ازقة الموت
زينب العبودي
البارت 36
حسيت بهاي اللحظه نغزة بگلبي الاول مره اخاف على شداد
الدرجة الخوف الي جان متملكني ومخليني اركض اريد اصعد خاف احد هجم على البيت انتزع مني فجأه
وبهاللحظه بس اريد اعرف شداد بي شي لو لا
نزلت من الدرجايه وركضت على الباب فتحت الباب
وشهكت بكل علو انفاسي
ورأساً نزلت دمعتي
جان شداد مشمور بالباب ونص بطنه طالعه لان التشيرت مرفوع وعيونه ناطه والدم براسه
والي جاي يركض من جماعته وألي يصيح كتلووو شداد شداد انكتل
صرخت ودنكت كعدت على حيلي رفعت راسه وخليته على رجلي
شداد شداد كوم شداد عليك الله كوم
شداد شدادددد لتسوي هيج توك توك والله جنت
ااااااخ
شداددددد شداد عليك الله كوووووووووم
دنكت اصرخ وشفتي مطبوعه بكصته واصرخ بعلو صوتي
فصلت عن العالم كله الحد ما اجتي شرشوبه تصرخ
صوتهه جان جايب التايهه وتبجي وتصرخ بحرگة گلب
ولك عمة عيني شداد عمة عيني عليك
وشويه وصار صوت دراجة شحطت نزل منهه وطبان حتى قبل لتوكف الدرجة انگلبت
ووكف مصدوم وعيونه ناطه ووراه مباشرتاً اجه ساجت يركض ووكف بصف وطبان ورفع ايده خلاهن على راسه
وخزعل جان حافي گبل اجه على شداد وشمر روحه عليه زود وجعي وكسرتي جنت اني اصرخ وشرشوبه وخزعل يبجي ويصيح بصوته الخشن
خويه ولك خويه ولك خووووويه ولك خووووويه
كوووووم ولك خووووووويه
واخرهم اجه ابو ماشه من شافه تخبل گبل اجه عليه ورفع جسمه وكعده وحضنه بكل قوته وييصح
ولك شدادددددددد
جنت منهاره بالصياح مجنت متوقعه بيوم من الايام اصرخ على موتت شداد
حسبت الدنيا ظلمت بعيوني اكثر ماهي ظلمه
توني حبيتك توني توني توني ارتاحيت وضحكت
راح من ايدي
فوكاهه ترگلي ذكريات اخيره شلون تفاركني
حتى ريحته بعدهي مطبوعه بصدري
رجفة جسمة بعدني اشعر بيهه
دموعه هضمت گلبه جان بردان حتى من اني حاضنته بردان ملحكت ادفي وانسي الي عاشه
جان حاب يتغير ليش يارب منطيته فرصة يتغير ويكفر عن ذنوبه
يمكن بقوا بالنص ساعه صياح وبجي كلهم مو بس جماعته هواي جانوا ملمومين عليه يبجون
اخر شي وطبان تربع وكعد گباله جان كل جسمه منتفض يهتز بس ماكو دموع وعيونه حمر وناطات اخر شي طلع سلاحه وكام يرمي فوك وعاط
