• Unicode •
"ဟုတ်..အိပ်မပျော်တော့တာနဲ့"
ဦးလေး Wu ကခေါင်းတညိမ့်ညိမ့်လုပ်နေသည်။
"ကိုရီးယားကိုမပြန်ဘူးလား"
"ကျွန်တော် လွှတ်ချလိုက်ပြီ ဦးလေး"
"နောင်တမရဖူးလား"
"အဟင်း..မရဘူးဆိုရင်ညာတာပေါ့.ကျွန်တော့်လက်ကျွန်တော့်ခြေနဲ့ မူးလဲအထိကြိုးစားပေးဆပ်ထားရတာကို"
"..."
"ဒါပေမယ့်..ကျွန်တော့်လက်ထဲမှာပိုတန်ဖိုးကြီးတဲ့အရာတွေရှိနေသေးတာပဲကို..ကျေနပ်ပါတယ်"
ခပ်ဖျော့ဖျော့ပြုံးရင်းဆိုလာသော Jongin စကားကို ဦးလေး Wu ကတိတ်တဆိတ်ပဲနားထောင်ပေးသည်။
"Kai လေးရဲ့မေမေရော ဦးလေးနောက်ပိုင်းမကြားမိလို့"
"သူမ..သားကိုကျွန်တော့်ဆီပို့ပေးပြီး ခြောက်လပဲကြာပြီးဆုံးသွားတယ်..ဦးနှောက်အကြိတ်ကြောင့်."
"လက်တွဲဖော်ရှာဖို့မစဉ်းစားဘူးလား"
"ကျွန်တော့်မှာ Kai လေးတစ်ယောက်ရှိရုံနဲ့လုံလောက်ပါတယ်.."
"..."
ပြန်လည်တိတ်ဆိတ်သွားသောစကားဝိုင်း
Kai က Jongin ရဲ့သား။ လွန်ခဲ့သောကိုးနှစ်ခန့်က ပါတီတစ်ခုတွင် Jongin ဘဝအတွက် အမှားကြီးတစ်ခုကိုကျုးလွန်မိခဲ့ခြင်း။
သို့သော်ထိုအမှားမှ Jongin အတွက်အဖိုးအတန်ဆုံးဖြစ်သည့် သားငယ်ကိုခေါ်ဆောင်ပေးခဲ့သည်။
သက်ပြင်းခပ်ငွေ့ငွေ့ချရင်း အတွေးတို့ကိုပါ လေပူနှင့်အတူမှုတ်ထုတ်လိုက်တော့သည်။
**Ph ring**
"ဦးးးး"
စူးခနဲထွက်လာသည့်အသံကြောင့် Jongin ဖုန်းကိုနားနှင့်ခွာလိုက်ရသည်။
ဒီကောင်လေးကတော့..
"ကောင်လေး ဘာပြောစရာရှိလို့လဲ"
"ဦး..ဦးက S.J ရဲ့ CEO ဆိုတာတကယ်လား"
"CEO ဟောင်းပါ"
ခပ်သဲ့သဲ့ရယ်နှင့်အတူပျံ့လွင့်လာသော ဦးအသံကြောင့် Sehun ၏ယောက်ယက်ခတ်နေသော စိတ်တို့အနည်းငယ်တည်ငြိမ်သွားသည်။
