ازقة الموت
زينب العبودي
البارت 21
كومته وغسلتله وجهه جان مغمض كوه مفتح عيونه
كتله تعال خليني اريكك حتى نروح
فرك عيونه وگال وين نروح
المكان
وين المكان
دتعال تريك هسه كعدته على الفراش وجبتله لفه
انطيتهيا
ماريد مجوعان
لازم تاكلهه
وين راح نروح عليج الله
باوعت عليه اللحظه تذكرت الي صار ويايه من شداد لزمني ومن يتقربلي ومن يهددني بليوثي وكلام ليوثي
ضحكت عليك ردتك تكعددد تتريك ويايه
يعني انتٍ جلابه
جلابه شنوو جلابه شنو
ضحك وكام يعصر ويحجي بصوت جذااااااااابه كلت
والله
لا كلت جلابه انت جلاب ضربني بوكسي على جتفي
أه ه ه هاي ضربتني سويت روحي ابجي وهو هم يضرب بيه جنت لازمه اللفه خليتهه على المخده
جريته عليه وخليته بحضني وكمت ادغدغ بي وهو يحاول يوخر مني الحد ما نام على الفراش واني ادغدغه واضحك ويا
فجاه وكعت نقطة دم على وجه ليث باوعت عليهه وبنفس الوقت ليث صاح
ليث- دم دم هذا دم خشمج بي دم
وخرت من ليث وكعدت على صفحه هو كام وكف يباوع عليه
خليت ايدي على خشمي كل مره الدم صافي من ينزل هالمره مثل الجبده كمت وكفت وليوثي كام وياي ويكول
اني معورتج
ميسم والله معورتج
اعرف حبيبي
ممتعوره
لا دم هذا دم
رحت ادورلي على شي امسح بي الدم لان ليث كلش توتر وخاف ووترني ويا وجان ماكو كلنس
الحد ما أيست ملگيتلي شي جريت السويتر الي انطانيا وطبان ومسحت بي الدم رفعت راسي ويه رفعة راسي
حسيت راسي يريد ينفجر خليت ايدي على راسي من كد ما صار صغط عليه
وليث ورايه يمشي رحت للفراش ماعولت اوصله
وتمددت وبقيت ايدي على راسي
وليوثي كاعد يم راسي وكل شويه يبوس جف ايدي
اني احبج ميسم
اني اني هم حبيبي بس وخر هاي
انطيته اللفه
اكلهه
ماريد ميسم دم هواي هذا
ماكو شي حبيبي خليت ايدي على عيني وراسي من الوجع اضعطهن حيل وجان الوجع يزيد ميقل
الاول مره مااتحمل وجع راسي الهاي الدرجه بحيث اريد ابجي
