وقفنا المرة اللي فاتت عند سليم لما راح قعد جمب مليكة في المدرج
سليم:صباح الخير
مليكة وهي بتركز في صوته: هو مش حضرتك اللي خبطت فيا من شويه صح عاوز حاجه (اه علي فكرة هي بتسمع كويس جدااا وبتحفظ الاصوات بسرعه) نرجع تاني بقي
سليم:طب ردي عليا حتي ده انا بقولك صباح الخير
مليكة:صباح النور
سليم:انا سليم الصاوي
مليكة:اهلا وسهلا بحضرتك
سليم:بلاش حضرتك دي قوليلي سليم عادي
مليكة:افندم
سليم:مالك بس قافشه كده ليه والله انا مش قصدي حاجه انا بس كنت حابب اعرفك بنفسي وانك لو احتاجتي اي حاجه اسألي عليا
مليكة:ماشي شكرا
وما هي الا لحظات ودخل الدكتور الي قاعه المحاضرات وبدأ يتعرف علي الطلبه
وبعدين شويه والمحاضرة خلصت وكل الطلبه خرجت
وسليم كان واقف برا مستني مليكة لان تاهت عن عينيه منه وسط الزحمه
بس هي خرجت من باب تاني وراحت للكافيتريا
في الكافيتريا اعده مليكة لوحدها ويجي سليم ويسحب كرسي ويقعد قدامها
سليم:معقوله تسيبيني كده وتخرجي لوحدك
مليكة:انت عاوز مني ايه بظبط
سليم:بصراحه انا عاوز نبقي صحاب
مليكة:اسفه بس انت متعرفش انا فيا ايه ولا ظروفي عامله ازاي
سليم:عارف وقابل عادي علي فكره انتي مفيش فيكي حاجه ناقصه عن البنات اللي في الجامعه هنا اصلا يمكن انتي قلبك ونيتك اصفي منهم كلهم وانا مُصر اننا نبقي صحاب
مليكة حست بنبرة صدق في كلامه:ماشي انا موافقه
سليم: بجد فرحتيني جدااا انك قبلتي صداقتي،،،صحيح الكلام اخدني ونسيت اسألك عن اسمك
مليكة:مليكة الالفي
سليم:اتشرفت بمعرفتك يا مليكة
مليكة: وانا كمان اتشرفت بمعرفتك طب ممكن ناكل عشان انا جعانه جدا
سليم: اكيد طبعا انا كمان جعاان جداا قوليلي عاوزة تاكلي ايه وانا اجبلك
وقالتله علي الاكل اللي هي عاوزاه وراح جابه وبعدين رجع لها تاني وقعدوا ياكلوا ويضحكوا مع بعض شويه
وكان من بعيد باصه عليهم سميه
سميه بغل:ماشي يا سليم بقي بتتجاهلني انا عشان البنت العميا دي طيب ان ما وريتك انت وهي
اما في الشركه بتاعت رفعت الالفي (والد مليكة)
رفعت:صباح الخير
الموظفين:صباح النور يا فندم
وبعدها رفعت دخل مكتبه وقعد يدور علي ملف لصفقه مهمه بس مكانش لاقيه ونده علي السكرتيرة الخاصه بيه
السكرتيرة: تحت امرك يا فندم
رفعت بزعيق: كان في ملف مهم هنا علي المكتب راح فين
السكرتيره: مش عارفه يا فندم طب لحظه هسأل الموظفين يمكن يكون حد خده معاه بالغلط
رفعت بعصبيه:مستنيه ايه اتفضلي اعملي كده حالا
وبعد ما خرجت رفعت تليفونه رن
خالد الالفي(اخو رفعت):اخويا حبيبي صحيح ايه اخبار صفقه العمر لقيت ورقها ولا لسه
رفعت بعصبيه مش باينه اوي:لا ملقتهوش بس اوعدك اني هلاقيه والصفقه دي بتاعتي وانا اللي هاخدها
خالد: طب ماتتعبش نفسك عشان مش هتلاقيه لان الورق اللي انت بتدور عليه تحت ايدي دلوقتي وخلاص الناس علي وصول عشان نمضي العقود وتبقي صفقه العمر يا اخويا باي باي
رفعت:الو الو ماشي يا خالد اما وريتك وهعرف مين الخاين وساعتها مش هرحمك انت وهو
ونده علي السكرتيرة بتاعته
السكرتيرة:ايوه يا فندم
رفعت:هاتيلي كل الموظفين هنا قدامي
السكرتيرة:تحت امرك يافندم
والسكرتيرة جمعت كل الموظفين
