وافي

البارت ال ١٨

عذراً ، أتمنى فيه تفاعل ب الردود ع شان أنزل 💔
-----------

ــ
فارس أنتبه على عمره و لف لحازم إللي خزه بقوة ..
مصعب : فارس .. من جدك !
حازم : مطول يعني أنت ؟ ما سمعت المختصر ؟
مصعب بيتكلم بس رن جواله و كانت زوجته ، و هو بيمشي : لنا كلام ثاني فارس
ركب مصعب سيارته و مشى و فارس ضل قلبه يدق بقوة وش قلت
مع مييين حااازم ..
حازم لف فارس له : جنيت أنت ؟ أنا ع بالي واحد يضايقك أو يتحرش فيك ؟
طلعت شنو ... لا و تقول أنا حبيبك !
فارس بعد يده عن حازم : آس..آسف ..
حازم بحدة : شنو الآسف هذي ؟ أنت طحت من عيني ..
فارس أدري أني غلطت .. : أنت السبب ..
حازم أستغرب من ردة فعله : نعم !
فارس : ايه كان مريت و ما عطيتنا وجه ليش مسكتني كذا ؟ ليش عطيتني
الأكواب و بينت أنك تعرفني ..
حازم : يعني هذا جزاي ؟
فارس : قلت لك آسف خلاص و أنا طحت من عينك مو مشكله ..
مشى فارس و خلى حازم إللي للحين مو مستوعب كلام فارس له ..
ركب سيارته و مشى و دمعته في عينه الله يلعنك يا مصعب يا أنت مو تاركني
في حالي و مو كافيني خيرك وشرك ..

ـــ
غطى رافي و رجع سريره ينام سحب جواله و ما شاف منه أي رسالة راح هو
أرسل له ..
محمد : نمت حبيبي ؟
ياسر : ايه ..
محمد : هههههههه
ياسر : ليش تضحك ..؟
محمد : تنتظرني أتكلم ، ليش ما كلمتني اليوم ؟
ياسر قام من السرير و طلع برى و أتصل على محمد .. إللي أنتقز و رد عليه ..
ياسر : تعاتبني ؟
محمد بدلع : ما يحق لي ؟
ياسر : هههههههه تتعمد صح ..
محمد ببراءة : شنو حبيبي ؟
ياسر : آخ بس منك أبي أشوفك ، بجي آخذك من المدرسة بكرة ..
محمد فرح : طيب و الدوام ؟
ياسر : بآخذك أغديك و برجع ..
محمد: لا تتتعب ..
ياسر : ما تبيني ؟
محمد : إلا .. تعال ..
ياسر : ههههههه بجيك ..
محمد : يلا رح نام ..
ياسر : سرقت جملتي ، تصبح على خير .
محمد : تلاقي الخير ..
سكر من عنده و دفن راسه في السرير و هو يحرك رجوله ما صار بينهم شي
طول هالفترة كان ياسر يتقرب منه خطوة خطوة و يتعرفون على بعض أكثر
من دون ما أحد منهم يذكر الثاني بماضي الحب إللي عاشه ..

ـــ
في الجامعة ..
وافي : مووووو من جدك !!!!
فارس حاط راسه ع الطاولة : أقتلني وافي مدري شلون قلت كذا ..
وافي و هو يدق على ظهر فارس : هههههههه رسبنا خلاص المواد راح نحملها ،
أجل حازم حبيبك هاه ؟ مدري شلون نجيت من حازم ذيك اللحظة ..
فارس رفع راسه : وااافي ما أبي أشوفه أوف أحسه بيطالع فيني بإشمئزاز
و بآكل تبن بباقي المحاضرات ..
وافي : لا تهتم له طنشه و كمّل عادي إذا حسك خايف راح يستغل هذا ع شان
يهينك أو يحطط من قيمتك ..
دخل حازم و سلم و بدا محاضرته ..
وافي بهمس : لا تتطالع فيه بمبالغة يعني أني مركز في المحاضرة ..
فارس : أوف ماني مرتاح ..
في نص المحاضرة فارس مسك يد وافي ..
وافي لف له : شفيك ؟
فارس : مدري أحس بدوخه بطلع ..
وافي : أجي معاك ؟
فارس : لا بقول له بروح دورة المياة و ما راح أرجع أغراضي طلعهم معاك..
وافي بيتكلم بس فارس رفع يده لحازم ..
حازم طالع فيه : نعم ..
فارس وقف : ممكن دكتور دورة المياه ..
حازم : تفضل ..
فارس طلع و جلس ع الكراسي إللي برى بعيد شوي عن الباب وتسند ما أكل
شي طول أمس واليوم غمض عيونه و هو منهد حيله ، على قد الحب إللي حبه
و عشقه لمصعب على قد الكره إللي تولده فيه ، إللي بينهم مو كانت 4 سنوات
حب كان مصعب يدلعه و يدلل فيه ما كان يقسى عليه بالعكس كان حنون
عليه لا و كان يدعمه في كل شي ، تعلق فيه بجنون و ما توقع أنه في يوم
بيجيه يقول له أنه بيتزوج لا مو مجبر و لا مرغم ، قال له أن السنين إللي
عاشها معاه كانت حلوة بس الواحد لازم يشوف حياته و مستقبله ، تزوج من
بنت مدير في الشغل و رماه من دون كلمة أعتذار أو اسف أو سبب مقنع ..
الدوخة سيطرت عليه و حس بغثيان و إغمادة أنسدح ع الكراسي و غمض عيونه..