*تعلقت عيناه بها منذ ظهورها اعلي سلالم النيابة العامة وهي تنزل درجاته بسيقان واهيه متعبه يغزو وجهها الشحوب ظل ينظر لها ويتأملها بحزن شديد وهي تبدو هشه ضعيفة مسلمة ذراعها الصغير في قبضة أحد العساكر يجذبها منها بقوة....
*وحول منها يلتف نخبة كبيرة من الصحفيين والمصورين
الذين تلتقط عدسات كاميراتهم الصور لها في هذا الوضع المهين....بينما ذراعها الحر يغطي عيناها الحزينتان التي يضربها فلاشات الكاميرات...
*ابتلع ريقه وهو يمسح وجه ودمدم بغيظ:
_مش متحمل ياهند مش متحمل اشوفها كده.
*كاد ان يتقدم نحوها ويصرخ عليهم جميعا ولكن يد هند
تشبثت بذراعه وهمست:
_لا ياغيث بلاش كفايه التوتر اللي هي فيه...
*توقفت من بعيد تنظر اليه وابتسمت واشاحت له برأسها حتي يطمن فصاحت شقيقتها وضربت كفيها ببعضهم وقالت لزوجها بغيظ شديد:
_أنا مش فاهمه سبب المصايب ده بيعمل ايه هنا...انت يااستاذ ممكن افهم بتعمل ايه هنا كفايه اللي حصل لاختي
بسببك اتفضل امشي من هنا.
*حاول زوجها تهدئتها قائلا:
_أيمان ميصحش كده اهدي شويه.
*لم يجيبها غيث وظل علي صمته حتي أقترب وحيد شقيق
هند محامي كاميليا والذي حضر معها التحقيق الأول والذي أمر فيه وكيل النيابة بحبس المتهمة أربعة أيام علي
ذمة التحقيق:
_وحيد طمني....
*هرولت هند نحو أخيها وخلفها غيث الذي هتف بقلق:
_هما اخدنها علي فين!!!
ايه اللي حصل؟!!!
*هز المحامي راسه وقال باسف شديد:
_للأسف كل ملابسات الجريمة منطبقه علي مدام كاميليا خاصه بعد مالقوا الاسورة بتاعتها في مسرح الجريمة جنب الجثة غير كده مدام كاميليا مش قادره تثبت هي كانت فين في الوقت ده اللي هو مابين الساعه وحده بعد منتصف الليل لحد الساعه سبعه الصبح وملتزمه السكوت وده هيصعب موقفها اكتر.
*صاحت شقيقتها بغضب:
_ليه مش عايزه تتكلم بتداري علي مين؟
*وزغرت بعينيها نحو غيث الذي كاد ان يفقد اعصابه ويتكلم لولا أن هند صديقه كاميليا رمقته بحذر ان يصمت كما اتفقا كلاهما علي هذا.
*فقالت هند لاخيها الذي لاحظ توترهم:
_أنا واثقه ان شاء الله أن في الاربع ايام دول هتكون ظهرت الحقيقه...
*جذبها أخيها برفق من معصمها وسألها بخفوت:
_هند لو عارفه حاجه قوليها الموضوع اكبر من انك تخبي عليا حاجه تفيد التحقيق وتفيد موكلتي.
*همست برفق وهي تناظر غيث من بعيد:
_هقولك علي كل حاجه ياوحيد بس مش هنا ومش قدام ايمان اخت كاميليا.
*وبدءوا جميعا في الانصراف من سرايا النيابة وقبل ان يستقل غيث سيارته تحت ضغط كاميرات واسئلة الصحافيين التي تجمعت حول غيث وجزء منهم حول ايمان شقيقة كاميليا التي سرحت قائله وهي تناظر غيث
وجه لوجه:
_غيث السالم هو السبب في كل اللي حصل لاختي هو السبب.
*فقالت احدي الصحفيات بستفسار:
_تقصدي ان غيث السالم هو السبب يعني هو ممكن يكون القاتل.
*تلجمت ملامح ايمان بالغضب وقالت بغيظ:
_يمكن يكون هو انا مستبعدش حاجه عن الراجل اللي كان السبب في طلاق اختي.
