Hiding The Billionaire's Son (Under Editing)

Chapter 18

Zaera's Point of View

"Nakapasya ka na ba, anak?"

Tanong ni Mama matapos ang mahigit sampung segundong pagtahimik namin after I told them about Zerron's plan. Ikunweto ko sa kanilang dalawa ni Papa ang pamimilit ni Zerron na tumira na kami sa puder niya. I need opinions para makapagpasya na ako sa maaari kong gawin.

"Nagdadalawang-isip pa po ako, Ma"

Napatingin ako kay Papa ng tumayo ito. Alam kong ayaw niya talaga kay Zerron. Nang malaman nga niya na ipinakilala ko si Zian kay Zerron ay nagalit pa ito sa akin peron kalaunan ay naging maayos ulit kami.

Sa ngayon, hindi ko lang alam kung ano ang naiisip niya ngunit batid ko na hindi ito natutuwa sa sinabi ko.

"Kung anuman ang pasya mo, Zaera. Ikaw na ang bahala basta ang akin lang ay maging maayos ang apo ko" Sabi nito at tinalikuran kami ni Mama. Sinundan namin ito ng tingin hanggang sa makalabas siya ng bahay.

Nagkatinginan kami ni Mama. Ngumiti ito na pinapahiwatig niyang ayos lang iyon. Hinawakan nito ang kamay ko. Ngumiti nalang ako kahit nalungkot ako bigla dahil alam kong nagtatampo si Papa sa 'kin. Sa kanilang dalawa ni Mama, si Papa ang mas naging apektado sa nangyari sa akin noon. Hindi ko naman siya masisisi kung may galit pa rin siya kay Zerron dahil maski ako ay galit pa rin sa kaniya pero pinapakisamahan ko nalang siya para sa anak namin.

Siguro kung may connection man kami ni Zerron, iyon ay dahil kay Zian.

"Zaera, hindi ko man napagdaanan ang napagdaanan mo ngunit alam ko pa rin ang ganyang pakiramdam. Iyong kailangan mong mamili sa pagitan ng dalawang desisyon na parehong matimbang sa iyo. Para sa kasiyahan ng anak mo o para sa ikakabuti niya? Dalawang pagpipilian na mahirap pagpilian" Makahulugang sabi niya.

Napaisip ako. Kasiyahan ng anak ko ang makasama si Zerron sa iisang bahay ngunit ikakabuti niya rin na mailayo kay Zerron upang hindi mag-krus ang landas nila ni Heiress. Imposibleng hindi magkita silang dalawa dahil may koneksiyon ito sa ama niya at ayokong dumating 'yong point na masaktan siya dahil dito.

He's out of this problem. And as long as I can keep this matter between me and Zerron, I'll keep it. Hindi kailangang madamay ang anak namin sa kung ano mang gulo na mayroon kami.

But how long can I keep it from him when he's part of this family? Mabigat akong napabuntong-hininga.

"Bilang ina, alam mo ba kung papipiliin ako mas pipiliin ko ang kasiyahan ng anak ko. Katulad mo, mas pinipili ko lagi ang ikakasiya mo dahil kung pipiliin ko ang ikakabuti para sa iyo, hindi ka magiging masaya. Ngunit, sinasabi ko lang iyon dahil iyon ang sarili kong opinyon. Ikaw pa rin ang masusunod"

Napatingin ako kay Zian na nakikipaglaro kay Aki. Isa itong Alaskan Malamute na bigay ni Zerron sa 'kin. Tss. Kahit saan nalang ako magpunta lagi nalang may mga bagay na nagpapaalala sa akin sa lalaking 'yon.

Napatingin ako kay Mama ng hawakan nito ulit ang kamay ko. "Pero anak, kung sakaling piliin mo ang kasiyahan niya lagi mo ring iisipin kung ito ba ay nakakabuti sa kanya o hindi. As a mom, lagi mong isipin ang magiging epekto nito sa kanya"

Napanguso nalang ako sa sinabi ni Mama. "Ma, mas naguluhan tuloy ako" Reklamo ko kaya natawa siya at hinaplos ang ulo ko. Natawa na lang rin ako.

"Pero anak, mas maiging magdasal ka muna bago ka mag-desisyon"

Naoatango naman ako. Tama nga naman si Mama. Nakangiti kong pinagmasdan si Zian ng makita kong tawa ito ng tawa habang nakikipaghabulan kay Aki. Bahala na kung anonang magiging desisyon ko. Ang importante ay hindi mawalay sa akin ang anak ko.

Nag-usap pa kami tungkol sa ibang bagay ni Mama at isa na doon ay ang birthday ni Zian. Nang matapos ang pag-uusap namin ay umalis na rin kami ni Zian. Dumiretso na lang kami sa mall dahil gusto niya daw mamasyal muna. Kahit ang alam ko talaga ay pupunta siya sa mga laruan at hawakan lahat ng laruan na naka-display.