ازقة الموت
البارت 40
مگتيلي الطفل حركته طبيعيه
جانت عيوني مدمعه من طلب مني اتصل على وطبان واطلب منه يجيني حتى يسويله كمين واني تخربط كل كياني
هزيت راسي بمعنى اكله اي بدون مااحجي ولا كلمه
فاهم-شبيج اكو احد اكل اللسانج
ميسم- حركته طبيعيه
ابتسم وهز راسه وگال ديربالج عليه هو الي مخليج عايشه الحد هاي اللحظه
باوعت عليه بدون مااحجي اني وين وهو وين
اني افكر بوطبان فهم لو مفهم كدرت اوصله لو مكدرت شسوي اذا مات وبسببي بعد مااتحمل كلشي كاعد يصير اكبر من طاقتي
اول منسد الباب خليت ايدي على گلبي وطلع صوت انفاسي
يارب أحمي وطبان يارب والله مااكدر بعد والله خلصت قابليتي مااتحمل يموت وطبان
گلبي كام يوجعني ظَلمت الدنيا بعيني
بلله مفهم وكتلوا شلون يارب شلون
اختنكت اريد اصرخ من مد ما الخوف سيطر عليه
صار شكد مباجيه رغم كلشي كاعد اعيشه
اتألم بس اتذمر بداخلي بس دموعي متنزل
بس من خوفي على وطبان نزلت دمعتي
جانت عندي مشاعر تجاهه قبل واليوم حسيت بعدني احس بمشاعر تجاهه لان خوفي عليه مو خوف طبيعي
مو مجرد رهبه لفلان راح يكتلوه لا حسيت نفسي اضيع اتيه وغم ما اني ضايعه هسه بس خفت من الضياع مره ثانيه
هو اول حب بحياتي حتى اذا بس من طرفي بس هو اول واحد دخل گلبي
مثل البنيه اول حب بحياتهه من تنولد ابوهه من تشوف حنيته عليهه اني هيج ويه وطبان اول واحد حسسني وعلمني شنو معنى الحنيه
خوفه عليه صلاته الي صلاهه اول مره علمودي
شلون اركنهن على صفحه مااكدر
يمكن هاي الشغلات الي سواهن رغم اصله مجرم
بس ذني كفيلات يبوكن گلبي
حبيت شداد يمكن حبيته ويمكن تعاطفت وياه
بس بقيت من ينذكر اسم وطبان گلبي يرجف
لذلك حسيت نفسي اريد انهار من الخوف على وطبان
وشلون راح اطمئن عليه بقيت الوب الوب ومابيدي شي ماعندي وسيله اعرف بيه الي صار
تجيت راسي على الحايط وكمت احركه منا ومنا وايدي على بطني والوب مثل المريض الموجوع وماكو دوه يسكن وجعه جان دوايه وعلاجي هو خبر عن وطبان
……………………….
خزعل-جنت متمدد على القنفه ومخلي رجل على رجل واگلب بالموبايل واتثاوب مااحس اله وطبان جان كاعد كال الو وراهه كام مثل المخروع ويصيح وين انتِ كبل صفحت روحي وكمت اباوع عليه اول ما فهمت من كلامه ميسم گبل كمت على حيلي
الحد مانهه المكالمه راد يطلع بدون ميحجيلي كتله
-وين هيه
-بالدوره
-شتسوي هناك اختهه مكالتلي عدهم كرايب هناك
