عمياء احتلت كياني |مكتملة

الفصل الثالث

ايهاب(ابن عم مليكة):دي لو مترتبه مش هتبقي كده يا قلبي
مليكة:مين؟؟ايهاب صح
ايهاب:طب كويس انك فاكره صوتي

مليكة بضيق:ازيك يا ايهاب
ايهاب وهو بيحط ايده علي كتفها برخامه:كويس عشان شوفتك يا قلبي
مليكه وهي بتحاول تشيل ايده لكن مش عارفه لانه ماسك كتفها جامد لكن هي ضربته بالعصايه علي رجله
ايهاب بوجع:ايه ده انتي بتضربيني يا مليكة انتي اتجننتي
مليكة:ده جزاءك احمد ربنا اني مضربتكش في اي مكان تاني
وبعدين الاسانسير فتح وخرجت مليكة
ايهاب بسخريه:ماشي يا جميل مصيرك في يوم تبقي تحت ايدي وخرج هو كمان

اما عند سليم
سليم كان داخل البيت وسرحان وعمال يفكر في مليكة ويفتكر ملامحها وطريقه كلامها
وقطع تفكيره صوت مامته وهي بتنادي عليه
فريدة(والده سليم):سليم حبيبي انت جيت
سليم:اه يا ماما
فريدة:مش تيجي تشوف مين هنا
سليم بص لقي سميه قاعده
سليم بخنقه:اهلا وسهلا عن اذنك يا ماما انا هطلع ارتاح عشان تعبان
وسابهم وطلع

سميه بزعل مصطنع:شوفتي يا طنط بيتعامل معايا ازاي
فريده: معلش يا حبيبتي استحميله وهو في الاخر ليكي
سميه:بجد يا طنط
فريده:ايوه طبعا بجد وانا هلاقيله عروسه احسن واحلي منك فين
سميه بكسوف:ميرسي يا طنط

اما عند سارة كانت ماسكه تليفونها وبتحاول تكلم مليكة وبعد محاولات كتير اخيرا مليكة ردت
سارة:الو
مليكة:نعم
سارة:انتي لسه زعلانه مني
مليكة:وانا المفروض ابقي ايه غير كده
سارة:مانا اعتذرت
مليكة بعصبيه بسيطه: وانا مقبلتوش ويلا بقي مع السلامه وقغلت الخط
سارة بحزن:ياريتني ما فرطت فيكي يا صاحبتي

اما مليكة
كانت في اوضتها ومامتها وايهاب في الصاله
سميرة وهي بتحط العصير علي الترابيزة: منور يا ايهاب
ايهاب:بنورك يا طنط
سميرة:ازيك وازاي اختك ومامتك وباباك عاملين ايه
ايهاب:الحمدلله بخير كلهم
وقطع حديثهم دخول رفعت(والد مليكة)
رفعت:السلام عليكم ازيك يا ايهاب عامل ايه
ايهاب:الحمدلله يا عمي حضرتك بخير
رفعت:اه الحمدلله
وبعدين وجه كلامه لسميرة
رفعت: امال فين مليكة
سميرة:لسه راجعه من شويه وبتغير وجايه دي حتي هي وايهاب جم في نفس الوقت
ولسه ايهاب هيتكلم وقطعه صوت مليكة
مليكة بقرف:صدفه يا ماما مش اكتر ازيك يا بابا
رفعت: بخير يا حبيبتي انتي اي اخبارك جيتي ازاي انهارده
مليكة:كويسه الحمدلله متقلقش عليا يا باشا انا بعرف اتصرف
ايهاب باستفزاز:امال مين اللي كان بيوصلك ده اوبر ولا حد تاني
مليكة بقرف:نعم
سميرة:اه صحيح يا مليكة انتي قولتيلي انك مش جايه في اوبر ومش جايه لوحدك مين اللي وصلك
مليكة بخوف بسيط:ده ولد زميلي في الجامعه ومعايا في نفس الكليه بس كويس جدااا
رفعت بعصبيه:وانتي ايه اللي عرفك انه كويس وايه اللي يخليكي تقبلي تركبي معاه عربيته ويوصلك لحد هنا
مليكة بخوف:والله انا كنت هطلب اوبر عادي وبعدين هو اتحايل عليا كتير ف اضطريت اقبل وهو كويس فعلا يا بابا صدقني
ايهاب:خلاص يا عمي مفيش حاجه هدي اعصابك بس انا ممكن اوصل مليكة كل يوم واجيبها لو حبيت
رفعت:كتر خيرك يا ابني علي الاقل هبقي مطمن وهي معاك
مليكة بضيق وقامت وقفت:اسفه انا مش موافقه انت مفيش حاجه بيني وبينك غير انك ابن عمي وبس وانا مش صغيرة عشان توديني وتجبني عن اذنكم

