ازقة الموت
البارت 51
الحد ما انفتحت الباب مااشوف شي لان همه واكفين
بس شفت خبصتهم وكلهم دنگوا على شي
بس من خزعل كال هاي بطه
مااعرف شكاعد يصير بس شهكت سعيد وعيونهم وهمه يباوعون وكلهم جامدين بمكانهم مثل المصدعين
وخزعل الي خدار وجهه وخله جف ايده على عينه الي نزلن دموعه خلتني انزل بسرعه
كتلني الفضول اعرف شكاعد يصير وليش هيج
باوعت وطبان كاعد ومدنك راسه وساكتين كلهم ساكتين محد ينطق ولا حرف ماعده وجوههم مبين عليهه الخرعه
مجنت متحيله راح اشوف هيج منظر بحياتي كلهه
جانوا كاطمين راسهه وباقي شويه بجسمهه
شهكت وبنفس الوكت حسيت نفسي تخبلت
وجهي كام يرعش من الرجفه واصرخ
گبل سد عيني خزعل وسحبني
للهول واني على نفس الرعشه والصوت بحيث شفتي ويه الصرخه ترجف
المنظر جان مستحيل ينوصف
خفت خفت من هذا المنظر
يمكن بالربع ساعه لو اكثر اني على نفس الصرخه والرجفه وجانت تزيد متقل
الحد ما زادت اكثر وجسمي كله كام ينكت مثل الواحد المنتول
وخزعل الوحيد الي احتار بيه الحد ما ارتخه جسمي يالله استوعبت خزعل مخلي بحلكي طرف البطانيه
وفهمت اني صارت عندي حالة صرع الاول مره بحياتي كلهه
كمت اون من اتذكر المنظر
وخزعل يبجي وياي
كافي ميسم اصحي
ذاب ذابحيهه البطه
الخوف سيطر عليه بهاي اللحظه كل ما تمر بيه الايام كل ما اشوف الي راح جان اسهل بهواي
ولا يوم من الايام خطر ببالي اشوف هيج منظر
طلعني من الهول خزعل گلي صعدي فوك واني اطلع من الهول كبل سد عيني
لتباوعين ميسم صعدي بسرعه
الحد ماوصلني للبايه وصعدت اركض قفلت الباب عليه
المنظر ميروح من بالي ورگبتي حسيت كانما بيهه سجينه تنحر بيهه
.....................................
خزعل-شكد ما اني متربي بهذا المكان شايف جرائم قتل هواي سامع بموت هواي عايش فاجعة موت اصدقاء
وشكد ما جان الموت يلحكنه بكل مكان
الاول مره بحياتي كلهه احس بهذا الاحساس
احساس العجز عن كل شي مااعرف شسوي
ووطبان كاعد وبحضنه راس بطه الي باقيله شويه وينفصل عن جسدهه والدم بحضنه
ووجهه صار وساكت
گبل ساجت طلع يركض واني بهاي اللحظه گبل اجتي ببالي غفران
گبل رحت اتصلت عليهه مجاوبتني رجعت اتصلت مره ثانيه ردت اطلع اركض اني هم