****************************
*وباحد الأماكن المعزولة قليلا عن التجمع وقف بسيارته يستنشق الهواء الذي كادت رئتيه ان تفقده وهو يراها في هذا الوضع المزل الذي قضي علي مشاعره وجعله مثل
المجذوب الذي فقد قلبه وعقله:
_كاميليا اتحملي...اتحملي عشان خاطر حبنا عشان خاطري انا ماصدقت لاقيتك.
*تنفس بضيق وأخرج زجاجة مياه من سيارته وسكبها فوق رأسه ليهدا من نيران تشتعل بجسده وهو يتذكر كيف
اقترب منها وعيناه تتركزان علي شفتيها والرغبة بهما
واضحة وصوتها يهمس بهما:
_أنا بحبك ياغيث عشان كده مش عايزه اكون سبب في تدمير حياتك اطلع واتكلم وانفي اي علاقة بيني وبينك المهم ترجع لشغلك وحياتك و......
*قطعها بقبلة ناعمة فوق شفتيها برقته المعهودة لترتبك
وهي تحط بكفها فوق صدره العريض تحاول ابعاده بعدم الرغبة في ابعاده ولكنها تخشي ضعفها:
_شهور عدتك باقي عليها اقل من شهر هنتجوز بعدها علي
طول عشان كده مش محتاج أنفي حاجه هي هتبقي موجوده فعلا....الحب مش عيب احنا مغلطناش اللي حوالينا
هما اللي غلطانين كل واحد فيهم جواه غل وحقد من انهم
يشوفوا اتنين عايشين في سعاده وحب حقيقي.
*أحنت رأسها عندما شعرت بدموعها تتدحرج فوق خديها
فكانت له اشهي واطعم... ما ارقها واجملها فرفع وجهها ليغرق شفتيه في شفتيها المغريتين ثم قال بأنفاس لاهثة ممزوجة بعبقها:
_هتبقي معايا الليلة.
*هزت رأسها ترفض بتلبك:
_لا...اقصد مش هينفع هند ممكن تقلق عليا وكمان مينف.....
*وضع أصبعه فوق شفتيها يمنع رفضها وقال بتصميم:
_هتفضلي معايا اتصلي بهند وقوليلها انك معايا.
*آفاق من شروده علي رنين هاتفه من داخل السيارة فاالقي
زجاجه الماء واتجه نحو السياره ليجيب علي الهاتف:
_غيث انت فين؟
*مسح وجه وقال بضيق:
_في حاجه ياعاطف...في مصيبة جديده.
*قال عاطف بهدوء:
_اهدا ياصاحبي كل حاجه هتتصلح ان شاء الله وأولها ان
مجدي رضوان عرف مين الصحفي اللي ورا الخبر ده وعرف مكانه فين؟ هو حيتصل بيك علي رقمك التاني لكن
انت قفله طبعا.
*ضرب باب السيارة يغلقه ثم أدار المحرك وتحرك بسرعه
من مكانه وهو يقل بصرامه:
_أنت فين؟!
انا هاجي اخدك ونروح لمجدي مع بعض ولا اقولك
انت هتعمل حاجه تانيه هقولك عليها!
********************
_خدي المبلغ اللي اتفقنا عليه وزي ماتفقنا مش عايزه اشوف وشك تاني اظن المبلغ اللي معاكي يخليكي تسافري
اي بلد ده غير طبعا اللي لهفتيه من المرحوم.
*وضعت نهال حقيبة جلدية بداخلها مبلغ مالي كبير حسب الاتفاق الذي تم بينهما منذ اسبوع...قالت الفتاة وهي تبتسم
بسعادة وتحتضن حقيبة النقود الي صدرها:
_بس انا معروض عليا شغل هنا وصدقيني مش هنطق بكلمة عن الاتفاق واطمني محدش قدر يوص......
*رفعت نهال كفها مقابل وجهها وقالت بصرامه غاضبة:
_لا تسيبي مصر خالص وسفري علي اي بلد لبنان مثلا هناك في مخرجين كتير ممكن بالفلوس اللي معاكي تعملي فيلم
أو مسلسل من انتاجك وتتشهري....والا.
*ابتلعت الفتاة ريقها وهمست متلجلجة:
_وألا ايه!!
*ضحكت نهال وهزت كتفها ودمدمت ببساطة شديده وهي تخرج من درج سيارتها زجاجة صغيره وحركتها أمام وجه
الفتاة التي بدأ يتمكن منها الذعر:
_بالازازة الصغننه ديه هشوه وشك الجميل ده وكده بقا لا هتعرفي تمثلي في مصر ولا في اي بلد تانيه....اسمعي يا
شاطره ده كان اتفاقي معاكي من الاول وانتي قبلتي.
