انت مرادى

نصائح

بنات انا عارفه أن اللى  هكتبه ملوووش دعوه بالرواية.  بس دى حجات مهمه حبيت اشاركن فيها زى حاجه حلوه عجبتنى   وعايزاكم تشوفوها  وتستفادوا بيها *مواقف مينفعش احنا ك بنات نعملها😌💙*

*وأنتي طالعه السلم وحد طالع وراكي أقفي وخدي جمب وخليه يطلع هو قدامك وأطلعي وراه دا بالنسبه لو كان راجل💙🦋*

*مينفعش تضحكي بصوت عالي في الشارع علشان متلفتيش الأنظار ليكي ومحدش يضايقك💙🦋*

*لو سمعتي فضيحه حد قولي اللهم أسترنا وخليها تتوقف عندك ومتقوليش لحد💙🦋*

*لو ولد قالك بحبك قوليله أدخل البيت من بابه صاحب البيت راجل مش أشباه رجال💙🦋*

*لو بنت مش كويسه ومش بتتقبل نقضك علي أسلوبها وطريقته بلاش تقولي عليها مش كويسه وأدعيلها بالهدايه كلنا معرضين للموقف دا يا قمر ومحدش معصوم من الغلط💙🦋*

*مينفعش لما تبقي قاعده مع اتنين من اصحابك تمدحي في واحده وتسيبي التانيه💙🦋*

*مينفعش لما تكوني بتكرهي حد وحد قاعد معاكي بيحب الشخص دا تحاولي تكرهي فيه لمجرد انك بتكرهيه💙🦋*

*مينفعش لما تقع منك حاجه علي الأرض تنزلي تجيبيها وانتي موطيه لازم تنزلي علي ركبك وضهرك يكون مفرود علشان محدش يبص عليكي💙🦋*

*مينفعش تذكري غيرك بالشر أذكريه بالخير حتي لو فيه الشر💙🦋*

*متدخليش في علاقه مع ولد حتي لو كانت صداقه لانه حرام يا قمري "ولا متخذات أخدان".. 💙🦋*

*مينفعش تعملي الغلط او الحرام بحجة ان الكل بيعمله لان الباطل باطل حتي لو الكل بيعمله💙🦋*

*مينفعش تشوفي منشور او استوري عن الصلاة ع النبي او الاستغفار وتطنشي لا اذكري الله وافتكري الآية الكريمة ف (سورة النور ) قوله تعالى :*
*"يَوْمَ تَشْهَدُ عَلَيْهِمْ أَلْسِنَتُهُمْ وَأَيْدِيهِمْ وَأَرْجُلُهُم بِمَا كَانُوا يَعْمَلُون"َ💙🦋*

*مينفعش تشوفي صاحبتك بتوقع في منكر او شئ غلط وتسيبيها لا روحي لها وانصحيها وعرفيها الصح من الغلط💙🦋*

*مينفعش تشوفي صاحبتك عايزة مساعدتك وتتخلي عنها إلا لو كنتي انتي مش هتقدري تساعديها💙🦋*

*مينفعش تبقي مسلمة وتسيبي صلاتك ومينفعش تبقي مسلمة ولبسك لا يمت للاسلام بأي صلة مينفعش تبقي مسلمة وتسمعي اغاني مينفعش تبقي مسلمة و عندك علاقات محرمة مينفعش تبقي مسلمة وهاجرة للقرأن ومينفعش تبقي مسلمة وانتي بتنمي ع خلق الله كل دي حاجات المفروض تكوني دايمة عليها مش علشان شيخة لا ده علشان انتي مسلمة كل ده فرض علينا 💙🦋*

*مينفعش لما صحبتك تقولك اي رأيك في الطقم بتاعي تقولي وحش أو لما تقولك اي رأيك في اللبس تقولي مش حلوه عليكي لاء💙🦋*

*قولي الطقم جميل والله بس لو كان كدا كان هيبقي يجنن عليكي أو تقولي علي الحجاب لو تلفيها بالطريقه كذا هتبقي قمر 💙🦋*

*نقي الالفاظ ي جميله 💙🦋*

*خلي بينك وبين أي شخص مسافه في كل حاجه علشان لو حد اقترب من نقاط ضعفك هتبقا مشكله كبيره💙🦋*

*مينفعش تتكلمي مع غير محارمك إلا للضرورة ومتخضعيش بالقول لأنك متعرفيش اللي قصادك نيته او تفكيره اي💙🦋*

*مينفعش تبقا حد بينصحك لاجل مصلحتك وانتي تردي بكل برود وتقولي ملكيش دعوة او انتي مالك ..اشكريها انها نصحتك وخايفة عليكي💙🦋*

*مينفعش تسخري من صاحبتك او صحابك اللي مستواهم اقل منك سواء الدراسي او المادي .. انتي متعرفيش يمكن عند ربنا احسن او يمكن تبقا ف يوم احسن💙🦋*

*مينفعش تحكمي علي حد من مجرد موقف حصل ممكن يكون خبرته قليله ومش عارف  يتعامل مع الموقف ده💙🦋*
*مينفعش تتكلمي مع ولد في الخاص لأن دي خلوه وحرام 💙🦋*

*اما تبقي ماشية ف الشارع وتلاقي واحدة لبسها مش كويس ادعي لها بالهداية مش تكرهيها او تتريقي عليها💙🦋*

*مينفعش تتكلمي عن ملابسك والاسعار وكدا قدام الناس علشان في بنات بتشتري هدوم بسيطه جدا وبفلوس بسيطه اوي وممكن طقمها يكون حد مديهولها💙🦋*

*مينفعش تتكلمي عن مامتك او باباكي قدام صحبتك اليتيمه💙🦋*عارفين ثواب غض البصر ؟ ..
تعالوا أقولكم 💚 ..
قـال النبي صلى اللّه عليه وسلم: " من غضَّ بصرهُ أبدلهُ اللّهُ عز وجل حلاوةً فى قلبه " 💚 ..
عارفين بقى عقوبة إطلاق البصر ؟ ..
قـال النبي صلى اللّه عليه وسلم: " إن الله كتب على ابن آدم حظه من الزنى مدرك ذلك لا محالة فالعين تزني وزناها النظر .. " 🖤 ..
زنا ي جماعة، وقال تعالى فى كتابه: " ولا تقربوا الزنا "، يعنى قبل الزنا خطوات مش تقتربوا منها ومن الخطوات دى إطلاق البصر وزنا العين لأن الفرج يصدق ذلك أو يكذبه 🖤..
ي ترى إيـه كمان ؟ ..
لو قدامك طبق فيه لحمة وحد قال: " اللحمة دى فيها حتة مسمومة "، حد طبيعى هيأكل منها ؟ ..
طبعاً لا، كلنا هنقول: " دى لحمة مسمومة، وهنسيبها ويبقى وجودها زيّ عدمها"🖤
طيّب سبحان اللّه، كل نظرة منك هتطلقيها لرجل لا تأمنى فتنته هى " سهم مسموم من سهام إبليس "، هل المكان الذى أصابه السهم هو المسموم ؟، أم القلب ؟🖤 .
احذروا تسمم القلب لأنه لو تسمم، فلن يسمن ولن يغنى من جوع 🥺🖤.

وربنا يوفقك الجميع
بحبكم في الله