حقيرة وتستاهل تتعفن في السجن كانت هتوديني في داهية معاها لولا اللي عملتيه.
*حركت راسه في عنقه تردد:
مكنتش هسمح لها ابدا تاخدك مني بأى شكل من الأشكال
لانها غبية لعبت لعبة مش قدها شوفت ازاي ان مفيش وحده بتحبك قدي وومكن تضحي بنفسها عشانك.
*التهم شفتيها بقوة حتي انها كادت ان تفقد نفسها وغمغم:
_مش عارف كان ممكن يحصلي ايه لولاكي بجد.
*قبلت صدره ونهضت تملأ الكوؤس هي تلك المرة وبدلال اقتربت منه ترفع ساقها العارية وتضعها فوق ساقه وهي تهمس:
_أنا محديش ياخد مني حاجه وخصوصا لو كان شخص بحبه انا وانت للأسف وقعنا في شبكة أغبياء بداية من
كاميليا اللي حبيت تاخدك مني....
*احتست كاسها دفعة واحدة والتفتت تصيح:
_فكرت انك ممكن تحبها مسكينه اصل اللي تتجوز حيوان
زي راجح سلطان تبقي عايزه اي راجل تاني يسد خانة وخلاص.
*ضم قبضته بقوة علي الكأس حتي كاد ان يهشمه وضغط فوق أسنانه بقوة وسريعا بدل ملامحه الي مسترخية عندما
التفتت له وقالت ضاحكه وهي تترنح قليلا:
_تخيل ان الحمار ده بعد ماتفقنا علي كل حاجه يرجع يقولي لا انا راجل ليا سمعتي وبيتي ومش هكمل هقول
لغيث وكاميليا وعمل فيها صاحب الضمير تخيل حيوان
زي ده يبقي عنده ضمير.
*ملئت كأس اخر فقال غيث وهو، يمنعها:
_كفايه نالي وتعالي ننسي الناس المقرفين دول.
*شربت من جديد دفعة واحدة ووضعت الكأس وامسكت بوجه تقبله جنون ووضعت جبهتها علي جبهته:
_لازم تعرف انا عملت ايه عشانك وقد ايه انا بحبك ياغيث
انت قلبي وروحي حته مني ابو ابني..عمر..عمر ياغيث اللي
ضيعته بسبب اهمالي وغبائي وانانيتي.
*بكت أمامه لترتمي فوق صدره....ضم شفتيه وارتجفت أصابعه قبل ان يمررها فوق شعرها:
_كفايه يانهال انا خلاص عرفت كل حاجه واللي عملتيه عشاني.
*شهقت تمسح دموعها السائله فوق صدره العاري وهمست:
_أنت متعرفش اي حاجه...بس انا واثقة انك بتحبني عشان
رجعتلي ومعايا يعني كل تضحياتي عشانك مرحتش هدر... غيث....
_نعم روحي.
*ابتلعت ريقها وهمست:
_كاميليا زيدان مش هي اللي قتلت راجح سلطان.
*حاول بقدر الامكان أن يبدو طبيعياً فلوي شفتيه يقل:
_امال مين يعني غيرها المجرمة ديه.
*هزت كتفها تقل ببساطة:
_أنا...
_نهال بلاش هزار انا بحبك في كل حالاتك بلاش تحاولي
تثبتي حبك ليا بالكدب عشان انا واثق انك انقي من كده.
*تنهدت واحتضنته بقوة:
_مش بقولك مستعده اعمل اي حاجه عشانك....بحبك اوي.
*اكملت بكل صدق:
_راجح سلطان هددني انه هيكشف لعبتنا لو مبعتهوش عن
كل الحكايه بصراحه ضايقني فقررت اخلص منه وبمساعدة
البت اللي يعرفها توته الممثلة اللي ماشي معاها.
*هز غيث راسه مبتسم:
_بتهزري علي فكره مش مصدق بس حدوته حلوه.
*ضحكت بشدة وقالت بتأكيد:
_أنا مش سكرانه انا بقول الحق وانا في كامل قوايا العقليه والله....انا قتلته اتفقت مع توته ديه تدخلني الفيلا وتعطل
الكاميرات ودخلت وقتلته بأيدي ديه وانا ببص جوه عينه
حقير هو اللي استفزني....
*هتف باستغراب شديد وعينان متسعة:
_نهال أنتي بتقولي ايه بلاش عبط انا مش مستعد اخسرك بسبب هزار سخيف اقفلي ع الموضوع ده وكفايه هزار تعالي خدي دش سخن ونامي و......