*حركت الفتاة رأسها بارتباك وهمست بشحوب:
_خلاص هسافر...من بكره هعمل ترتيبي واسافر علي لبنان
علي طول انا اعرف ناس كتير هناك ممكن يساعدوني.
*ضحكت نهال ضحكة عاليه وهتفت بخفوت:
_برافو ايوه كده اسمعي الكلام عشان احبك.....
*لتتقلص ملامحها الي غاضبه وهدرت فيها:
_خالي بالك انا مش نايمه علي وداني هعرف اذا كنتي سفرتي ولا لاء وياويلك مني لو منفذتيش كلامي.
*ارتعبت أوصال الفتاة التي فقدت القدرة علي التحرك كأن
ساقيها تيبست من الخوف وهمست وهي تحاول الخروج
من السيارة:
_هسافر والله هسافر اوعدك مش هتشوفي وشي تاني.
*هزت نهال رأسها وقالت مبتسمة ببرود:
_شاطره يلا انزلي وخدي بالك كويس لحد ما تسافري.
*اخيرا تمكنت الفتاة من النزول وهي تحمل الحقيبة بيد
مرتجفة حتي انها كادت ان تقع من هول ارتجاف ساقيها لولا انها تماسكت حتي وصلت الي سيارتها الصغيره التي
كانت تصفها في الجهة الاخري وتحركت نهال بسيارتها وخلفها بثوان قليلة كانت سيارة اخري تتبعها من بعيد بعد
أن كتب من كان بداخلها حروف وأرقام لوحة سيارة الفتاة
الاخري...وهو يهمس بتفكير :
_أنا شوفت البنت دي فين قبل كده؟ وايه حكايتها مع نهال.
*******************
*بقبضة يده لكم الشاب الثلاثيني صاحب المظهر المبعثروصرخ عليه بغضب:
_مين... مين اللي قالك تنشر الصور والكلام القذر ده عني وعن كاميليا يابن الكلب.
*سعل الشاب وبصق من فمه الدماء وقال وهو يلتقط أنفاسه الضائعة:
_أنا ماليش دعوة انا نفذت اللي اتقالي وبس.
_مين اللي طلب منك تعمل كده؟ مييين.!!!
*صرخ غيث واصابعه تقبض علي عنق الشاب ليخنقه وهنا تدخل مجدي رضوان صديق غيث وقال بقلق وهو يزيح أصابعه عن عنق الشاب الذي يختنق بالفعل:
_مش كده ياغيث الواد هيموت في ايدك انت عايز تروح في داهيه في حتة واد شمام ده كلب اتشطب من النقابة وعايش علي صيد الاخبار....اتكلم يابني والا هتموت هنا وحتي الدبان الأزرق مش هيعرف طريقك...ولا اقولك انا هخليك تتكلم بطريقتي.
*وأخرج مجدي من جيب بنطاله ورقة بيضاء صغيرة وفوق كفه نثر مابداخلها من مسحوق ابيض واخذ يمررها أمام أعين آمين الذي سال لعابه وهو
يمرر لسانه فوق شفتاه ويحاول التقرب من مجدي ولكنه كان مقيد الاغلال فصرخ يستنجد به يقل:
_خلاص هقول...هقول كل حاجه بس.. بس اديني شمه.
*سحب غيث الورقة من يد صديقه وهتف بغيظ:
_اتكلم الأول ياكلب وبعدها خد وسختك ديه.
_هاني...هاني البوب مصور صحبي جالي وقالي ان فيه مره بس من النسوان الهاي اللي معاهم فلوس زي الرز هتديني عشرين ألف جنيه بس بشرط افبركلها كام خبر من الأخبار الشمال اللي تودي في داهيه علي الصور ديه وانشرها في كل المواقع اللي اقدر اهكرها واقدر انشر فيها وعملت اللي قالوا عليه هو ده كل الموضوع يا باشا هات بقا ابوس
ايدك....
*قبض غيث علي فكه بقوة وقال من بين أسنانه:
_اسمها ايه الست اللي طلبت منكم كده.
*اغمض الشاب عيناه من الألم الذي ينهش جسده وصاح:
_ورحمة امي ماعرفها الواد هاني قالي وحده بت ذوات وبس لو اعرفها هقول ياباشا يعني جت علي اسمها.
