قاطع حديث سليم ومليكة رنين هاتف سليم
سليم:الو يا ماما
فريدة بعياط:الحقني يا سليم راندا سكرتيرة باباك كلمتني من الشركة عند باباك وقالتلي انه تعب اوووي ونقلوه المستشفي
سليم قام وقف وقال:طب اهدي وقوليلي انتو في مستشفي ايه
فريدة:مستشفي.....تعالي بسرعه ارجوك
سليم:حاضر انا جاي حالا
مليكة بقلق:في حاجه يا سليم ولا ايه
سليم وهو بيدفع حساب المشروبات:لازم نمشي دلوقتي ابويا تعب فجأه ونقلوه المستشفى لازم اروح اشوفه
مليكة:طب يلا روح مستني ايه
سليم: طب تعالي يلا هطلبلك اوبر عشان تروحي وبعدين اما تمشي ابقي اروح
مليكة: لا طبعا اوبر ايه ده اللى تستناه يلا روح شوف باباك وانا هكلم سارة اشوفها فين ونروح سوا
سليم: لا مش هسيبك يلا بس
مليكة بجديه وحنيه:يلا بس انت روح شوف باباك زطمني ومتقلقش اول ما اروح هكلمك
سليم: ماشي يا حبيبتي يلا سلام
مليكة: سلام
وجاء من وراءها صوت هي تعرفه جيدا ويستفزها جدااا
سمية:توء توء يا حرام ازاي يسيبك اعده لوحدك كده ويمشي يالهوي علي قله الذوق
مليكة بعصبيه:افندم حضرتك عاوزة حاجة
سمية:مش عاوزة حاجة بس ازاي واحد يسيب خطيبته قاعده لوحدها كده ويمشي من غير ما يوصلها حتي لحد برا يا حراام بجد
مليكة بحزم:لا هو ماسبنيش عشان يعمل حاجه غلط هو سابني عشان يروح يطمن علي باباه اللي تعبان ولو سمحتي ماتتكلمنيش تاني عن خطيبي بالطريقة دي
وكانت سمية هتتكلم قاطعها دخول سارة واحتضانها لمليكة
سارة وهي بتحضن مليكة:لوكا حبيبتي وحشتيني اووي من امبارح والله
مليكة:وانتي كمان والله يا سوسو
سارة:حبيب....ايه ده مين حضرتك صاحبتك دي يا لوكا
مليكة بقرف:لا طبعا معرفهاش
سارة:اه طب يلا احنا بقي عشان نروح عن اذنك كده شويه
وزقت سميه ومشيت هي ومليكة
سميه بغل:ماشي يا مليكة اما وقعتي تحت ايدي ومش هرحمك ساعتها انك خدتي حاجه تخص سمية
ومشيت هي كمان وهي تستشاط من الغضب
اما عند سارة ومليكة
كانت تقف هي وسارة خارج الجامعه ينتظرون اوبر ويتحدثون ويضحكون كثيراا
مليكة:خلاص هموووت يا سارة مش قادرة فصلتيني
سارة:اه والله يا بنتي ده باينله عبيط ولا ايه
مليكة:خلاص بس والله بحس طارق ده طيب اوووي بجد بس هو طايش شويه سليم بيحكيلي عنه مصايب كتير
سارة بلهفه: ايه ده مصايب ليه احكيلي ونبي
مليكة:هقول.....ايه ده استني وانتي مالك ملهوفه احكيلك كده ليه
سارة بخجل:ااا....اصل.... لا عادي يعني
مليكة:اممم طيب وقاطعتها سارة
سارة:ايه ده استني اوبر وصل نركب وبعدين نكمل كلامنا
مليكة:طيب يلا
وركبوا اوبر وذهبوا الي البيت وظلوا يتحدثون الي ان وصلت كل واحده الي بيتها وكانت مليكة تضحك كثيرا مع سارة لكن كان دائما بالها مشغول ب سليم
اما في المستشفي
دخل سليم الي الاستقبال