رفعت بعصبيه:اهلا بالبهوات المستهترين اللي بسببهم خسرت اهم صفقه في حياتي
موظف1:حضرتك بتتكلم عن ايه
رفعت:ورق الصفقه اللي كان علي المكتب امبارح راح فين
موظف2:اخر مرة كان مع حضرتك ومحدش شافه بعد كده
رفعت:طيب بسبب اهمالكم ده مخصوم منكم عشر ايام
ودخل المكتب ورزع الباب وراه
اما عند مليكة وسليم
كانوا بيتمشوا في الجامعه وهو شبه ماسك ايديها وساندها وبيكلمها شويه عن نفسه
سليم:وبس يا ستي دي كل حاجه وانتي بقي باباكي بيشتغل ايه
مليكة: بابا عنده شركه تسويق خاصه بيه وهو يعتبر الوحيد اللي ناجح في المجال ده بس للاسف ليه اعداء كتير ومن اقرب ناس في حياته
سليم:زي مين يعني
مليكة:عمي خالد معرفش ليه فجأه بقي كده هما كانوا شركاء في الاول وبعدين فجأه سافر وبعد عننا مده كبيرة واول ما رجع فض الشراكه مع بابا وفتح شركه لوحده ومن ساعتها وهو بينافس بابا وبابا حاول كتير يراجع العلاقه بينهم حتي كأخوات لكن عمي مارضيش
ولسه سليم هيتكلم لكن قاطعه صوت سميه
سميه وهي بتنادي عليه:سليم سليم
فا وقف سليم ومليكة
سليم بقرف:اووف نعم
سميه: ينفع كده سايبني كل ده اعده مستنياك
سليم بقرف برضو: هو انا قولتلك استنيني
سميه وهي بتبص علي مليكة من تحت لفوق
سميه بغرور وتريقه: ودي مين العميا دي قصدي الحلوة دي
ومليكة حاولت تسيب ايد سليم لكن سليم كان ماسك ايديها جامد
سليم بعصبيه:انتي لو اتكلمتي بالاسلوب ده تاني انا هوريكي وش لسليم الصاوي ماشوفتيهوش في حياتك كلها
اما سميه فخافت منه ومشيت
وبعدين سليم بص علي مليكة لقاها وشها حزين
سليم بندم: انا اسف جدااا بجد متاخديش علي كلامها دي طايشه وهبله
مليكة:محصلش حاجه انا متعوده بس ممكن امشي عشان انا تعبانه
سليم: لا اكيد مش هسيبك تمشي لوحدك تسمحيلي اوصلك بعربيتي
لكن مليكة رفضت وبعد محايلات من سليم وافقت انه يوصلها
في العربيه عند سليم ومليكة
رن تليفون مليكه وردت
سميرة(والدة مليكة): ايه يا حبيبتي انتي فين
مليكة: انا جايه يا ماما
سميرة:ماشي يا حبيبتي انتي لوحدك ولا معاكي حد ولا ركبتي اوبر
مليكة:لا يا ماما مش لوحدي ومطلبتش اوبر
سميرة: اومال ايه
مليكة:لما اجي هحكيلك كل حاجه سلام
سميرة:سلام يا قلبي بس خلي بالك علي نفسك
مليكة:حاضر يا حبيبتي باي
وقفلت معاها
سليم:اسف لو بتدخل بس الواضح انها بتحبك اووي
مليكة: اه وبتخاف عليا جدا
سليم: عشان كده مقولتلهاش انك معايا صح
مليكة: لا مش كده خالص لكن انا افهمها وانا قدامها احسن ما افهمها في التليفون
سليم:ماشي يا ستي
وبعدين وصلوا عند البيت وسليم نزلها لحد باب العمارة
مليكة:انا بجد مش عارفه اشكرك ازاي
سليم:متقوليش كده بس تشكريني علي ايه ده واجب عليا
مليكة:بجد ميرسي جداااا وسليم ابتسم لها ومشيت وسليم فضل واقف شويه مش قادر ينسي ملامحها البريئه وطريقه كلامها وكسوفها وبعدين فاق وركب عربيته ومشي
ومليكة ركبت الاسانسير وهنا كانت المفاجأه
*_يتتتتبع 🕊️🍃_*
أنت تقرأ
عمياء احتلت كياني |مكتملة
Romanceهنا في هذه القصه شي جديد و مختلف لن تكون هذه القصه مثل البقيه جمعهما القدر معا لكن ماذا سيحدث أن كانت البطله عمياء ؟! ساترككم لتكتشفون هذا
