『omegaဖြစ်ပြီး‌နောက်ကိုယ်ဝန်ရှိမှန်းသိရ』COMPLETE in paid gp

Part - 19.1 (Z+U)

🍼 မရည်ရွယ်ပါဘဲ ကြွားမိသွားခြင်း •1| ( Uni )

ဒီတစ်ကြိမ်မှာတော့ ဆရာ့အနေနဲ့ ကြီးကြီးကျယ်ကျယ် တုံ့ပြန်တာမျိုး မရှိခဲ့ဘူး။ သူက အံ့အားသင့်သွားခဲ့သော်လည်း တိတ်တဆိတ်သာ စင်ပေါ်ကို ပြန်တက်လာပြီး ဆက်စောင့်ကြည့်နေခဲ့တယ်။ သူ့မျက်နှာပေါ်မှာတော့ အနည်းငယ် တုန်လှုပ်သွားသည့် အမူအရာ ပေါ်လာခဲ့တယ်။

ဆရာ ထွက်သွားသည်နှင့် တပြိုင်နက် ချိယွီက သူ့လက်ထဲက ဘောပင်ကို ဆက်မလှည့်တော့ဘဲ စားပွဲပေါ်တင်လိုက်ကာ စာမေးပွဲပြီးသည်အထိ နာခံစွာ စောင့်နေခဲ့တယ်။

သူက ဟန်ဆောင်ဖို့ တမင်ကြိုးစားခဲ့တာ မဟုတ်ပေမယ့်လည်း သူ့ဦးနှောက်က တကယ်ကို ပင်ပန်းနွမ်းနယ်နေရုံပါပဲ။

စာမေးပွဲက တကယ်ကို ခက်ခဲလှသည်။

စာမေးပွဲက ယေဘူယျအားဖြင့် ကျောင်းသားအားလုံးအတွက် ရည်ရွယ်ထားသလိုမျိုး မခံစားရပေ။ ဆန့်ကျင်ဘက်အနေနဲ့ ၊ ဘွဲ့လွန်များကြားတွင် အသီး၏ခရင်ကို* စစ်ထုတ်ရန် အထူးပြုလုပ်ထားတဲ့ ခက်ခဲတဲ့စမ်းသပ်မှုတစ်ခုလို ခံစားရတာဖြစ်တယ်။

(T/N : အသီး၏ခရင် : အကောင်းဆုံး ။ခရင်မ်ကို 16 ရာစုကတည်းက "အကောင်းဆုံး" လို့အဓိပ္ပာယ်ဖွင့်ဆိုခဲ့တာဖြစ်တယ်။)

ကျောင်းရဲ့ သင်ရိုးညွှန်းတမ်းအဆင့်ထက် ကျော်လွန်သော မေးခွန်းများပင် ရှိခဲ့သည်။

ချိယွီသာ နိုင်ငံတကာသင်္ချာအိုလံပစ်ပြိုင်ပွဲအပါအဝင် ငယ်ရွယ်စဉ်ကတည်းက သင်္ချာပြိုင်ပွဲအမျိုးမျိုးတွင် ပါဝင်ယှဥ်ပြိုင်ခြင်းမရှိခဲ့ပါက ထိုငရဲမေးခွန်းများကို ဖြေဆိုနိုင်လိမ့်မည်မဟုတ်ပေ။ အဲ့လိုသာဆိုရင်တော့ သူက ဟယ်ကျိုးနဲ့ အလောင်းအစားကို သေချာပေါက် ရှုံးသွားလိမ့်မည်ပင် ။

ချိယွီက သူ့လက်နှစ်ဖက်ကိုစားပွဲပေါ်တင်ကာ ခေါင်းငုံ့ပြီးမှောက်အိပ်နေတာဖြစ်ပြီး ၊သူ့ရဲ့ မျက်လုံးတွေကိုမှိတ်ထားကာ စိတ်သက်သာရာရစွာဖြင့် သက်ပြင်းရှည်တစ်ခုချလိုက်တယ်။

ဤလုပ်ရပ်က ဆရာနှင့် အနီးနားရှိ ကျောင်းသားတွေရဲ့ အကြည့်ဆီ ရောက်ရှိသွားပြီး အားလုံးက လုံးဝ အံ့အားသင့်သွားခဲ့ကြတယ်။