『omegaဖြစ်ပြီး‌နောက်ကိုယ်ဝန်ရှိမှန်းသိရ』COMPLETE in paid gp

Part - 34 (Z+U)

🍼 ဒုတိယကြိမ်မြောက်သတိပေးချက် |Uni

နောက်တစ်နေ့မှာတော့၊ ရှောင်ကျိုးလေးနဲ့ Nanny ဆေးရုံကိုရောက်လာခဲ့တယ်။

အမှန်ဆို၊ ချိယွီကသူတို့ကို မလာစေချင်ခဲ့ပေမယ့်လို့၊ ရှောင်ကျိုးလေးရဲ့ ပုံသဏ္ဍာန်လေးက သူ့မျက်လုံးထဲကနေမထွက်‌နိုင်ဘဲ သနားစရာကောင်းလို့နေတယ်။

မနေ့က သူ ဖုန်းပြောပြီးနောက်ညမှာဘဲ Nannyကနောက်တစ်ခေါက်ဆက်လာခဲ့လို့၊ သူလည်း ယွီကျိုးလေးရဲ့ genderကိုမေးလိုက်တော့ baby alphaလေးအနေမဲ့ ခုခံမှုလည်းတိုးလာတာကြောင့် Nannyက ဆေးရုံကိုခေါ်လာခဲ့ဖို့ တောင်းဆိုတော့၊ ချိယွီလည်း လက်ခံလိုက်ရတော့တယ်။

ရှောင်ကျိုးလေးလည်း ဆေးရုံကိုရောက်ရော၊ သူက အရမ်းကိုငြိမ်လို့နေတယ်။ သူက ချိယွီကို တိတ်တဆိတ်သာ အကဲခတ်ကြည့်နေကာ၊ စပျစ်သီးနဲ့တူတဲ့ မျက်လုံးလေးတွေဟာလည်း မျက်တောင်တဖျက်ဖျက်ခတ်လို့ သူ့ရဲ့အကြည့်နဲ့ အမူအယာတွေကလည်း တုံ့ဆိုင်းလို့နေပုံပေါ်တယ်။

ချိယွီက ကလေးကိုအတင်းဖိအားမပေးခဲ့ပေ။ ယွီကျိုးလေးရဲ့လက်သေးသေးလေးကိုသာဆွဲကိုင်ကာ ညှင်သာစွာနှုတ်ဆက်လိုက်ပြီး : "မင်းငါ့ကိုမှတ်မိသေးရဲ့လား? ဟမ်?"

ချိယွီရဲ့အမူအယာက တည်ငြိမ်လို့နေပေမယ့်၊ အမှန်တစ်ကယ်မှာတော့ သူအရမ်း စိတ်လှုပ်ရှားလို့နေလေတယ်။

ယွီကျိုးလေးက pheromone နှင့်ဆက်စပ်သောရောဂါနဲ့မွေးဖွားလာခဲ့ရပြီး ယခုတွင်သူရဲ့ pheromone ကတစ်ဖန်ပြောင်းလဲသွားပြီဖြစ်တာကြောင့် ၊ သူဘယ်လိုတုံ့ပြန်မည်လဲ၊ နှိုးဆွခံရမည်လား ဆိုတာလည်း သေချာမသိနိုင်ပေ။

"မင်းငါ့ကို မှတ်မိသေးရဲ့လား?" ချိယွီက သူ့ရဲ့ လက်သေးသေးလေးကို ဆွဲကိုင်ကာ ညှင်သာစွာလှုပ်ယမ်းရင်းမေးလိုက်တယ်။

ရှောင်ကျိုးလေးက ချိယွီရဲ့ခေါင်းအုံးဘေးမှာ Nannyအထောက်အကူဖြင့် ထိုင်နေခဲ့တာဖြစ်တယ်။ ခန္ဓာကိုယ်သေးသေးလေးဖြင့် ခေါင်းအုံးဘေးတွင် တက်ထိုင်နေသည်မှာ ဘောလုံးသေးသေးလေးကဲ့သို့ပင်။

သူ့မျက်ခုံးလေးတွေဟာလည်း စုကြုံ့သွားကာ၊ သူ့ရဲ့နှုတ်ခမ်းလေးတွေဟာလည်း တင်းတင်းစေ့လို့သွားပြီး သူ့အမူအယာက နည်းနည်းတော့ပြင်းထန်နေလေသည်။ သူ့ရဲ့ လက်သေးသေးလေးတွေဟာလည်း သူ့ရဲ့ရင်ဘတ်ရှေ့မှာ တင်းတင်းကြပ်ကြပ်ဆုပ်ကိုင်လို့ထားကာ မျက်လုံးတစ်စုံကသာ လှုပ်ရှားလို့နေပြီး ချိယွီကို အပေါ်အောက် စိုက်ကြည့်လို့နေလေတယ်။