"ဘုဏ်းမြတ် --! ၊ ဘုဏ်းမြတ် --! ၊ကျောနံပါတ် (7) ဘုဏ်းမြတ်မောင် ၊ ကြိုးစားထား --!"
" ကျောနံပါတ် (7) ဘုဏ်းမြတ်မောင် "
"ကျောနံပါတ် (7) ပါပဲ ခင်ဗျ --!"
"ဝင်သွားပါပြီဗျ ---! ။ ဒီနှစ်ရဲ့ ဘက်(စ်)ကက်ဘော ချန်ပီယံဆုကိုတော့ လင်း(မ်)ဘဒ်ရဲ့ အကြီးတန်း ဖြစ်တဲ့ ရေကြောင်းသိပ္ပံမှ ဆွတ်ခူးရရှိသွားပါပြီ "
"လင်း(မ်)ဘဒ်ကွ--! ၊ ဘုဏ်းမြတ်မောင် --!"
နားကွင်းဖော်ပြီး ပုခုံးအောက် ရောက်နေသည့် ဆံသားများကို စုစည်းထားသည့်
မော်ရစ်ဦးသာ ။ အားကျိုးမာန်တတ်နှင့် သူ၏ ရှေ့ခုံမှ နေပြီး ကိုဘုဏ်းတို့ အသင်းအား အားပေးနေလေသည်။ မောရစ်ဦးသာ၏ အသံတစ်သံ ထွက်လာတိုင်း ဘက်(စ်)ကက်ဘော ခြင်းတောင်းထဲသို့ ဝင်သွားသည့် ကိုဘုဏ်းသွင်းသော ဘောလုံးလေးများ ။ ဘောလုံး တစ်လုံး ပိုက်ခြင်းထဲ ဝင်ပြီးတိုင်း မောရစ်ဦးသာ ဘက်လှည့်ပြီး ပြုံးသည့် ကိုဘုဏ်း။ ပြုံးသည်ထက် ပိုသည့် ထိုအချိန်က ကိုဘုဏ်း ၏ မျက်နှာကျထပ်၌ ရှိနေသည့် ပုံရိပ်သည် ရွှင်မြူးရိပ် ပြည့်စွာနှင့် ရှိနေသည့် ရယ်ခိုး ၊ရယ်ရိပ် တွေသာ ဖြစ်နေလေသည်။
"မောရစ် --! လာအားပေးတာလား --?"
မောရစ်ဦးသာ စကားနှင့်မဖြေ ၊ ကိုဘုဏ်း၏ အမေးအား ခေါင်းလေးတစ်ချက်ပဲ ညိတ်ပြသည်။
"ကိုဘုဏ်း--! ၊ ကိုဘုဏ်း အတွက် "
"လင်း(မ်)ဘဒ် ကျောင်းရဲ့ ဂုဏ်ကို ဆောင်ပေးတဲ့ ကိုဘုဏ်း အတွက် --! "
"အဲ့တော့ ငါတို့က မပါတော့ဘူးလား --! "
"အင်းလေ ၊ ငါတို့လည်း ငဘုဏ်းနဲ့ တစ်ဖွဲ့တည်း ကစားခဲ့တဲ့ အသင်းသားတွေပါနော် "
ကိုမင်းထက်သာ၏ စောင်းချိတ်ချိတ် ၊ ခပ်ရွဲ့ရွဲ့ စကားများရယ် ကိုဘုဏ်းအား လက်ဆောင်ပေးနေကြသည့် လင်း(မ်)ဘဒ် ကျောင်းမှ လူပျို /အပျို များ၏ စကားများရယ် နှင့် အင်လန်ယောနိုင်ငံရှိ ဗရော့(စ်)မတီ ဘက်(စ်)ကက်ဘောကွင်းတွင် သံစုံတီးဝိုင်းအလား အသံမြိုင်နေသည်။
ကိုဘုဏ်းကတော့ မည်သူ့ကိုမှ မကြည့် ၊ မည်သူ့လက်ထဲမှ ရှိနေသည့် တန်ဖိုးကြီး ပစ္စည်းများကိုလည်း မတတ်မက် ၊မလိုချင်သည့် အသွင်နှင့် မောရစ်ဦးသာ ပေးသည့် ရေဗူးလေးကိုသာ သောက်နေသည်။ ပြီးတော့ ကိုဘုဏ်း၏ အကြည့်များသည် မောရစ်ဦးသာထံ၌သာ ကပ်ညိနေပြီး မောရစ်ဦးသာသည်လည်း ကိုဘုဏ်းထံ၌သာ သူ၏ အကြည့်များက ရှိနေလေသည်။
YOU ARE READING
" နေခြည်ဖြာရျ် နွေးစေသော်(ဝ်) ---! " [ Completed]
Randomဦးဘုဏ်းမြတ်မောင် * ယဉ်ငြိမ်းပန်း စာရေးသူ၏ စိတ်ကူးယဉ် ဝတ္ထုသာ ဖြစ်ပါ၏။ စာေရးသူ၏ စိတ္ကူးယဉ္ ဝတၴုသာ ျဖစ္ပါ၏။
![" နေခြည်ဖြာရျ် နွေးစေသော်(ဝ်) ---! " [ Completed]](https://img.wattpad.com/cover/310040682-64-k483971.jpg)