*تركه غيث والقي بالورقة فوق الارض فنحني أمين يحاول شمها فلكمه غيث بحذائه ووضع حذائه فوق الورقه وقال:
_اوصله ازاي الكلب اللي اسمه هاني.
_هقو..هقولك ياباشا بس اعمل معروف سبني أشد السطر ده.
_قولي الأول ياشمام ياقذر.
_هاني البوب تلاقيه في***********
*وبعد أن اعترف أمين عن مكان صديقه هاني تركه مجدي وغيث في الطريق الجبلي المهجور يواجه مصيره وسط الكلاب الجائعة أو مع الموت عطشًا بحالة جسده الميؤس منها:
***********************
*خرج غيث يجر ذيول خيبته لقد ذهب برفقه صديقه مجدي الي عنوان هاني الذي قام بتصويرهم استقبلتهم والدته والتي قالت لهما بأن ابنها ترك المنزل منذ يومان قائلا بأنه لديه تصوير حفل خاص بمدينة شرم الشيخ يبدو أنه اختفي عمداً بأمر من السيدة التي طلبت منه التصوير وفبركت الاخبار....بؤرة الشك تكبر وتتعمق بداخله من غيرها له المصلحة الكبري في تدمير علاقته بكاميليا بعد أن فشلت كل محاولاتها في بقائه بجانبها.....
*زفر غيث ماسحا وجهه بكفيه الصلبتين وتمتم بتوتر:
_وبعدين يامجدي هنجيب الكلب ده ازاي.
*ربت مجدي فوق كتفه وقال بتأكيد:
_متقلقش انا هجبلك الواد ده دي شغلتي المهم انت ريح دماغك شويه عشان تعرف تفكر...اديني يومين بالكثير والواد ده هيكون عندك.
*هز راسه وهتف بقلة حيلة:
_تمام هستني منك تليفون... سلام ياصاحبي.
***************************
*بكت أيمان بحرقة وأخذت تضرب فوق ساقيها وهي تصرخ:
_كان يوم اسود لما مثلت وعرفت الطريق الزفت ده وديه اخرتها طالق و علاقة مشبوهة و جريمة قتل كله بسبب الكلب اللي اسمه غيث السالم اللي ضحك عليها وعلي عقلها
وديه اخرتها.
*رمقتها هند وهزت رأسها تقل:
_مدام ايمان انت بتظلمي غيث هو مالوش ذنب في كل اللي حصل هو كمان أضر زي كاميليا بالظبط و....
*هبت أيمان من مكانها وصرخت بقهر تقاطعها:
_يعني انتي اللي كنتي بتشجعيها يااستاذه هند طبعا هي تهمك في ايه المهم مصلحتك وخلاص.
*وقفت هند وسحبت حقيبتها وقالت بهياج:
_أنا مسمحلكيش تقوليلي الكلام ده انا صاحبت كاميليا من زمان طول عمرنا واحنا بنفهم بعض من نظره عين مش زيك كل اللي يهمك بس المظاهر الكدابه اتجوزت أطلقت نسيتي ليه كاميليا عملت كده وباعت نفسها لواحد حقير زي راجح....ولما لقيت الحب الحقيقي مع غيث يبقي خلاص عيارها فلت وخرجت من تحت جناحك كفايه أنانية بقا غيث السالم بيحب كاميليا وبيخاف عليها اكتر منك انتي عن اذنك.
*ظلت ايمان متجمده في مكانها الدموع تترغرغ بعيونها وكأنها أصيبت بصعقة قوية ضربتها وبعثرت اوصالها:
*وبمنزل عاطف اجتمع غيث بالجميع للبحث عن دليل بعد أن بدءت تتشابك الخيوط ببعضها لتدخل وفاء مساعدة كاميليا تحمل صينية القهوة ووضعتها فوق الطاولة تقل:
_اتفضلوا القهوة.
*اطبق غيث كفيه ببعضهم وقال بغضب مكتوم:
_اللي اسمه هاني اختفي بس مجدي اكدلي انه هيعرف يجيبه.
*مرت لحظات قبل ان تقل هند متسائله وهي توجه حديثها الي عاطف الذي لم تفارق عيناه الجميلة الهادئة:
_أستاذ عاطف انت متأكد ان البنت اللي شوفتها مع نهال هي نفس البنت اللي كانت مع راجح.
