ازقة الموت
البارت 52
اذاتروح هسه تطلعني لعد من هاي المنطقه كلهه قبل لتروح الاي مكان
مااكدر ابقه هنا بعد ومااتحمل تصير فاجعه ثانيه گبالي
تعبت ....تعبت وطبان
روحي صعدي فوك ونامي احسلج
وكافي تلطلطين منا ومنا وتدخلين بأمور مالج علاقه بيهه
شلون مالي علاقه بيهه اذا تروح هسه انتَ ويصيرلك شي اني منو ألي منو يطلعني منا
دير بالج تحسين بيه اني الامان الكم
مراح اكدر احميكم شفتي گبالج
لاكدرت احمي شداد ولا كدرت احمي بطه من غير الي مملحگه عليهم مكدرت احمي ولا واحد منهم
وفوك كل هذا ماتوا بسببي
ومنو گلك اني احسك الأمان ألي اصلاً بذاك اليوم علمتني درس جبير
مااوثق بأي بشر بحياتي كلهه
بس انتَ سبب كلشي صار بيه ومو من حقك تروح للموت قبل لتطلعني منا
واذا تگول الولد هنا منو مثلاً ابو ماشه الي راد يموتني بيوم من الايام واي شي يصير
يذبه براسي حتى موتت بطه جاب اسمي بيهه
لو ساجت الي يمشي وره ابو ماشه
لو سعيد الي كاعد يموت من وره السم الي تتاجرون بي
وبس خزعل وخزعل ميگدر وحده
وارقم توه طللع من السجن
لتدورين بالدفاتر القديمه تذكري منو طلعج من الموت
ومنو طلع امنيه مناك
عجيب البشر الزين يذبه بالشط ويبقه بداخله بس الشي الموزين
اني منسيت الزين ولا نكرته بس الشي السيء من كد ما يحطمنا ويكتلنه من داخلنه مننساه وبعدين اصير لو مااصير اني غريبه بالنسبه الهم وبعدين هو النبي يوسف من الي ذبه بالبير غير اخوته
تريدني الغريب اوثق بي اني مااوثق بأي احد وماريد اوثق ولا اريد احد يعامبني زين لو ميعاملني
كل الي اريده اطلع منا اني وبنتي طلعي منا قبل لتروح
مااوثق بيك بس مجبوره اصدك انتَ الوحيد الي تكدر تطلعني منا
بقه يباوع عليه وهز راسه فوك وجوه ووياهه ابتسامة استهزاء
وعافني ودار وجهه فتح الباب
شنو مسمعتني
بدون ميدور وجهة گال
-سمعت لغوه زايده هواي
اول مطلع گبل رحت للهول جان خزعل نايم بالكاع
دنكت عليه بهمس وبيدي اندس بي
خزعل خزعل
كبل هو فز جر سلاحه
اني ميسم خزعل
اخذ نفس شكو ميسم
وطبان مااعرف منو اتصل عليه وطلع هسه
لا بشرفج خرب ببليسك وطبان كام بسرعه من الفراش طلعت وراه للكلدور