*قاطعته وهي تسحب كفها منه وتترنح قليلا:
_غيث انت ليه مش مصدق اني ممكن اقتل احرق اعمل اي حاجه عشانك لو مش مصدقني المسدس اللي قتلت بيه
راجح فوق في خزنه دولاب هدومي السحرية....غيث انت
مش عارف يعني ايه ست تحب بجنون وانا كده بحبك حب
جنوني مكنتش هسمح ان كاميليا تاخدك مني او اي ست تانيه حتي لو كانت عمتي...
*قال وهو،يسمك كتفيها ويشدد فوقهم:
_نهال ازاي واسورة كاميليا الالماظ كانت جنب جثة راجح ولا هتقوليلي سرقتي الاسورة منها كمان.
*ضحكت.وضحكت وضحكت بصخب وهزت رأسها:
_ايوه سرقتها والله سرقتها...
*ضحك هو الآخر:
_مجنونه والله حبيبتي مجنونه...ازاي بقا سرقتيها يا نهال هولمز.
*أشارت الي رأسها قائله:
_استخدمت ده و ده....
*ثم حركت أصابعها السبابه والوسطي معاً دلالة علي استخدم النقود:
_عرفت ان في بت شغالة بتيجي تنضف ليها الشقة طبعا راقبت كل تحركاتها والناس اللي بتتردد عليها واتفقت مع
الشغالة تسرق اي حاجه تخص كاميليا بس تكون حاجه ليها
قيمة وهي اللي سرقت الاسورة اللي انا رمتها بأيدي جنب جثة راجح....
*حركت اكتافها ودمدمت ببراءة:
_كان لازم اخلص منه ومنها بصراحه مكنتش واثقة انك ممكن ترجعلي بس رجعت.
*طال في النظر الي وجهها وهز راسه:
_بجد استاذه كان لازم تكوني انتي الممثلة مش انا شابو روحي...بس اللي مش قادر أفهمه انتي ليه قتلتي توته أو تقي عشيقة راجح....
*قالت دون تفكير وهي تبصق الكلمات من بين شفتيها:
_هي اللي بنت كلب طماعة قولتلها تغور من مصر ووفقت في بدايه
وكانت خلاص هتنفد بعمرها بس حبيت تعمل عليا حدقه
وطلبت مني فلوس تاني اجرت اللي يقتلها ويخلص منها..
_هاني صح....
_ايوه صح هو ها......
*بترت كلماتها وسألته بشك:
_أنت عرفت ازاي اني قتلت توته وهاني هو القاتل...
*تلك المرة كانت الضحكة الصاخبة من نصيب غيث الذي جلس فوق الارجوحة يهتز وهو يضع ذراعه خلف راسه وقال ببساطه وهدوء:
_عشان انا بسحلك من زمان من اول ما رجعت هنا ومثلت
عليكي اني ندمان واني لسه بحبك واني....
*صرخت بجنون مبتسمة بشر:
_نعم انت بتهزر صح.
*هز راسه نافياً:
_والله ابدا مش بهزر بالعكس انا بكلم جد جدا انا هكرت تليفونك بالينك حساب البنك الفيك اللي بعتهولك عشان تحطي فيها رصيد فلوسي اللي اخدتيه مني...بس اطمني
اخدتهم...
*فرك كفيه ونظر الي شبح امرأة تقف امامه مغلولة لاتصدق
انها اعترفت بتلك السذاجه علي نفسها:
_كل كلمة قولتيها دلوقتي اتسجلت ووصلت للشرطه اللي هيقبضوا عليكي كمان خمس دقايق اصلهم هنا جنب الفيلا لزق.
*قبل ثلاثة ساعات*
*فتح غيث باب الفيلا الي عامل الدليفري.....
_الاوردار يافندم...اتفضل.
_الحساب 760 جنيه.
_اتفضل وخلي الباقي عشانك.
_السماعات جوه العلبة حطها في ساعتك واطمن هتثبت ومش هتسقط.
_غيث...غيث مين؟
_اي خدمة تانيه يافندم.
_شكر.
*رفعت رأسها وصرخت بعينان تشتعلان بالنيران:
_غيييييييث انت بتقول ايه....انت اللي بتهزر صح.
*أشار بسبابته في وجهها وهو يركز في عينيها لحظات
قبل ان يقل:
_الغبي هو اللي فاكر نفسه ذكي ويقدر يضحك علي الناس ويوقعهم في المصايب الغبي الحقود هو اللي فاكر انه بس هو اللي ذكي لكن انتي اغبي مما اتخيل والله قولت ان مهمتي صعبة بس كانت أسهل مما اتوقع....