*اوما عاطف برأسه وهتف بتأكيد:
_ايوه هي واسمها توته كمان انا عرفت كل حاجه عنها.
*عكف غيث حاجبيه العريضان وحك جبهته يدمدم:
_نهال كنت واثق انها ورا موضوع الصور والأخبار دي بس ممكن توصل الحقارة بيها انها تعمل حاجه زي كده معقول....
*قالت هند بحيرة وهي تناظر عاطف الذي لم تتزحزح عيناه عنها:
_لو فعلا البنت اللي أستاذ عاطف شفها معاها هي نفسها البنت اللي كانت مع راجح في المطعم يبقي أكيد نهال ليها يد في قتل راجح.
*توجه وحيد براسه الي عاطف وسأله بتأكيد:
_أستاذ عاطف انت متأكد فعلا ان البنت اللي اسمها توته ديه هي نفسها البنت اللي شوفتها
مع راجح تأكيدك ده هيترتب عليه ادلة كتير.
*ظل عاطف قليل الصمت يسترجع ذاكرته ثم قال بجدية:
_ايوه هي انا متأكد جدا علي حسب ماتفقت مع
غيث اني اراقب نهال بس لما شوفت البنت ديه
نزله من عربية نهال وماسكه شنطه كبيره في ايدها قررت اني امشي وراها ولما وصلت فضلت
مستني لما تدخل العمارة ونزلت وسألت البواب
في الأول طبعا رفض يقولي اي حاجه....
بس قدرت اتعامل معاه بطريقتي وطبعا اتكلم وقالي انها اسمها توته سكنت في العمارة من 5 شهور تقريبا واللي اجر لها الشقه ودفع سنه مقدم كان راجل بيه شكله غني وكان بيتردد
عليها من وقت لتاني بسرعه خرجت التليفون وقولت للراجل هو ده قالي هو....
*تجمدت ملامح غيث وهو، يهدء قليلا من غضبه ليقول بغضب:
_البنت دي ايه العلاقه اللي هتربطها بنهال غير انها اشتركت معاها في حاجه.
_صح عندك حق.
*هتفت هند بتأكيد....ليقف عاطف منتفض بعدما
تذكر شئ ما كان غائب عنه للحظات في ظل هذا
التوتر الشديد:
_اااه البواب قالي ان توته بلغته انها هتسيب الشقه كمان يومين.
*رد وحيد بصوت أجوف:
_يبقي هتهرب زي المصور وده طبعا نهال السبب فيه.
*فجأة صرخ غيث علي صديقه وهو يمسك بذراعه ويهزه بقوة كأنه سوف يضربه:
_وانت ازاي تنسي حاجه مهمه زي كده وجاي تقول دلوقتي!!
هه ازاي حاجه زي كده تعدي عليك البت ديه لو اختفت زي هاني هيبقي كل دليل بنجمعه بيروح في الهواء.
*هبط قلب هند بين قدميها وهي تري غيث يتحول الي غاضب قاسي علي وشك ضرب عاطف الذي امتص غضبه وظل واقفاً متحمل
فقالت برفق:
_غيث اهدا شويه العصبية ديه مش هتفيد بحاجه وحيد اعمل حاجه.
*توقف وحيد بينهما وابعد غيث عن عاطف الذي
قبض فوق كتف غيث الذي تلاحقه الشياطين ليقل:
_معقول ياصديقي حاجه زي كده هتعدي عليا مش بقولك ٱنا ليا اسلوبي وطريقتي الخاصه
توته لو اتحركت خطوه وحده البواب هيتصل بيا ويقولي وطبعا هيعطلها لحد مانوصلها أنا
زيك تمام كاميليا ليها معزه خاصه عندي ومش هسيب شويه اوباش زي دول يقضوا عليها.
*ضمت هند شفتيها باسف وهمست لعاطف:
_اعذره اعصابه تعبانه.
*ضحك لها برفق قائلا:
_مفيش مشكلة...غيث اهدا شويه عشان نعرف نفكر بالعقل.
*هتف عاطف من خلف غيث الذي ربت فوق ظهر صديقه
وقال متأسفًا لصديقه:
_متزعلش مني ياعاطف غصب عني...بس مش قادر اتخيل اللي بيحصل ده ايه اللي بين نهال والبنت ديه ازاي وصلت لها وازاي....
