ازقة الموت
البارت 37
نزل واحد منهه گبل كال
هوب هوب لتتحركين لتعبيني ولا اتعبج
صعدي بالسياره واختصري الطريق
باوعت عليه وكمت دور بعيوني على الشارع بلكت الكالي منقذ باوعت الشارع سريع وكل السيارات تمشي سريع من يمي
منوووو انتَ وشتررريد مني
على اي اساس اصعد وياك
على اي اساس اصعد وياك على اي اساس
على اساس نسولف بهداوه ونتفق هااا شگلتي
غلقت عيوني شويه وحواجبي انعقجن من الصدمه والشبه بالكلام
انت انت اخو شداد
لا يالله شلون عرفتي حتى يكولون منتشابه بالشكل ابد ايااا ملعونه واگول شداد كتل روحه عليج ثاريج ملعونه
يالله نفس الاسلوب ماكو فرق احس شداد واكف گبالي من يحجي
عض ايده الفوك جفه وباوع عليه
سوه ساعه باسنانه وبعد ايده وركز كأنما يباوع على الساعه وگال
الساعه هسه كلهن مجموعات بسيم واحد بس يتزحزح شويه احسلج الكاج كاعده ومتشخصه بكرامتج بالسياره
واذا مصاعده بكرامتج اعتذر منج ست الملعونه معناهه اتصرف اني
يلله نبدي صفك وكال خلص الوكت طلع من جيبه سرنجه
مخبل شلشني بسوالفه وخباله دوخني بحيث مااعرف شسوي اباوع لخباله لو افكر اخلص روحي
مااحس اله حسيت حراره برگبتي والدنيا افترت بيه
اصلاً جنت مأيسه وضحكت بداخلي من شفت السياره اظاهر الدنيا مستقصدتني
ليث جان عثرة ألي هسه شيصير خل يصير ميهمني
وصلت مرحلة مات گلبي
اختصرت واقتنعت الي ماعنده سند يستاهل جعر جهنهم لو شيصير متنعدل وياه
مو ذنبه صح بس القدر ميتغير لو شيصير
فتحت عيني صوت بزونه
ميووووو ميوووووو ميووووو
بديت استعوب الصوت تحركت حركه سريعه انضربت رجلي عطت الدنيا ظلمه بس النجوم مبينه والدنيا بارده
كمت وكفت على حيلي وصوت البزونه منرفزني
ميوووو ميووووو ميووو
كمت اتلفت يمين يسار اني مو بغرفه ولا بأي مكان
بقيت بالنص ساعه كل ماامشي كل ما رجلي تطخ بشي وحافيه
ميووووو ميوووو
درت على اتجاه البزونه وينهه الاول مره اخاف من البزازين ويه الظلمه شي مرعب الصوت
لمحت من بعيد عيون تلمع جانت بس عيونهه تلمع
ردت اركض عثرت بحديده دنكت على رجلي لزمتهه بجف ايدي اااااخ ياربي
ياربي وبعدين
ميوووووو
اااااش اش اش اش ونزلت دموعي ياربي ساعدني
كمت كملت طريقي المنور ضيق عرضه متره اذا جان منور مااعرف شنو
