عند لين ..
سيدرا: اهلا بسندريلا كنتي فين
دارين: عيب يا سيرا كسفتي البنت
لين القت عليهم حقيبتها: بس يا بت منك ليها
سيدرا وهي تضحك: طيب خلاص خلاص تعالي اقعدي كدا و احكي بقى أي اللي حصل
لين: يختي يعني هيكون حصل أي قعدنا اكلنا، و كل واحد اتكلم عن نفسه، و بعد كدا روحنا قعدنا على البحر نص ساعة، و بس كدا و بعد كدا روحنا
دارين: هو انا بقولك رحتوا فين أنا عايزة التفاصيل يبت
لين: في أي الله محصلش حاجة هو دا غدا حبيبين دا غدا بين واحد و زميلته عادي يعني.
سيدرا وهي تنظر لها بخبث: وهو الوش اللي قلب أحمر وانتِ بتتكلمي عنه دا و عيونك اللي لمعت لما جيبتي سيرته يبقى غدا زميل و زميلته عادي
لين وهي تضربها على ذراعها و تنهض: ابو شكلك انتِ وهي والله لو ما اتلميتوا هاخد بعضي و اروح بيتي
دارين و سيدرا وهم يضحكون عاليها: خلاص خلاص اسفة هسكت بس بكرة تقعي و تيجي تقوليلي الحقيني
لين: نينينيني رخمة مش هقع متقلقيش هقعد على قلبكوا
سيدرا: يباااي يعني على أساس لو اتجوزتي مش هتقعدي على قلبنا دا لو مقعدتيش هنشنرحك
لين: متشكرة أنا طالعة انام
دارين: يا بت يا سوسة طالعة تنامي ولا تفكري فيه
لين: بس يا حيوانه هوووف و صعدت لين لغرفتها
سيدرا: شوف البت شكلها وقعت
دارين وهي تنظر بمكر لسيدرا: واضح ان مش هي لوحدها اللي واقعة يعني
سيدرا وهي تضحك وتغمز لها: مش لوحدنا يا ديدا ها مش لوحدنا، و نهضت و ذهبت لغرفتها
دارين: يارب البت دي هتشلني ،ثم تنهدت "وبعدين في الأخ اللي بحبو و مش حاسس دا دا لو حمار كان حس والله"
لين وقد كانت خرجت من غرفتها و ذهبت لترى دارين وجدتها تجلس بمفردها و سمعت ما قالته دارين،
لين وهي تجلس بجانبها قائله: بأمارة الدبش اللي بترمي ف وشه كل ما تشوفي وشه
دارين: بحبه يا دارين بس مقدرش اقوله، مش هينفع اقول لواحد مش بيحبني اني بحبه او اصلا مينفعش ابدأ أنا باعتراف المشاعر علشان متجرحش لو رده طلع غير اللي ف دماغي
لين: وهو انتِ كدا مش بتتجرحي كل ما تخبي و تزعلي
دارين: لا يا لين مش بتجرح، دا قلبي وربنا اللي حط حب سليم ف قلبي ف أكيد في حاجة ورا كدا، ربنا مش هيحط حبه ف قلبي لله و للوطن وأنا قاعدة مستنية اشوف بقى السبب و الحكمة ف اللي أنا فيه دا.
لين وهي تمسك يدها: وأنا معاكي يا دارين
دارين وهي تحضنها: مش مصبرني غير انك معايا يا لين
___________
في الصباح عند فارس
استيقظ فارس و أخذ حمام و ارتدى ملابسه الذي كانت عبارة عن بدلة كحلي أنيقة
وخرج من غرفته الى غرفت سيلين ليرى ان كانت جاهزة كي يأخذها و يوصلها على الجامعة لان رحلتها سوف تكون اليوم.
عند سيلين كانت تضع بعض اللمسات من أدوات التجميل
و كانت ترتدي بنطال باللون البيچ و بلوزة باللون الابيض و ترفع شعرها على هيئة ذيل حصان.
دق فارس الباب ليدلف عندما سمع إذن سيلين للدخول
فارس وهو يصفر: أي يا بت القمر دا
سيلين: دي أقل حاجة عندي
فارس بضحك: على وضعك، يلا ننزل علشان الفطار
سيلين وهي تضحك: يلا
و هبطوا الدرج و كان سيف يجلس و يأكل على مائدة الطعام.
فارس: يا اخي أنا مشوفتش ف بجاحتك بتاكل من غيرنا
سيف: أنا لسة هستنى دا انتوا بتنزلوا ف قرن
سيلين: واطي
سيف: متشكر
وجلس ثلاثتهم يتناولون الطعام ثم انتهوا من الطعام و قاموا ليذهبوا الى عملهم