واتسندت علي العصايه وسابتهم ومشيت

رفعت: معلش يا ابني متزعلش منها هي اكيد مش قصدها حاجه يمكن اعصابها تعبانه شويه
سميرة: اه ونبي ماتاخدش علي خاطرك منها
ايهاب: عادي يا مرات عمي محصلش حاجه استأذن انا بقي
سميرة: طب اقعد اتغدي معانا الاول
ايهاب: معلش يا مرات عمي خليها مرة تاني عن اذنكم
رفعت وسميرة: مع السلامه يا ابني

اما بليل عند سليم
كان قاعد في اوضته علي السرير وعمال يفكر في مليكة وبعدين ابتدي يكلم نفسه
ايه يا سليم مالك انت طول اليوم مش بتفكر غير فيها ومش عارف تعمل اي حاجه غير كده انا شكلي حبيتها ولا ايه بس ازاي وهي....لا عادي ده مش حاجه تعيبها او تقلل منها انا اول ما شوفتها اتشديت ليها بطريقه مش عاديه حسيت فيها حاجه مختلفه عن باقي البنات انا بقول اكلمها ولا لتكون نامت وبعدين اخد قرار انه هيكلمها

ومسك تليفونه ورن عليها

عند مليكة تليفونها رن بس التليفون مقالش اسم فا ردت
مليكة: الو
سليم: الو يا مليكة انا سليم ازيك
مليكة: ايوه يا سليم انا الحمدلله انت ازيك
سليم: الحمدلله
مليكة:في حاجه ولا ايه
سليم بتردد وحاسس انه مرتبك: لا مفيش انا كنت بكلمك عشان عشان اسألك لو هتيجي بكره الجامعه
مليكة: اه اكيد جايه
سليم: كويس طب ايه رأيك اعدي عليكي ونروح سوا
مليكة: بلاش يا سليم
سليم باستغراب: ليه
مليكة: عشان انهارده في حاجات كتير حصلت بسبب انك وصلتني وبابا عرف
سليم:اووبا انا اسف جدااا بجد اني سببتلك مشاكل انا اسف
مليكة:لا متقولش كده مفيش حاجه
سليم: طب خلاص اشوفك بكره في الجامعه تصبحي على خير
مليكة: تمام وانت من اهله

وقفلوا التليفون

وبعد مرور شهر علي ابطالنا حصل كذا حاجه جديده سليم ومليكة بقوا قريبين جدااا من بعض وبقوا شبه بيتكلموا كل يوم وبيشوفوا بعض في الجامعه علي طول
وسمية طبعا هتتجنن لانها بقت تقريبا مابتشوفش سليم ولو شافته صدفه بيبقي مليكة ومش بيديها اهتمام خالص
وايهاب بيحاول يقرب من مليكة بس هي مش بتديله فرصه
وسارة بتحاول ترجع علاقتها مع مليكة بس مليكة رافضه ده

اما عند مليكه وسليم في الجامعه وكانوا قاعدين في الكافيتريا بيشربوا نسكافيه
سليم بتوتر:مليكة انا عاوز اقولك حاجه
مليكة:اكيد يا سليم اتفضل
سليم بتوتر:اناا انااا...
مليكة: في ايه يا سليم اتكلم
سليم:مليكة انا بحبك❤
مليكة:....................

*_يتتتتبع 🕊️🍃_*