*အောက်မှာ Zawgyiတော့ ပါပါတယ်။ ဒါပေမဲ့ ဖတ်လို့ မရရင် ssနဲ့ ဖတ်လို့ရပါတယ်။ ssနဲ့ တင်ပေးထားပါတယ်။ ကိုယ့်ဖုန်းက ကီးဘုတ်ကြောင်နေလို့ပါ။*
*ေအာက္မွာ Zawgyiေတာ့ ပါပါတယ္။ ဒါေပမဲ့ ဖတ္လို႔ မရရင္ ssနဲ႕ ဖတ္လို႔ရပါတယ္။ ssနဲ႕ တင္ေပးထားပါတယ္။ ကိုယ့္ဖုန္းက ကီးဘုတ္ေၾကာင္ေနလို႔ပါ။
Unicode....
'ကျိုးယန့်ဟာ' အများကတော့ သူမကို အဘွားကျိုးလို့ ခေါ်ကြတယ်။ သူမရဲ့ အိမ်မှာ နေထိုင်တဲ့ ကောင်လေး နှစ်ယောက်အပါအဝင်ပေါ့။
ငယ်စဥ်ကတည်းက ဆွေမျိုးသားချင်း ဆိုပြီး လက်ညိုးထိုးပြစရာ မရှိတဲ့ သူမက အသက်ကြီးတော့လည်း တစ်ယောက်တည်း အထီးကျန်စွာနဲ့ရှင်သန်နေရတာပါပဲ။
ညတစ်ည။ သူမရဲ့ ဘဝထဲကို အားကျန့်နဲ့ သားရိပေါ်ဆိုတဲ့ မြေးအရွယ် ကောင်လေးနှစ်ယောက်ဝင်လာခဲ့တယ်။ သူစိမ်းဆို တော်ရုံ သိပ်မယုံကြည်ရဲပေမဲ့ ထိုကောင်လေးနှစ်ယောက်ကိုကြ အကြွင်းမဲ့ ယုံကြည်လို့ ရနိုင်မယ်လို့ သူမစိတ်က ထင်ခဲ့တယ်။
သူမရဲ့ အတွေးနဲ့ အထင်ကလည်း မမှားခဲ့ပါဘူး။ ကောင်လေးနှစ်ယောက်က လူရည်မွန် လူရည်ကောင်းလေးတွေ ။အစက သူမ,ကောင်လေးနှစ်ယောက်ကို ညီအစ်ကို တော်စပ်တယ်လို့ ထင်ခဲ့ဖူးတယ်။ သို့ပေမဲ ကောင်လေးတို့က ညီအစ်ကို မဟုတ်ပဲ လက်ထပ်ထားတယ်ဆိုတာ သားရိပေါ်လေး ပြောပြလို့ သိခဲ့ရတယ်။
အဲ့တာကို မအံ့သြဘူးလား ဆိုတော့ အံ့သြတာပေါ့။ သူမတို့ တိုင်းပြည်မှာ ကောအမျိူးသားတွေ ရှိတယ်ဆိုတာ ကြားဖူးပေမဲ့ မြင်တွေ့နေကြတော့ မဟုတ်တဲ့အတွက် ယောကျ်ားလေးနှစ်ယောက် လက်ထပ်ထားတာက သူမ အတွက် နည်းနည်း ထူးဆန်းနေ သလို ခံစားရတယ်။ တခြားဒေသက ယောကျ်ား လေး စုံတွဲတွေ လက်ထပ်တဲ့ အကြောင်းကိုတော့ တစ်စွန်းတစ်စ ကြားခဲ့ဖူးပါတယ်။ဒီလိုတော့ လက်တွေ့ မမြင်ခဲ့ဖူးဘူး။
ယောကျ်ားလေး စုံတွဲ ဖြစ်တဲ့ ကောင်လေးနှစ်ယောက် လက်ထပ်ထားတဲ့အကြောင်းကို သူမ အံ့သြရုံက လွဲလို့ ဘာမှ ထွေထွေထူးထူး ခံစားရတာမျိုး မရှိခဲ့ဘူး။
