නැවක දුම් බටේකින් නැගෙන නළා හඩක් එක්ක මුහුදු ළිහිනින් අහස පුරාම පියාඹලා ගියා. ඊයෙ දරුණු කුණාටුවක් තිබුන බවට සලකුණක්වත් අද දකින්න නෑ. හැමදෙයක්ම සාමාන්‍ය තත්වයටම පත්වෙලා තිබුනා.
ඒ උනත් ඊයෙ කුණාටුව නිසා මතුපිටට ආපු මාළු ඩැහැගන්න ලිහිණියොයි පෙලිකන් කුරුල්ලොයි ලොකු තරගයක.
සුදු පාට නේවි සූට් එකකින් සැරසුන කැප්ටන් ජොන් ජන්කූක් නැවේ දෙවනි තට්ටුව අද්දරට වෙලා දුරදක්නෙකින් ඒ දිහා බලාගෙන හිටියා. සේද මාවත හරහා ඔවුන්ගේ නැව ගමන් කරමින් තිබුනෙ උතුරු යුරෝපයට.
අද හොදින් ඉර පායලා අහස පැහැදිලි නිල් පාටකින් දිස්උනා. සයුරත් නිසල නිසා ධීවර බෝට්ටු රාශියක් ගැඹුරු මුහුද පුරාමත් යාත්‍රා කරමින් තිබුනා.
අපූරු දවසක්... කැප්ටන්ට හිතුනා.
හෙට රාත්‍රිය එළඹෙනකොට ඔවුන්ට එංගලන්තයට යන්න පුළුවන් වෙයි.