سليم وهو ياخذ نفسه بصعوبه:لو سمحتي غرفه استاذ يوسف الصاوي رقم كام
موظفه الاستقبال:حضرتك قريبه
سليم:ايوه انا ابنه
موظفه الاستقبال:اشوف البطاقه لو سمحت
سليم:حاضر ثم اعطاها البطاقه وتأكدت من البيانات
موظفه الاستقبال:تمام حضرتك اتفضل البطاقه هو في الدور التاني
سليم: شكرا
ثم ركب المصعد وصعد للدور الثاني
سليم وهو يبحث بعينيه عن والدته او اي شخص يعرفه فا لمح بعينيه والدته فريدة تجلس وبيدها مصحف وتقرأ به فا ذهب لها
سليم بقلق: ماما في ايه بابا ماله
فريده بعياط:الدكتور لسه عنده جوا بقاله ساعه واكملت بدعاء يارب نجيه يارب
ثم احتضنها سليم:خلاص اهدي والله هو هيبقي كويس متقلقيش عشان خاطري اهدي
ثم خرج الدكتور
سليم:خير يا دكتور طمنا بابا عامل ايه
الدكتور:ماخبيش عليك باباك جاله ازمه قلبيع شديده جدااا وده تقريبا بسبب الضغط النفسي والعصبي وكمان كان عنده هبوط حاد جدا بسبب نقص الفيتامينات في جسمه وقله الاكل طبعا
سليم:طب نقدر نشوفه دلوقتي
الدكتور:هو مش مسموح دلوقتي بس ممكن شخص واحد بس يدخل عن اذنكم
سليم: اتفضل يا دكتور
فريدة:انا هدخله
سليم:لا استني انتي هنا لحد ما تهدي وبعدين ادخليله انا هدخل دلوقتي اطمن عليه واطمنك
فريدة:حاضر يا حبيبي
اما عند مليكة كانت وصلت البيت
كانت تجلس علي سريرها وتفكر في سليم وحال والده وقطع تفكيرها طرقات الباب
سميرة من الخارج: ممكن ادخل
مليكة:تعالي يا ماما في حاجه ولا ايه
سميرة:اصل من ساعه ما جيتي من بره وانتي قافله علي نفسك ومحكتليش حاجه زي كل يوم
مليكة: لا عادي يا ماما متضايقه شويه ودماغي مشغوله
سميرة:ليه بس يا حبيبتي مالك
مليكة:سليم باباه تعب فجأه ودخل المستشفي وسليم مكلمنيش لحد دلوقتي وبقاله ساعه وربع تقريبا
سميرة:يا ساتر يارب طب ما تكلميه انتي
مليكة: مانا خايفه يكون لسه ماوصلش بس هستني شويه واكلمه
سميرة:ماشي يا حبيبتي ربنا يطمنك عليه يارب طب يلا بقي عشان الغدا جهز
مليكة:ماليش نفس والله
سميرة:خلاص انا عندي حل
مليكة:ايه هو
سميرة:ثواني وهتعرفي وخرجت ثم عادت بيدها صينيه وعليها الاكل ومن وراءها رفعت يمسك بصينيه بها عصير وماء
مليكة باستغراب:ايه الخبط الكتير ده يا ماما وايه الريحه الحلوة دي
رفعت وهو يضع العصير علي الترابيزة:انتي مش عاوزة تاكلي جيبنا احنا الاكل عشان ناكل هنا كلنا
مليكة: بس اناا...
وهنا قاطعها رفعت بلقمه من الاكل فا لم ترضي مليكة ان تكسفهم واكلت معهم ولكن دائما بالها مشغول بسليم
*_يتتتتبع 🕊️🍃_*
أنت تقرأ
عمياء احتلت كياني |مكتملة
Romanceهنا في هذه القصه شي جديد و مختلف لن تكون هذه القصه مثل البقيه جمعهما القدر معا لكن ماذا سيحدث أن كانت البطله عمياء ؟! ساترككم لتكتشفون هذا
