ازقة الموت
البارت 57
ارقم-تشوفهه الهه لو للشقه
وطبان-الاثنين
ارقم-يعني عجبتك
ابتسم باستهزاء وطلع جكاره وصفن
خزعل -الوحيد الي اكدر اعرف تفكير وطبان غامض كدام الكل بس مكشوف يمي يمكن الكل يصدك الي يحجي اله اني مستحيل تعبر عليه
عرفت قصده يريد يبحوش وراهه ويعرف شنو الشي الي لاحكه بي ماجد
ماجد جنت اتوقعه ذكي خاصه هو مسيطر على الي بالبتاوين رغم ما مو من سكانهه
بس انطه نقطة ضده وخلاهه بيد وطبان ومتأكد وطبان راح يشتغل عليهه
باوعت عليه كتله هاااا رفع حاجبه وابتسم
وكام
وين
وين يعني للحمام واريد انطمر حاولوا تتوزعون
بهاللحظه اندكت الباب كمت اني
ابو ماشه اول مشافني وهو يدخل گال
جاي راسي راح ينفجر......... اجه وطبان
اي اجه وبالحمام
دخل للهول واني رحت للمطبخ خليت القوري على النار سمعت ارقم صاح كبت العيطه بينه وبين ابو ماشه
احس نفسي كمت مااطيق حياتنا بس شسوي ماعندي غيرهه
ارقم-شكووووو شبيك حلمان بيه
حيووووان ليش تبحوش انتَ بالمواضيع
ارقم-اهوووووو موتوني شمدريني بسوالفكم اني وبعدين اني مبحوشت خزعل الي بحوش
صار حديثهم بدخلتي كبل دار عليه
علساس ارقم
خزعل-يابه اني شعليه هو جابهه هنا
ساجت-يابه دسدوا لهذا الموضوع تره لعبتوهه النفسنه
خزعل-اي بالقران لعبت نفسنه بدال هاي السوالف حيروا شراح ناكل وبضاعه الحد الان ماعدنه
دخل وطبان وهو ينشف وجهه
وماكو بعد بضاعه
ابو ماشه-يعني بعدك مصرررر
وطبان-اي ومراح اتراجع
ابو ماشه-وشناكل حصوووووا
وطبان-الاكل يدبررر بس الي يموت لو ينسجن ينفني عمره
واني ممستعد اخسرررر بعد واحد
ابو ماشه-انتَ هيج راح تفتح علينه باب الخسائر الف مره كتلك الي يغرك بعد ميكدر يطلع منهم
وطبان-بعدين نسولف بهاي السوالف يرادلنه كعده
طويله واني توني واصل وصار يومين منايم صدك
شرشوبه شعجب مأجتي
ابو ماشه-عوفك من شيرين هسه وگلي شنو فلم ماجد ومنو هاي البنيه
وطبان-دكتوره تشتغل بمستشفى الامراض العقليه صلفه ومتخاف تهددت اكثر من مره ومتوقفت
