Please read Part : 29 first.🥺
• Unicode •
လျှောက်လမ်းအဆုံးရှိတံခါးမကြီးကဖြည်းညှင်းစွာပွင့်သွားပြီး အဖြူရောင်ပုံရိပ်အကြီးအသေးနှစ်ခုကပေါ်လာသည်။
သေချာကြည့်လျှင်တော့ အသေးလေးကအဖြူဆွတ်ဆွတ်ဖြစ်၍ အကြီးလေးကတော့ ဆင်စွယ်ရောင်ဘက်လုနေသည့်အရောင်ဖြစ်သည်။
အနီရောင်နှင်းဆီတွေနဲ့ပြုလုပ်လုပ်ထားသော flower crown နှင့်ဦးဟာ ထူးထူးခြားခြားကိုလိုက်ဖက်ညီလို့နေပေသည်။
ကြည်ကြည်စင်စင်မျက်နှာဝင်းဝင်းသည် နှင်းဆီနီတို့နှင့်အပြိုင် ညှို့အားပြင်းလှသည်။ တစ်ပြိုင်တည်းမှာပင် နူးညံ့မှုတို့ကအချိုးကျစွာရောယှက်လို့နေသည်။
သည်လိုဆွဲဆောင်မှုများနှင့်ဦးဟာ ကျရှုံးနှင့်ပြီးသား Sehun ကိုမြေပေါ်မှာများပြားပြားဝပ်နေစေချင်တာများလားနော်။
ဦး၏ခြေလှမ်းတိုင်းတစ်လှမ်းပြီးတစ်လှမ်းနီးလာတိုင်းမှာ ရပ်နေသောခြေထောက်တွေပင်တုန်လှုပ်လာသည်အထိ Sehun စိတ်လှုပ်ရှားလို့နေပါသည်။
ချစ်ရသူသည်မိမိအပိုင်ဖြစ်ရန်တစ်လှမ်းပြီးတစ်လှမ်းနီးကပ်လာသည့်ခံစားချက်ကား ပြောမပြတက်အောင် ကြည်နူးနှစ်သက်ဖွယ်ကောင်းလှသည်။
.
.
.
တံခါးကဖြေးညှင်းစွာပွင့်သွားသည်နှင့်အတူ ရင်ခုန်သံတို့ပေါက်ထွက်မတက်ကျယ်လောင်လာသည်နှင့်အတူ လက်ဖျားတို့ပါအေးစက်လို့လာသည်။
အပူချိန်ပြောင်းလာသောလက်တို့ကိုခံစားမိပုံရသည့် သားငယ်က လက်အိတ်အဖြူကိုဝတ်ထားသည့် Jongin လက်ကလေးကို သူငယ်ငယ်က Jongin အားပေးခဲ့သည့်အတိုင်း ခပ်ဖွဖွဖိညှစ်ရင်း တစ်ခြားလက်တစ်ဖက်ကလက်သီးဆုပ်ကလေးဆုပ်ပြပြီး ဖိုက်တင်းဟုနှုတ်ခမ်းလှုပ်ရုံပြောသည်။
သားငယ်က Jongin လက်ကိုတွဲကာရှေ့မှဦးဆောင်လျှောက်သည်ကိုကြည့်ရင်း Jongin တစ်ယောက်မျက်ရည်တွေဝဲလာရသည်။ မင်္ဂလာပွဲအစအဆုံးက Sehun အစီအစဉ်တွေပါတဲ့လေ။ ကြံကြံဖန်ဖန်တွေးတက်လွန်းတဲ့ကောင်လေးက မိမိအပိုင်ဖြစ်ရန် အချိန်ပိုင်းမျှသာလိုပါတော့သည်။ အရောင်တူပုံစံတူဖြစ်သည့် Suit ဆင်စွယ်ရောင်ကိုဝတ်ဆင်ထားသည့် ကောင်လေးကားအပြုံးလေးတစ်ပွင့်နှင့် စောင့်နေပြီဖြစ်သည်။
