عمياء احتلت كياني |مكتملة

الفصل الحادي عشر

سليم: تسمحولي بحاجه
رفعت وسميرة: اتفضل يا بني
وفريدة طلعت العلبه من شنطتها وادتها لسليم
سليم لرفعت: اسمحلي يا عمي البس مليكة الشبكة دلوقتي
مليكة بصدمه: ايه سليم احنا قولنا بعد الامتحانات
سليم:ششششش بس ملكيش دعوة انتي ها يا عمي قولت ايه
رفعت: موافق يا بني بس الاهم ان مليكة تكون موافقه
مليكة بكسوف:اللي حضرتك تشوفه يا بابا
سارة بضحك:عامله نفسك مكسوفه اوووي ياختي ده علي اساس انك مش دايبه في دباديبه وبعدين وجهت كلامها لسليم وقالت:لبسها يا خويا الشبكة وخلصنا انت لسه هتنح هي بس بتحب تدلع علي اساس ان الشبكة هتعطل الامتحانات حجج فارغه

وضحك الجميع علي طريقه سارة وبعدها سليم بدأ يضع الخاتم في يد مليكة ومليكة نفس الوضع ومن ثم وضع علي رقبتها عقد رقيق جدااا ومن ثم البسها اسورة في يدها مع تشغيل سارة لاغنيه يا دبلة الخطوبه و تعالي الزغاريط من قبل فريدة وسميرة وسارة وفرحه سليم ومليكة التي لا توصف وفرحه رفعت ودموعه فهو لم يصدق انه اتي اليوم التي ستصبح فيه صغيرته حبيبه شخص اخر

طارق بمرح وهو يحضن سليم:ايوه يا صاحبي مبروك والله جه اليوم اللي بقيت فيه عريس واخذ يبكي بتمثيل
سليم:امشي ياض فصلتني

سميرة وهي تقبل مليكة وتحتضنها:مبروك يا حبيبتي ومن بعدها رفعت ثم باركوا لسليم ايضا وثم سارة باركت لهم

فريدة وهي تحتضن مليكة:مبروك يا قمر والتفتت لسليم وقالت:مبروك يا حبيب قلبي
ووجهت كلامها ليهم سوا:ربنا يحميكم يارب ويتمملكم علي خير
مليكة:ميرسي يا طنط
سليم:ربنا يخليكي ليا يارب يا ست الكل
طارق بمرح:طب ايه بقي مش هناكل جاتوه ولا ايه
رفعت: طبعا هناكل ووجه كلامه لسميرة يلا يا سميرة هاتي الجاتوه
سميرة:حاضر من عيني يلا يا سارة تعالي ساعديني
سارة:حاضر يا طنط
سليم:تسمحلي يا عمي اخد مليكة ونقعد في البلكونه شويه عاوزها في كلمتين
رفعت:اكيد اتفضل طبعا

واخذ سليم مليكة من يدها وقام باسنادها حتي وصلوا الي البلكونه

اما في احدي البارات
كان يجلس ايهاب مع احدي الفتيات ويشرب الخمر كعادته ثم جاء شخص من وراء ايهاب وقال له
شخص:باشا عاوزك في كلمتين
ايهاب بثمل:اخلص يا سالم قول عاوز ايه عملت اللي قولتلك عليه
سالم(احد رجال ايهاب):الصراحه يا باشا معرفتش
ايهاب وهو يكسر الكأس:يعني ايه معرفتش يا غبي
شخص:انا هقولك يا باشا

فلاش باك
ايهاب:عرفت هتعمل ايه
سالم: عرفت يا باشا

وفي نفس اليوم اللي سليم كان رايح يطلب ايد مليكة فيه كان سالم مراقبهم عشان ينفذ خطه ايهاب وهي انه يخبط عربيه سليم بعربيته ويقولوا ان هي حادثه عاديه بس حادثه تخليه ميعرفش يقوم منها تاني بس سالم وهو ماشي ورا عربيه سليم وخلاص كان هينفذ فجأه العربيه توقف وماترضاش تتحرك وسليم ميجرالوش حاجه ولا هو ولا اي حد من اللي في العربيه
باك

ايهاب بعصبيه:طب غور من وشي غور
سالم:اوامرك يا باشا
ايهاب:ماشي يا سليم نفدت من تحت ايدي المرادي لكن المرة الجاية هتشوف هيحصل ايه ومليكة هتبقي بتاعتي يعني هتبقي بتاعتي

اما عند يوسف الصاوي
كان يجلس في البيت وحده يعمل ولكن كان احيانا كثيرة يشرد ويتذكر ذكرياته مع سليم في طفولته وكم كان يحبه وكيف تغير فجأه في معامله ابنه الوحيد منذ ان كان عنده 15 سنه ولكن كابر في كل ذلك وعاد يكمل عمله

اما في بيت رفعت
كانت مليكة وسليم يجلسان في البلكونة
سليم:فرحانه يا مليكة
مليكة بفرحه زي الاطفال:هموت من الفرحة يا سليم ومش متخيله ان كل ده حصل في شهر وشويه بس سليم انت بتحبني
سليم برخامه:لا
مليكة وهي بتضربه في ايده:بطل بقي بتكلم بجد
سليم:مانا كنت هكمل ومسك ايدها وقال:انا مش بحبك انا روحي فيكي ومعرفش استغني عنك ابدا وباس ايدها
مليكة اتكسفت وقالت:وانا كمان بحبك اووي
سليم بدهشه:ايه قولتي ايه قولي كده تاني
مليكة بكسوف اكتر:خلاص رخامه بقي
سليم:طب وحياتي عندك ل تقوليها تاني
مليكة بخجل:بحبك اوووي ومقدرش استغني عنك انت كل حياتي اصلا
سليم بصوت عالي:الله يا جدعااان
مليكة: ششششش وطي صوتك الناس يا سليم
سليم:اهو خلاص بس ده بجد اللي انتي قولتيه ده صح
مليكة:خلاص عشان اقسم بالله انا بتكسف والله زي باقي البنات
سليم بغمزة:احلي مين يتكسف يا ناس
وبعدين رن هاتفه
سليم:لحظه الو
شخص:مبروك يا عريس

*_يتتتتبع 🕊️🍃_*