عمياء احتلت كياني |مكتملة

الفصل السادس عشر

يوسف:انا يوسف الصاوي والد سليم يوسف الصاوي خطيب بنتك مليكة
رفعت:ايوه طبعا انا عارف سليم حكالي علي كل حاجه
يوسف:اهم حاجه ان حضرتك تسامحني علي تسرعي في الحكم علي ارتباط سليم ومليكة
رفعت:محصلش حاجه يا استاذ يوسف انا رضيت بارتباط سليم ومليكة في غيابك لما سمعت نبرة صوت بنتي وهي بتتكلم عن سليم قدامي وسمعت نفس النبرة في صوت سليم ابن حضرتك وشوفت نظرة في عينيه نظرة حب مش عاديه لمليكة يوم خطوبتهم
يوسف:انا فاهم كل ده ومقدر عشان كده جيت اعتذر عن تسرعي في قرار ارتباط ابني ببنت حضرتك وعاوز اخد منك معاد عشان نتفق علي كل حاجه تخص الفرح
رفعت بتردد:ايوه بس انا لسه ماوظفتش سليم عندي زي ماطلب مني
يوسف:من الناحيه دي ماتحملش هم لان سليم هيمسك كل الشغل مكاني
رفعت:بجد والله الحال ده يبسطني جداا والصراحه سليم ذكي جدااا وشاطر وهيقدر يمسك الشغل مكانك ويديره بكل نجاح ان شاء الله
يوسف:ان شاءالله طب معلش بقي استأذن انا دلوقتي عشان عندي مشوار مهم جدا لازم اعمله
رفعت:طب انت مشربتش حاجه
يوسف وقام وقف:المرة الجاية بإذن الله وهكلم حضرتك بليل نتفق على معاد نجيلكم فيه البيت ونتفق على كل حاجه عن اذنك
رفعت:اتفضل
يوسف وهو بيسلم علي رفعت:مع السلامه
وبادله رفعت وقال:مع السلامه نورتني
وغادر يوسف وعاد رفعت ليجلس على مكتبه وهو سعيد وحزين في نفس الوقت

اما عند سمية
كانت تجلس مع ايهاب في احدي الكافيتريات
سميه بعصبيه:هو حضرتك تختفي بالشهر وشويه ده عادي يعني ولا ايه
ايهاب:اهدي شويه ووطي صوتك انا مبحبش الاسلوب ده 
سميه:اديني وطيته تقدري تقولي بقي هنعمل ايه
ايهاب:انا عرفت ان يوسف الصاوي كان عند عمي رفعت انهارده في المكتب واكيد كانوا بيتكلموا عشان مليكة وسليم
سميه:طب والعمل ايه
ايهاب:بصي بقي
وبدأ يشرح لها هيعملوا ايه بظبط
ايهاب:فهمتي كده
سمية:اه تمام

وفي كافيتريا اخري
كانت تجلس مليكة تنتظر سليم واتي سليم ولم يأتي وحده فا جاء معه يوسف والده
سليم:انا جيت
مليكة وهي تنتبه للصوت:سليم ايه اللي اخرك كل ده بقالي ساعه مستنيه
سليم:معلش بقي مانا مش جاي لوحدي
مليكة:ايه ده هو في حد معاك
سليم:بابا
يوسف وهو يمسك يد. مليكة ليسلم عليها:ازيك يا بنتي
مليكة:كويسه الحمدلله يا انكل حضرتك عامل ايه وايه اخبار صحتك
يوسف:الحمدلله بخير الصراحه سليم مابيبطلش كلام. عنك. مكنتش اعرف انك جميله اوووي كده
مليكة:ميرسي جدا ده من ذوق حضرتك والله
سليم:بابا كان جاي عشان يتعرف عليكي ونتكلم شويه
واخذ يتحدث يوسف مع مليكة وكان سليم يتابع كل ذلك بدهشه من تغير والده فجأه في معاملته ومعامله مليكة وبعد ان انتهوا من الحديث اوصل سليم ويوسف مليكة الي البيت وبعدها ذهبوا الي البيت

اما عند رفعت وسميرة في البيت
كان يجلسوا في الصالون ويتحدثوا معا وقاطعهم صوت دخول مليكة من باب البيت
سميرة:تعالي يا حبيبتي احنا هنا انا وبابا
مليكة كانت ممسكه بعصاتها الخاصه التي تدلها علي الطريق وذهبت إلى عندهم
رفعت:ايه كنتي فين كل ده
مليكة:كنت مع سليم وباباه بصراحه راجل لطيف اوووي وذوق جدا
رفعت:اه يبقي هو ده. المشوار المهم اللي عمله بعد ما مشي عندي من المكتب
مليكة بصدمه:ايه ده هو جه لحضرتك المكتب
سميرة:ايه ده ماقولتليش ليه يا رفعت
رفعت:نسيت خالص بس فعلا راجل ذوق ومحترم اوووي يا سميرة
سميرة:طب يلا بقي عشان نتعشي
مليكة:طيب انا هغير هدومي وجايه علي طول
رفعت:ماشي تعالي يا سميرة انا هساعدك في الاكل
سميرة:يلا والله مع انها غريبه شويه
رفعت:انا غلطان
سميرة بضحك:لا خلاص ياريت لانك شاطر في تقطيع السلطه اوي
رفعت:طب يلا وهتشوفي
ثم ذهبوا الي المطبخ لاعداد الطعام