ازقة الموت
البارت 61
سمعيني خليني احجي
باوعت عليه واني ابتسم صارت عيني على جتفه
بتشيرته جان احو خيط مديت ايدي أوخر الخيط
هو حجه رأساً
حاتم تعرفي حاجيلج عليه شنو وتعرفين هو ابو سعيد
باوعت عليه وبس لا مات
مو انتِ امنيتج ترجعلج حياتج القديمه وراحة بالج
باوعت عليه بتعجب
هو الوحيد الي اكدر أأمنج يمه واضمن ميصير عليكم شي
وهناك سعيد هم يمكم فتره تبقون وبعدين وين متريدين تروحين روحي
باوعت عليه بصدمه شكاعد تحجي انتَ
كاعد احجي الي راح يصير جهزي نفسج
يعني انتَ خاصم المسأله وجاي تگلي جهزي روحج
بدون متسألني شريد
وطبان راح تسَفر الولد وتدزني يم سعيد وانتَ
هم يالله تجهزين روحج
وانتَ
راح تتأخرين
واااااااانتَ
اعتبريني كابوس وصحيتي منه
ضحكت واني عيوني بيهه حزن
اعتبرك كابوس هيجججج بكل بساطه وها بشرط اصحى منه اي مو هي دگمة ادوسهه
ماافيدج بشي اني راح ازود جروحج ووجعج
تعرف شنو احقر شي بالدنيا تنطي الواحد امل كاذب
شعور بشع من تتأمل شي ويطلع جذبه
خليتني اتأمل هواي تتغير واعيش وياك براحه وهسه جاي تگلي ماافيدج
ماافيدج عگبيش ......عگبيش ...عگب مااحبيتك
عگب ما كمت اشوف الدنيا بعيونك
عكب ما صرت كلشي بحياتي
مو من حقك مو من حقك متعوف كلشي وتتغير
انتَ وعدتني الرجال منين ينعررف من يوفي وعوده
واني كاعد اووفي بوعدي الج
وعدتج اطلعج منا ووعدتج احميج بابا لتتوقعين الي ةاعد يصير سهل
نزلت دمعتي وتقربت عليه
وخليت ايدي على وجناته ووالله سهل يهل اذا انتَ سهلته وخليتنه نطلع منا كافي تموت بينا خلينه نعيش حياتنا
لتصيرين مطيه كدامج فرصه تعيشين حياتج لتفكرين بروحج فكري بأمنيه تتحملين يصيرلهه شي
وخرت ايدي من وجناته وابتعدت عنه وغمضت عيني بيأس
تعبتني تعبتني هواي
جر ايدي ولزمهه لتعذبيني اكثر من عذابي
جريت ايدي منه بحديه
ماشي ماشي ياوطبان ماااااشي اخذت الترمز بدون مااكمل المي
عفته وصعدت فوك واني منهاره بالبجي
اول مفتحت الباب شافتني زهراء جانت متمدده ومخليه رجل على رجل وتهز برجلهه گبل نزلت رجلهه وكعدت
