عمياء احتلت كياني |مكتملة

الفصل الاول

في صباح اول يوم في السنه الدراسيه الجديده تستقيظ بطلتنا علي صوت والدتها

سميرة(والده مليكه)وهي بتحط الفطار علي السفرة وبتنادي علي مليكه :حبيبه قلب ماما يلا اصحي الساعه بقت ٨ هتتأخري علي محاضراتك معقوله من اول يوم كده تتأخري في النوم كل ده
مليكة وهي بتفتح عينيها وكالعاده كل حاجه كأنها نازل عليها ستارة سودا بس مليكه اتعودت علي ده خلاص لانه للاسف بقي امر واقع

مليكه بحزن: ايوه يا ماما انا صاحيه من بدري اصلا
سميرة(والدة مليكه):صباح النور يا عيون ماما يلا عشان تلحقي تفطري قبل ما تنزلي
مليكه:حاضر هغسل وشي بس وجايه

وبعدها ابتدت تقوم من علي السرير وابتدت تتحرك ف الاوضه اللي هي حافظاه حته حته عشان توصل للحمام وبعدين دخلت الحمام وخرجت بره علي السفرة

مليكة باستغراب: ايه ده اومال بابا فين
سميرة:باباكي لسه نايم ايه ده انتي عرفتي منين انه مش موجود
مليكة: اتعودت ان هو اللي بيصحيني ويخليني اقعد افطر ف انتي اللي صحتيني فعرفت انه نايم او في الشركه
سميرة:ماشي يا لمضه،،يلا افطري بقي عشان ماتتأخريش علي محاضراتك
مليكة:ماشي
رفعت(والد مليكة):صباح الخير
مليكة بفرحه:صباح الخير يا حبيبي
سميرة:صباح النور تعالي يلا عشان الاكل مايبردش
رفعت وهو بيقعد علي السفرة:حاضر يا ستي وبعدين وجه كلامه لمليكة عامله ايه يا قلب بابا
مليكة:كويسه الحمدلله،كنت هزعل لو مكنتش صحيت قبل ما انزل وسمعت صوتك
رفعت: وانا اقدر برضو ابدأ يومي الا لما اشوف وشك الجميل ده عشان اعرف اشتغل❤
مليكة: ربنا يخليك ليا وميحرمنيش منك ابدا يا حبيبي
سميرة بهزار:طب اقوم انا بقي عشان ماليش لازمه
رفعت بحنيه:وانا اقدر برضو ده انتي الكل في الكل
سميرة: ربنا يخليكي ليا يا حبيبي ويحميلنا مليكه يارب❤

مليكة ابتسمت ابتسامه بس للاسف ناقصه حاجه انها تبقي شايفه ملامح اهلها وحبهم ليها

وبعدين خلصت فطار وقامت عشان تمشي وباباها عرض عليها كتير يوصلها بس هي رفصت كالعاده (اه علي فكرة مليكه برضو مش بتحب يبقي عندها سواق خاص بيها او ان بابا يوصلها بتحب تعتمد جدااا علي نفسها)
ومسكت العصايه بتاعتها عشان تدلها ع الطريق اللي برضو بقت شبه حفظاه
ووصلت الجامعه وكان لسه فاضل ساعه علي المحاضرة ف راحت قعدت في الكافيتريا لوحدها وبعدين سارة جت لها

سارة(صاحبه مليكة): مليكة ازيك عامله ايه
مليكة بخنقه:تمام
سارة:مالك بتكلميني كده ليه
مليكة:لا والله والمفروض اكلمك ازاي اخدك بالحضن يعني انتي مش فاكرة قولتيلي ايه من ٣ شهور

فلاش باك
مليكة قاعده في الكافيتريا ماسكه تليفونها وبترن علي سارة
وبعدين ساره جت وقعدت معاها
مليكة: سارة انتي جيتي ايه كل ده تأخير انا بقالي ساعه قاعده لوحدي
سارة: معلش،،مليكه اناا...
مليكة: مالك يا سارة في ايه اتكلمي
سارة: مليكة انا مش عاوزه نبقي صحاب تاني
مليكة بحزن شديد: ليه انا زعلتك في حاجه طيب
سارة: لا بس انا مش عاوزة ابقي داده انا عاوزة ابقي صاحبه انا اسفه يا مليكة ومشيت
ومليكة مصدومه ومن ساعتها وهي قررت تنسي سارة خالص
باك

سارة: ياااه للدرجادي مش طايقاني ومش فاكرة لي حاجه حلوه ابدااا
مليكة: انتي اللي محيتي كل حاجه حلوه بينا انا اسفه عشان هتأخر علي المحاضرة ومشيت وسابتها

اما عند سليم فا بمجرد ما وصل الجامعه كان مستعجل جدااا عشان يلحق المحاضرة فا وهو ماشي بيكلم طارق صاحبه ف التليفون خبط في مليكه وكانت هتقع بس هو لحقها

سليم: انتي كويسه
مليكة وهي بتدور علي العصايه: اه اه
فا سليم لقاها وادهالها وسندت عليها وشكرته ومشيت
فا رجع كمل كلام مع طارق وهي راحت المحاضرة

سليم قابل طارق علي باب المدرج
طارق(صاحب سليم) وهو بيسلم علي سليم:حبيب قلبي اللي واحشني
سليم: حبيبي يا طروقه عامل ايه
طارق: تمام الحمدلله وانت ايه الدنيا
سليم: تمام
طارق بهزار: بس دقيقه كمان ومش هتبقي تمام
سليم باستغراب: قصدك ايه
طارق بقرف: بص مين جاي وانت تعرف
فا سليم لف عشان يبص وراه ولقي سميه جايه ناحيته
سليم رجع بص لطارق:انا اتقفلت من اليوم من قبل ما يبدأ
سميه بدلع وحطت ايدها علي كتف سليم: سليم حبيبي ازيك هاي يا طارق
طارق: هاي
سليم بقرف: اهلا وسهلا وشال ايديها ومشي دخل المدرج
سميه:ايه ده ايه قله الذوق دي
طارق: معلش اصله خايف لاحسن المحاضرة تفوته وانا كمان عن. اذنك ومشي وسابها
سميه: ماشي يا سليم مصيرك تجيلي برجليك

ودخل سليم المدرج واتفاجئ بمليكه انها معاه في نفس الكليه وكان حاسس من جواه بفرحه كبيرة مش عارف سببها ف لقي مكان فاضي جمبها ف راح بسرعه وقعد فيه
سليم:صباح الخير

*_يتتتتبع 🕊️🍃_*