*التفت الي وحيد الذي يشاركه الشك وقال بحزم:
_بما أن البنت ديه علي علاقه براجح تقدر تدخل وتخرج من الفيلا براحتها ممكن تكون عملت مفتاح أو....
_أو هي اللي فتحت للقاتل الباب وكمان هي اللي عطلت الكاميرات...خاصة أن كاميرات الفيلا اتعطلت من الساعه11 بالليل يعني بعد خروج مدام كاميليا من عند راجح
بحوالي ست ساعات وطبعا مقدرش راجح يكتشف ان كاميرات المراقبه اتعطلت لانه كان مشغول وبكده قدرت
توته انها تدخل للقاتل للبيت وتعطل كاميرات المراقبه وده
طبعا تحت علم نهال اللي أجرت القاتل وقدرت تشتري توته بالفلوس.
*حلل وحيد الموقف بهدوء تام وهو يسرد الأحداث ويتخيلها براسه....صاحت هند بأمل يتجدد داخلها:
_هو ده التحليل المظبوط لكل ده.
*ردد غيث بصلابه من بين أسنانه المصطكين:
_نهاااال أجرت قاتل واشترت ال.......ثواني ثواني طيب ازاي اسورة كاميليا وصلت لبيت راجح وكانت جنب الجثة كمان ازاي وصلت الاسورة هناك ازاي!!!!!
هجنن من التفكير خلاص دماغي هتنفجر.
*رمقه وحيد باستفسار ثم رمق شقيقته وقال لهما بشك:
_اللي عايز اعرفه دلوقتي ايه السر اللي انتم مخبينوا عني واللي مخلي كاميليا رفضه الكلام ومش بتقول هي كانت فين ليلة وقوع الحادث من الساعه 12 بليل لحد 9 الصبح تقريبا لازم اعرف كل حاجه عشان اقدر أوصل شغلي صح.
*ابتلعت هند ريقها واحنت رأسها بينما ظل غيث واقفاً في
مكانه متجمد يلوم حاله وكيف استطاع ان يوافق هند علي
هذه المهزلة لقد طلبت منه كاميليا عدم الكلام في هذا الأمر
واصرت ولكنه رفض....ولكن هند بقت فوق رأسه تقنعه ان لا يبوح بهذا السر حفاظا علي كاميليا من القيل والقال يكفي ماهي فيه من مصائب حلت فوق راسها:
*قال غيث بتلجلج شديد:
_كانت معايا وباتت عندي طول الليل.
*********************
*بعد أن استمع وحيد الي غيث ثار قليلا ولكنه تراجع علاقة غيث و كاميليا زيدان واضحه أمام الجميع تنصف من ضمن العلاقات الغرامية الفنية التي يعرفها الجميع و
تثير ضجة كبيرة وبالتاكيد شهاده غيث لن يأخذ بها وكيل
النيابة سيعتبرها شهاده مدعيه من غيث لإنقاذ كاميليا و
تضليل العدالة خاصه بأن ليس هناك أي شهود اخرين علي
وجود كاميليا بهذا الوقت بمنزل غيث السالم....
*وبعد مرور يومان*
*أمر وكيل النيابة بتجديد حبس كاميليا زيدان 21 يوما علي ذمة التحقيق بعد ظهور بصمات اخري استدلي عليها
خبير البصمات بمسرح الجريمة....وكانت للفتاة تدعي توته
وبعد أيضا ان قام المدعو جادلله حسان حارس برج الزهور بشارع****ببلاغ الي القسم التابع للمنطقة بعثوره علي جثة فتاه تدعي تقي سامي أو توته ملقاه أمام البرج غارقة في، دماءها بعد سقوطها من الدور العاشر....
* وقدأفادت التحقيقات بأن تقي سامي أو توته كانت علي علاقة بالمنتج راجح سلطان الذي القي مصرعه منذ ايام....
**************
*كانت نهال تجلس في حديقه المنزل فوق الارجوحة تثني
ركبتيها العاريتان تتصفح احدي المجلات الأجنبية عندما شعرت بأصابع تعرف لمساتها جيدا وتميزها. تمر فوق ذرعها ببطء شديد وصوت رجولي اجش اشتاقت له يهمس برقة
بجانب اذنها:
_أنا آسف...غلطت في حقك وفي نفسي...
*التفتت وقالت بعينان متسعة تلمع بالانتصار وهي تمرر اناملها فوق خده:
_غيث.....
يتبع