_اععععععععععععععع غيييييييث.
*صرخت بجنون وهي تمسك بزجاجة وتلقيها عليه ولكنه ابتعد سريعاً واقترب منها يصفعها بقوة لتسقط فوق الأرض ليرفعها من جديد ويصفعها ويكرر مع كل كلمة.....
_فاكرة اني ممكن افرط في كاميليا هه...فاكره اني ممكن ارجعلك...فاكرة انك انسانه طبيعية يتعاش معاها انت نكرة مجنونة عايزه كل حاجه من غير ماتدي حاجه.
_أنا حبيتك وبحبك وهفضل احبك....ولو بأيدي اقتل اي حد يقرب منك واوعدك كاميليا زيدان هتكون الاولي.
*صفعها من جديد:
_مش هتلحقي اصل البوليس وصل.
*نظرت خلفها لتجد بعض من رجال الشرطه يدخلون الي حديقة الفيلا...التفتت الي غيث وهمست:
_ليه أنا بحبك...
*فقال بغضب:
_وانا بكرهك...
*ولوي شفتيه قائلا:
_علي فكره هاني اتقبض عليه من الصبح وزمانه بيتحقق معاه اصل سلمي صحبتك اللي شمتي فيها وأخدتي منها منصبها اللي تستحقه ساعدتني....
*قبل أيام*
_سلمي انا محتاج مساعدتك انتي الوحيدة اللي نهال بتغير منها وهتساعدك عشان تشمت فيكي موافقة.
_طبعا موافقة ياغيث انا مش هنسي وقفتك معايا...
*صباح ليلة القبض علي نهال*
_مدام سلمي انا هاني.
_اهلا وسهلا اتفضل.
_نهال هانم قالتلي انك عايزاني اراقب جوزك بس طلبت مني حاجه تانيه بس عشان اقولك لازم تريحي ايدك معايا
شوية.
_استاذ هاني في ضيوف عايزين حضرتك.
*وتم القبض علي هاني الذي اعترف بكل جرائمه ومساعدته لنهال...
***********************
*بعد عشرة أشهر تم تنفيذ حكم الإعدام في نهال والمؤبد لهاني والسجن سبع سنوات للخادمة التي سرقت كاميليا...
*خرجت كاميليا وبعد أربعة شهور تم عقد قرآنها علي غيث وعقد قرآن عاطف و هند معهم في حفل عائلي بسيط....
*مر عام ونصف*
*مقابلة خاصة مع النجم غيث السالم الذي حقق فيلمه الأخير إيرادات هائلة في السينما بعد عرضه بأيام ...
_غيث السالم هل فرض علي زوجته النجمة المعتزلة كاميليا زيدان الاعتزال وارتداء الحجاب بعد ازمتهم المعروفة.
_لا طبعا مفرضتش عليها أي حاجه كاميليا قررت الاعتزال
والتفرغ ليا وللبيت وبعد فترة اتفجئت انها قررت انها تلتزم وتلبس الحجاب.
_هل يفكر غيث السالم وكاميليا زيدان في الإنجاب بعد تؤامهم عمر وآسيا.
*نظر غيث الي أطفاله الصغار الذين لم يبلغان الخمسة شهور
من خلف الكاميرا وهما يجلسان في عربتهم المخصصة:
_اكيد ان شاء الله انا وكاميليا عايزين يكون لعمر وآسيا اخوات كتير.
_الفنان غيث السالم شكرا علي اللقاء الجميل ونتمني لك دايماً التوفيق في أعمالك القادمة وشركة انتاجك الجديدة.
_شكراً ليكم وشكراً لكل المتابعين.
_ستووووب.
*انتهي اللقاء ونهض غيث وتوجه نحو زوجته وطفليه باشتياق لتتحرك نحوه بسرعه وتحتضنه ووجها ينيره
حجابها الرقيق قبلته وهمست:
_كنت هايل وزي القمر.
_عقلي وقلبي كانوا معاكم.
*قال وهو يضمها ويقبل جبهتها ثم انحني وداعب أطفاله
الصغار والتهمهم كلاهما بالقبلات ورفع عيناه ينظر لها بحب:
_انتم اكبر جايزه في حياتي كلها.
*انحنت تجلس بجانبه وتمسك بكفوف صغيريها ونظرت في عيناه بعشق:
_واحنا بنحبك جدا.
*تمت بحمد الله وفضله*
