كل عام وانتم بألف خير ينعاد علينا وعليكم بالصحه والسلامه
❤️
ازقة الموت
زينب العبودي
البارت 59
مو عبالك صوتـ..هه
مااحس اله ساجت طخ بجتفي واني بعدني ممكمل كلامي وراد يوكع بالكاع لزمته واني اكول
قريب
سااااجت سااااجت شبيك ساجت
ذب كل ثگله عليه بحيث ردت اوكع لزمته من متونه وصار راسه على صدري واني احس فقدت قوتي كلهه من شفته ماعنده اي قوه ومنتهي ووكعت بالكاع صار راسه على صدري واني كاعد
ساجت ساجت شبيك خويه شبيك ساجت شبي حيلك شو انهد وهد حيلي وياااا
ساجت خويه لتتشاقه مو حمل شقه اني
ولك ساجت
توك ولك توك واكف وياي ولكم يانااس ساعدوني ساجت ولك خويه
رفعت راسه من صدري
باوعت الدم من راسه شفتي كامت ترجف كمت مااكدر لا اصيح ولا حتى احجي خليت راسي على راسه
جذذذذذذذذذذذب ....جذب والله كاعد تتشاقه وياااااااي ولك توووووك واكف وياااااااي
ولك خووووويه كووووم كمت اتنفس سريع واشهك محالي حال الطفل
ساجت ولك خويه عليك الله كوووم عوفك من الشقه
كمل كلامك وگلي باجر خطوبتك مگتلي شراح تلبس
ساجت لك كوووم دنكت راسي على راسه والناس كلهه التمت
طلعت سلاحي وكمت ارررمي فوك كل الواكفين كامت تتصارخ الحد ما اجه ابو ماشه كبل جر السلاح مني
ابو ماشه-ساااااجت ساجت ليش نايم بالكاع
دنك عليه وراد يرفعه
ولك ساجت سـااااااا
ميسم-جنه كاعدين وشرشوبه تبجي على سعيد وتعاتب بوطبان
انضربت طلقتين وسكته محد من الولد اهتم لان دائماً تصير وجانوا مندمجين يسولفون على سعيد
ويدخن وطبان وميحجي اي شي
فجأه سمعنه رمي صل طلقه وره طلقه وبنفس الوكت
انضربت الشباك وواحد يصيح
سااااجت انكتل ساااجت انكتل
كلهم كاموا فرد كومه بحيث ارقم جان متغطي ببطانيه كام وراد يعثر بيهه
وشرشوبه گبل عاطت يمه سااااجت يمه يمه وكامت تركض وراهم اني هم ركضت طلعت عتبة الباب ووكفت رأساً تذكرت امنيه وزهراء اني مستوعبت شنو يعني مات گبل نزلت دموعي ممستوعبه
نزلت زهراء تركض
شكوووو شكاعد يصير ميسم شصارررررر ميسم
متحجين
كتلوا ساجت
ياهوه بيهم
ساجت ساااجت خليت ايدي على وجهي يايمه يايمه مكاعد اصدك
................................
